ಈ ದಿನ ಯಾವ ರಾಶಿಯ ಭವಿಷ್ಯ ಹೇಗಿದೆ..? ನವೆಂಬರ್ 20,2019- ಬುಧವಾರ

ಮೇಷ:- ನೀವೇ ಆಶ್ಚರ್ಯಪಡುವ ರೀತಿಯಲ್ಲಿ ನಿಮ್ಮ ಹೆಚ್ಚಿನ ಪ್ರಯತ್ನಗಳಿಗೆ ಯಶಸ್ಸು ಶೀಘ್ರದಲ್ಲಿಯೇ ಲಭ್ಯವಾಗಲಿದೆ. ಹಣಕಾಸಿನ ಪರಿಸ್ಥಿತಿ ಉತ್ತಮಗೊಳ್ಳುವುದರಿಂದ ನೆಮ್ಮದಿಯ ಜೀವನ ನಡೆಸುವಿರಿ. ಮಕ್ಕಳು ನಿಮಗೆ ಸಂತಸ ನೀಡುವರು. 

ವೃಷಭ:- ಎಲ್ಲಿಂದಲೋ ಬರುವ ಬಂಧು ಒಬ್ಬರು ನಿಮ್ಮ ಮನಸ್ಸಿಗೆ ವಿಶೇಷ ಸಮಾಧಾನ ತಂದುಕೊಡಬಲ್ಲರು. ಅತ್ತೆ, ಸೊಸೆಯರಲ್ಲಿ ಹೊಂದಾಣಿಕೆ ಹೆಚ್ಚಾಗುವುದು. ಮಗನ ವೃತ್ತಿಯಲ್ಲಿ ಪ್ರಗತಿ ಕಂಡು ಬರುವುದು. 

ಮಿಥುನ:- ಇದ್ದಕ್ಕಿದ್ದಂತೆ ಎದುರಿಗಿರುವ ಹಣವೇ ಮಾಯವಾಗಿ ಬಿಡುವ ಸಾಧ್ಯತೆ ಇದೆ. ಲೇವಾದೇವಿ ವ್ಯವಹಾರ, ಬ್ಯಾಂಕಿನಲ್ಲಿ ಹಣದ ವ್ಯವಹಾರ ಮಾಡುವಾಗ ತುಂಬಾ ಎಚ್ಚರಿಕೆಯಿಂದ ಇರಿ. ನಿಮ್ಮ ಸುತ್ತಲು ಇರುವ ಕಳ್ಳರ ಬಗ್ಗೆ ಮಾಹಿತಿ ದೊರೆಯದೇ ಹೋಗಬಹುದು. 

ಕಟಕ:- ಕಷ್ಟಗಳು ಮನುಜನನ್ನು ಶುದ್ಧಿಮಾಡಲು ಮತ್ತು ಮನಸ್ಸನ್ನು ಗಟ್ಟಿಮಾಡಲು ಬರುವುವು. ಹಾಗಂತ ಅದಕ್ಕೆ ಹೆದರಿ ಪಲಾಯನ ಮಾಡುವುದು ತರವಲ್ಲ. ಅವನ್ನು ಧೈರ್ಯವಾಗಿ ಎದುರಿಸಿದಲ್ಲಿ ಮುಂದಿನ ದಿನಗಳು ಚೆನ್ನಾಗಿರುವುವು. 

ಸಿಂಹ:- ಕೆಲವೊಮ್ಮೆ ನಿಮ್ಮ ಏಕಪಕ್ಷೀಯ ನಿರ್ಧಾರದಿಂದಾಗಿ ಬಂಧುಬಾಂಧವರ ಮತ್ತು ಸಮಾಜದ ಕೆಲ ಜನರ ಕೆಂಗಣ್ಣಿಗೆ ಗುರಿಯಾಗುವಿರಿ. ಆದಷ್ಟು ನಿಮ್ಮ ಸಂಸ್ಥೆಯ ಸದಸ್ಯರೊಂದಿಗೆ ಇಲ್ಲವೆ ಮನೆಯ ಸದಸ್ಯರೊಡನೆ ಚರ್ಚಿಸಿ ತೀರ್ಮಾನ ಕೈಗೊಳ್ಳಿ. 

ಕನ್ಯಾ:- ಶಿಸ್ತಿನಿಂದ ವ್ಯವಹರಿಸುವ ನಿಮ್ಮನ್ನು ಕಂಡರೆ ಕೆಲವರಿಗೆ ಆಗುವುದಿಲ್ಲ. ಏಕೆಂದರೆ ಅವರು ಶಿಸ್ತನ್ನು ಉಲ್ಲಂಘಿಘಿಸಿಯೇ ಬೆಳೆದವರು. ಹಾಗಾಗಿ ಅವರನ್ನು ತಿದ್ದಲು ಮುಂದಾಗದಿರಿ. 

ತುಲಾ:- ಹೊಸ ಕೆಲಸಕ್ಕೆ ಪ್ರಯತ್ನಿಸಿ, ಆದರೆ ಈಗಿರುವ ಕೆಲಸವನ್ನು ತೊರೆದು ಹೊಸ ಪ್ರಯತ್ನವನ್ನು ಮಾಡದಿರಿ. ಹೊಸ ಕೆಲಸ ಸಿಗುವುದು ಗ್ಯಾರಂಟಿ ಆದ ಮೇಲೆ ಈಗಿರುವ ಕೆಲಸ ಬಿಡಬಹುದು. ಹಣಕಾಸಿನ ಸ್ಥಿತಿ ಉತ್ತಮವಾಗಿರುವುದು. 

ವೃಶ್ಚಿಕ:- ಭಗವಂತನ ಒಲುಮೆ ಯಾವ ಕ್ಷಣದಲ್ಲಿ ಹೇಗೆ ಆಗುವುದು ಎಂಬುದು ಯಾರಿಗೂ ತಿಳಿಯದ ವಿಚಾರ. ಅಂತೆಯೇ ನಿಮಗೆ ಸಹಾಯ ಮಾಡಲಾರರು ಎಂದುಕೊಂಡವರಿಂದಲೇ ಸಹಾಯ ಸಹಕಾರಗಳು ಲಭ್ಯವಾಗಲಿವೆ. 

ಧನುಸ್ಸು:- ತಿಳಿದೇ ಇರದಂತಹ ಮೂಲದಿಂದ ಧನಲಾಭಕ್ಕೆ ಅಪರೂಪವಾದ ಅವಕಾಶಗಳು ಬರುವುವು. ಅವನ್ನು ಮುಕ್ತ ಮನಸ್ಸಿನಿಂದ ಸ್ವೀಕರಿಸಿ. ಕೆಲಸ ಕಾರ್ಯಗಳಲ್ಲಿ ಯಶಸ್ಸನ್ನು ಹೊಂದುವಿರಿ. 

ಮಕರ:- ಗೊಂದಲವಿಲ್ಲ ಎಂದುಕೊಂಡು ಕೆಲಸಕ್ಕೆ ಕೈಹಾಕುವಾಗಲೇ ವಿಘ್ನಗಳು ಎದುರಾಗುವ ಸಾಧ್ಯತೆ ಇದೆ. ಮನೆ ಸಮೀಪವಿರುವ ಗಣಪತಿ ಮಂದಿರಕ್ಕೆ ಹೋಗಿ ಪ್ರಾರ್ಥನೆ ಸಲ್ಲಿಸಿ. ಒಳಿತಾಗುವುದು. 

ಕುಂಭ:- ನಿಮ್ಮ ಮನೋಕಾರ್ಯಗಳು ದೈವಾನುಗ್ರಹದಿಂದ ಹಂತಹಂತವಾಗಿ ನೆರವೇರುತ್ತಿರುವುದು ನಿಮಗೆ ಅತೀವ ಸಂತಸ ತಂದಿದೆ. ಇದು ನಿಜಕ್ಕೂ ನೀವು ಪಟ್ಟ ಶ್ರಮಕ್ಕೆ ತಕ್ಕ ಪ್ರತಿಫಲ ಎಂದುಕೊಳ್ಳಬಹುದು. ಬಾಕಿ ಇರುವ ಕೆಲಸಗಳನ್ನು ಶೀಘ್ರದಲ್ಲಿಯೇ ಮುಗಿಸಿಕೊಳ್ಳಿ. 

ಮೀನ:- ವಿನಾಕಾರಣ ಜಗಳ ತೆಗೆದು ಮನಃಶಾಂತಿ ಕೆಡಿಸುವ ಜನರಿಂದ ದೂರ ಇರುವುದು ಒಳ್ಳೆಯದು. ಇನ್ನು ಕೆಲವರು ನೀವು ಮಾಡುತ್ತಿರುವ ವೃತ್ತಿಯ ಹಾದಿ ತಪ್ಪಿಸುವ ಪ್ರಕ್ರಿಯೆಯಲ್ಲಿ ತೊಡಗುವರು. ಅಂತಹವರ ಬಗ್ಗೆ ಎಚ್ಚರಿಕೆಯಿರಲಿ.

Latest News

ದೇಶ-ವಿದೇಶ

ಮನೆ ಮತ್ತು ಕಾರ್ಪೊರೇಟ್ ಕಚೇರಿಗಳ ಮೇಲೆ ಶೇ.18 ರಷ್ಟು ಜಿಎಸ್‌ಟಿ ? ; ಏನಿದು ಗೊಂದಲ ಇಲ್ಲಿದೆ ಮಾಹಿತಿ

ಹೊಸ ನಿಯಮಗಳ ಪ್ರಕಾರ, ಜಿಎಸ್‌ಟಿ ನೋಂದಾಯಿತ ಹಿಡುವಳಿದಾರನು ರಿವರ್ಸ್ ಚಾರ್ಜ್ ಮೆಕ್ಯಾನಿಸಂ (RCM) ಅಡಿಯಲ್ಲಿ ತೆರಿಗೆಯನ್ನು ಪಾವತಿಸಲು ಹೊಣೆಗಾರನಾಗಿರುತ್ತಾನೆ.

ಪ್ರಮುಖ ಸುದ್ದಿ

ತಾಜುದ್ದೀನ್ಜುನೈದೀ ಮತ್ತು  ಶಿವಮೊಗ್ಗ ಸುಬ್ಬಣ್ಣ ನಿಧನಕ್ಕೆ ಗಣ್ಯರ ಸಂತಾಪ

ಪ್ರಖ್ಯಾತ ಗಾಯಕರು, ತಮ್ಮ ಸುಸ್ವರದ ಮೂಲಕ ಕವಿ ಗೀತೆಗಳಿಗೆ ಮೆರುಗು ತಂದುಕೊಟ್ಟಿದ್ದ ಶ್ರೀ ಶಿವಮೊಗ್ಗ ಸುಬ್ಬಣ್ಣ ಅವರ ನಿಧನದ ಸುದ್ದಿ ಕೇಳಿ ಬಹಳ ದುಃಖವಾಗಿದೆ.

ದೇಶ-ವಿದೇಶ

ಒಡಿಶಾದಲ್ಲಿ ಆಘಾತಕಾರಿ ಘಟನೆ ; ಹಾಡಹಗಲೇ ವೃದ್ಧನನ್ನು ಕಂಬಕ್ಕೆ ಕಟ್ಟಿ, ಥಳಿಸಿ ಕೊಂದ ಕುಟುಂಬಸ್ಥರು!

ಕೊರಾಪುಟ್ ಜಿಲ್ಲೆಯ ಬುಡಕಟ್ಟು ಪ್ರದೇಶದಲ್ಲಿ ಹಾಡಹಗಲೇ ವೃದ್ಧನನ್ನು ವಿದ್ಯುತ್ ಕಂಬಕ್ಕೆ ಕಟ್ಟಿ ತಮ್ಮ ಕುಟುಂಬಸ್ಥರೇ ಥಳಿಸಿ ಕೊಂದಿರುವ ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ!