Visit Channel

ಅರಣ್ಯದಲ್ಲಿ ಜೀಪಿನಿಂದ ಬಿದ್ದು ಹೆತ್ತವರಿಂದ ದೂರವಾದ ಹಸುಗೂಸು ಮತ್ತೆ ಹೆತ್ತವರ ಮಡಿಲಿಗೆ..

image14bc7058-582f-4899-bbf8-08ef9832fddd


ಇಡುಕ್ಕಿ(ಕೇರಳ),ಸೆ.10: ಕೇರಳದ ಇಡುಕ್ಕಿ ಸಮೀಪದ ರಾಜಮಾಲಾ ಎಂಬ ಅರಣ್ಯ ಭಾಗದಲ್ಲಿ ಸಂಭವಿಸಿದ ಘಟನೆಯೊಂದು ಸದ್ಯ ಎಲ್ಲರನ್ನೂ ನಿಬ್ಬೆರಗಾಗುವಂತೆ ಮಾಡಿದೆ. ಇಲ್ಲಿನ ಚೆಕ್ ಪೋಸ್ಟ್ ಬಳಿ ಚಲಿಸುತ್ತಿದ್ದ ಜೀಪಿನಿಂದ ಕೆಳಕ್ಕೆ ಬಿದ್ದು ಹೆತ್ತವರಿಂದ ತಪ್ಪಿಸಿಕೊಂಡಿದ್ದ 1 ವರ್ಷದ ಹೆಣ್ಣು ಮಗು ಮತ್ತೆ ಹೆತ್ತವರ ಮಡಿಲು ಸೇರಿದೆ.

ಕಂಬಲಿಕ್ಕಂಡಮ್ ಎಂಬ ಊರಿನ ನಿವಾಸಿಗರಾಗಿರುವ ಈ ಮಗುವಿನ ಹೆತ್ತವರು ತಮಿಳುನಾಡಿನ ಪಳನಿ ದೇಗುಲದಿಂದ ತಮ್ಮ ಊರಿಗೆ ವಾಪಸ್ಸಾಗುವ ವೇಳೆ ನಿದ್ದೆಗೆ ಜಾರಿದ ಸಂದರ್ಭದಲ್ಲಿ ಮಗು ತಾಯಿಯ ಮಡಿಲಿನಿಂದ ಕೆಳಕ್ಕೆ ಬಿದ್ದಿತ್ತು..ಆದರೆ ಇದ್ಯಾವುದನ್ನೂ ಅರಿಯದ ಹೆತ್ತವರು ಊರು ಸೇರಿದ್ದರು. ಇತ್ತ ಮಗು ಬಿದ್ದ ರಭಸಕ್ಕೆ ತಲೆ ಪೆಟ್ಟು ಮಾಡಿಕೊಂಡಿದ್ದು, ಅಂಬೆಗಾಲಿಕ್ಕಿ ರಸ್ತೆ ದಾಡಿ ಅರಣ್ಯ ಪ್ರದೇಶದತ್ತ ಅಳುತ್ತಾ ಹೊರಟಿತ್ತು. ಮಗುವಿನ ಅಳು ಕೇಳಿಸಿಕೊಂಡ ಅರಣ್ಯ ಇಲಾಖೆ ಸಿಬ್ಬಂದಿ, ಅತ್ತ ದೌಡಾಯಿಸಿ ಮಗುವನ್ನು ರಕ್ಷಿಸಿದ್ದಾರೆ. ಅಲ್ಲದೆ ಮಗುವು ಯಾವುದೇ ಕಾಡು ಪ್ರಾಣಿಗಳ ಪಾಲಾಗದೆ, ಯಾವುದೇ ಸಮಸ್ಯೆಗಳಿಗೆ ಸಿಲುಕದೆ ಸಿಬ್ಬಂದಿಯ ಕೈಸೇರಿತ್ತು.. ಚೆಕ್ ಪೋಸ್ಟ್ ಬಳಿಯ ಸಿಸಿಟಿವಿ ದೃಶ್ಯಗಳಿಂದ ಮಗು ಜೀಪ್ ನಿಂದ ಬಿದ್ದಿರುವುದು ತಿಳಿದುಬಂದಿದ್ದು, ಸದ್ಯ ಮತ್ತೆ ಹೆತ್ತವರ ಮಡಿಲು ಸೇರಿದೆ.

Latest News

E-Shram Card
ಪ್ರಮುಖ ಸುದ್ದಿ

ಇ-ಶ್ರಮ ಕಾರ್ಡ್ ಉಪಯೋಗದ ಬಗ್ಗೆ ನಿಮಗೆ ತಿಳಿದಿಲ್ಲವೆ ?  

ಅಸಂಘಟಿತ ವಲಯದ ಕಾರ್ಮಿಕರಿಗೆ  ಸಂಪೂರ್ಣವಾಗಿ  ವೃತ್ತಿ ಮಾಹಿತಿ  ಮತ್ತು   ಸರ್ಕಾರದ  ಯೋಜನೆಗಳು  ಕಾರ್ಮಿಕರಿಗೆ ನೇರವಾಗಿ ತಲುಪಿಸುವ ,ಹಾಗೂ ದತ್ತಾಂಶ ಸಂಗ್ರಹಿಸುವ ಉದ್ದೇಶದಿಂದ 26  ಆಗಸ್ಟ್‌  2021 ರಂದು  ಕೇಂದ್ರ ಸರ್ಕಾರವು ಈ ಯೋಜನೆಯನ್ನು  ಜಾರಿಗೊಳಿಸಿದೆ. 

inflation
ದೇಶ-ವಿದೇಶ

ಅಗತ್ಯ ವಸ್ತುಗಳ ಬೆಲೆ ತಗ್ಗಿದ ಪರಿಣಾಮ: ಜುಲೈನಲ್ಲಿ ಚಿಲ್ಲರೆ ಹಣದುಬ್ಬರ ಶೇ.6.7 ಇಳಿಕೆ ನಿರೀಕ್ಷೆ

ಅಂದು 100 ರೂಪಾಯಿಗೆ ಖರೀದಿಸುವ ಸಾಮಾನು ಈಗ 500 ಕೊಟ್ಟರು ಬರುವುದಿಲ್ಲ. ಕಾರಣ ಹಣದ ಮೌಲ್ಯ ಕಡಿಮೆಯಾಗಿದೆ, ಈ ಹಣದ ಮೌಲ್ಯ ಕಡಿಮೆಯಾಗಿರುವುದನ್ನೇ ನಾವು ಹಣದುಬ್ಬರ ಎನ್ನುತ್ತೇವೆ.