ಮೇಷ:- ನೀವು ಮಾತನಾಡಲು ಹೋಗುವುದಿಲ್ಲವಾದರೂ ಹಿಂದೆ, ಮುಂದೆ ಯೋಚಿಸದೆ ಯಾವುದೇ ವಾಗ್ದಾನ ಕೊಡಬೇಡಿ. ಸದ್ಯದ ಗ್ರಹಸ್ಥಿತಿಗಳು ಉತ್ತಮವಾಗಿಲ್ಲ. ತಣ್ಣೀರನ್ನು ಆರಿಸಿ ಕುಡಿಯುವ ಕಾಲ. ಆದಷ್ಟು ನಿಮ್ಮ ಎಚ್ಚರಿಕೆಯಲ್ಲಿ ನೀವು ಇರಿ.

ವೃಷಭ:- ಸುಖಾಸುಮ್ಮನೆ ಗೊಣಗಿಕೊಳ್ಳುವುದನ್ನು ಬಿಡಿ. ನಿಮ್ಮ ಮನಸ್ಸಿನ ವಿಚಾರಗಳನ್ನು ನಿಮ್ಮ ಸಂಗಾತಿಯ ಮುಂದಾದರೂ ಹೇಳಿಕೊಳ್ಳಿ. ಆಗ ಕೆಲ ಸಮಸ್ಯೆಗಳಿಗೆ ಪರಿಹಾರ ಸಿಗುವುದು. ನಿಮ್ಮ ಗೊಣಗಾಟವೂ ಕಡಿಮೆ ಆಗುವುದು.

ಮಿಥುನ:- ಹಿರಿಯರ ಮೂಲಕ ಬಹು ನಿರೀಕ್ಷಿತ ವಿಚಾರವೊಂದು ನಿಮಗೆ ಅನುಕೂಲ ಆಗುವಂತೆ ಬಗೆಹರಿಯಲಿದೆ. ಆದರೆ ಇದಕ್ಕಾಗಿ ನೀವು ಸ್ವಲ್ಪ ಹಣ ವ್ಯಯಿಸಬೇಕಾಗುವುದು. ನಿಮ್ಮ ಆಪ್ತ ಸ್ನೇಹಿತರು ಸಹಕಾರ ನೀಡುವರು.

ಕಟಕ:- ಕೆಲವು ನಯವಂಚಕರು ನಿಮ್ಮ ಬಳಿ ಬಂದು ನಯ, ವಿನಯ ಮಾತುಗಳಿಂದ ನಿಮ್ಮಲ್ಲಿನ ಹಣವನ್ನು ಲಪಟಾಯಿಸಲು ಯೋಚಿಸುವರು. ಈ ಬಗ್ಗೆ ಜಾಗೃತರಾಗಿರಿ. ಅಗತ್ಯಕ್ಕೆ ತಕ್ಕಷ್ಟು ಹಣ ಖರ್ಚು ಮಾಡಿ.

ಸಿಂಹ:- ಎಲ್ಲವನ್ನೂ ಗೆಲ್ಲಬೇಕು ಎಂಬ ಮಹತ್ವಾಕಾಂಕ್ಷೆ ನಿಮಗೆ ಇರಲಿ. ಆದರೆ ನಿಧಾನವಾದ ನಡೆಯು ಯಶಸ್ಸನ್ನು ತಂದು ಕೊಡುವುದು. ಇದಕ್ಕೆ ನಿಮ್ಮ ಬುದ್ಧಿಮತ್ತೆ ಮತ್ತು ಜಾಣ್ಮೆಯ ಅಗತ್ಯ ಇರುವುದು. ಹಿರಿಯರ ಆಶೀರ್ವಾದ ಪಡೆಯಿರಿ.

ಕನ್ಯಾ:- ಬಹುದಿನದಿಂದ ನಿರೀಕ್ಷಿಸುತ್ತಾ ಇದ್ದ ಕಾರ್ಯ ನೆರವೇರುವ ಸಾಧ್ಯತೆ ಇದೆ. ಜಮೀನಿನ ವಿಷಯದಲ್ಲಿಕಗ್ಗಂಟಾಗಿದ್ದ ವಿಚಾರವು ಅನುಭವಿ ಮಧ್ಯಸ್ಥರಿಂದ ಬಗೆಹರಿಯುವುದು. ಹಣಕಾಸಿನ ನೆರವು ದೊರೆಯುವುದು.

ತುಲಾ:- ನಿಮ್ಮ ಮನೆಯ ವಿಚಾರದಲ್ಲಿಒಡಹುಟ್ಟಿದವರ ಜೊತೆಗಿನ ಭಿನ್ನಾಭಿಪ್ರಾಯಗಳು ಬಗೆಹರಿಯುವ ಶುಭ ಸೂಚನೆಗಳು ಕಂಡುಬರುವುದು. ಗುರು, ಹಿರಿಯರ ಆಶೀರ್ವಾದದಿಂದ ಎಲ್ಲವೂ ಸುಖಾಂತ್ಯವಾಗುವುದು.

ವೃಶ್ಚಿಕ:- ನಿಮ್ಮ ಹಲವು ದುಃಖ ದುಮ್ಮಾನಗಳಿಗೆ ಅಂತ್ಯ ಸನ್ನಿಹಿತವಾಗಿದ್ದು ನಿಮ್ಮ ಕುಲ ದೇವರನ್ನು ಅನನ್ಯವಾಗಿ ಭಜಿಸಿ. ಮುಂದಿನ ದಿನಗಳಲ್ಲಿ ಮಹತ್ತರ ಬದಲಾವಣೆ ಕಾಣುವಿರಿ. ಮನಸ್ಸಿಗೂ ನೆಮ್ಮದಿ ದೊರೆಯುವುದು.

ಧನುಸ್ಸು:- ನಿಮ್ಮನ್ನು ನೀವು ಪದೇಪದೆ ಸಮರ್ಥನೆ ಮಾಡಲು ಮುಂದಾಗುವಿರಿ. ನಿಮ್ಮ ಪ್ರಯತ್ನ ವ್ಯರ್ಥವಾಗುವ ಸಂದರ್ಭವಿದೆ. ಆಂಜನೇಯ ಸ್ವಾಮಿ ಸ್ತೋತ್ರ ಪಠಿಸಿ. ಹಣಕಾಸಿನ ಸ್ಥಿತಿ ಸಾಧಾರಣವಾಗಿರುವುದು.

ಮಕರ:- ಹೇಳುವುದು ಒಂದು, ಮಾಡುವುದು ಮತ್ತೊಂದು ಎಂಬ ಜನರ ಗುಂಪು ನಿಮ್ಮನ್ನು ಭೇಟಿ ಆಗಲಿದೆ. ಆ ಗುಂಪು ನಿಮ್ಮ ವಿಚಾರಧಾರೆಗಳನ್ನೇ ತಿರುವು, ಮುರುವು ಮಾಡುವ ಸಾಧ್ಯತೆ ಇದೆ. ಈ ಬಗ್ಗೆ ಎಚ್ಚರಿಕೆಯಿಂದ ಇರಿ.

ಕುಂಭ- ಅಪರೂಪದ ವಾಕ್‌ ಶಕ್ತಿ ಪಡೆದಿರುವ ನೀವು ಮೇಲಧಿಕಾರಿಗಳಿಂದ ಮುಖ್ಯವಾದುದನ್ನು ಸ್ವೀಕರಿಸುವಿರಿ. ಕಚೇರಿಯ ಕೆಲಸ ಕಾರ್ಯಗಳಿಗೆ ಇದರಿಂದ ಹೆಚ್ಚಿನ ಅನುಕೂಲವಾಗುವುದು. ಬಾಕಿ ಬರಬೇಕಾಗಿದ್ದ ಹಣವೂ ಕೈ ಸೇರುವುದು.

ಮೀನ:- ನೀವು ಹಮ್ಮಿಕೊಂಡ ಕಾರ್ಯಗಳು ಕೈಗೂಡುವುವು. ಆದರೆ ಆಸ್ತಿ ಖರೀದಿಗೆ ಸಂಬಂಧಪಟ್ಟಂತೆ ಹಿನ್ನಡೆ ಆಗುವುದು. ತಾಯಿಯ ಆರೋಗ್ಯದಲ್ಲಿಏರಿಳಿತಗಳು ಕಂಡುಬರುವ ಸಾಧ್ಯತೆ ಇದೆ. ಸೂಕ್ತ ವೈದ್ಯಕೀಯ ಸಲಹೆ ಪಡೆಯಿರಿ.