ಇನ್ನು ಕರೋನಾ ವೈರಸ್ ಸೋಂಕಿನ ಆರ್ಭಟವೇ ನಿಂತಿಲ್ಲ,ಆಗಲೇ ಚೀನಾದಲ್ಲಿ ಮತ್ತೊಂದು ಸಾಂಕ್ರಾಮಿಕ ವೈರಸ್ ಒಂದು ಪತ್ತೆಯಾಗಿದೆ. ಚೀನಾದಲ್ಲಿರುವ ಹಂದಿಗಳಲ್ಲಿ ಈ ವೈರಸ್ ಕಾಣಿಸಿಕೊಂಡಿದ್ದು, ಚೀನಾದ ಸಂಶೋಧಕರು ಈ ವೈರಸ್ ಸಾಂಕ್ರಾಮಿಕವಾಗಿ ಹರಡಬಲ್ಲ ವೈರಸ್ ಇದಾಗಿದೆ ಎಂದು ತಿಳಿಸಿದ್ದಾರೆ.
213 ರಾಷ್ಟ್ರಗಳು ಸದ್ಯ ಈಗ ಬಂದಿರುವ ಮಹಾಮಾರಿ ಕೋವಿಡ್-19 ವೈರಸ್ ಸೋಂಕಿನಿಂದ ಉಂಟಾಗಿರುವ ಆರೋಗ್ಯ ಸಮಸ್ಯೆಯನ್ನೇ ಸರಿಪಡಿಸಿಕೊಳ್ಳಲು ಒದ್ದಾಡುತ್ತಿವೆ. ಕರೋನಾ ಸೋಂಕಿಗೆ ಇನ್ನು ಲಸಿಕೆ ಕಂಡುಹಿಡಿದಿಲ್ಲ. ಈಗ ಇನ್ನೊಂದು ಹೊಸ ಸೋಂಕು ಪತ್ತೆಯಾಗಿರುವುದು ಆತಂಕಕಾರಿ ವಿಷಯವಾಗಿದೆ. ಸ್ಪೈನ್ ಫ್ಲೊ ವೈರಸ್ ಹಂದಿ ಜ್ವರವಾಗಿದ್ದು, ಸದ್ಯ ಚೀನಾದ ಹಂದಿಗಳಲ್ಲಿ ಈ ವೈರಸ್ ಕಾಣಿಸಿಕೊಂಡಿದೆ. ಈ ವೈರಸ್ ಮನುಷ್ಯರಿಗೆ ಸುಲಭವಾಗಿ ಅಂಟಿಕೊಳ್ಳುವ ಸಾಮಥ್ರ್ಯವನ್ನು ಸುಲಭವಾಗಿ ಸಾಂಕ್ರಾಮಿಕ ಹರಡುವ ರೋಗವಾಗಿದೆ ಎಂದು ಚೀನಾ ವಿಜ್ಞಾನಿಗಳು ಆತಂಕ ವ್ಯಕ್ತಪಡಿಸಿದ್ದಾರೆ.
ಈ ಬಗ್ಗೆ ಚೀನಾ ಅಗ್ರಿಕಲ್ಚರಲ್ ಯೂನಿವರ್ಸಿಟಿಯ ಲಿಯು ಜಿನ್ಹುವಾ ನೇತೃತ್ವದ ತಂಡ ಚೀನಾದ 10 ಕಸಾಯಿಕಾನೆಗಳ 30 ಸಾವಿರಕ್ಕೂ ಹೆಚ್ಚು ಹಂದಿಗಳ ಸ್ವ್ಯಾಬ್‍ಗಳ ಪರೀಕ್ಷೆ ಮಾಡಿದ್ದು, ಹಂದಿಗಳು ಉಸಿರಾಟದ ತೊಂದರೆಯಿಂದ ಬಳಲುತ್ತಿರುವುದಾಗಿ ತಿಳಿಸಿದೆ. ಈ ವೈರಸ್ ನಿಯಂತ್ರಣಕ್ಕೆ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳುವುದು ಅಗತ್ಯ ಎಂದು ತಿಳಿಸಿದೆ. ಈ ವೈರಸ್ ಕುರಿತು ನ್ಯಾಷನಲ್ ಅಕಾಡೆಮಿ ಆಫ್ ಸೈನ್ಸಸ್‍ನ ಪ್ರೊಸೀಡಿಂಗ್ಸ್‍ನಲ್ಲಿ ಪ್ರಕಟವಾಗಿರುವ ಅಧ್ಯಯನವೂ ಜಿ4 ಹೆಸರಿನ ವೈರಸ್ ಬಗ್ಗೆ ಮಾಹಿತಿ ನೀಡಿದೆ. 2009ರಲ್ಲಿ ಕೂಡ ಹಂದಿಜ್ವರ(ಎಚ್1ಎನ್1)ದ ಇನ್ನೊಂದು ರೂಪಾಂತರ ಎಂದು ಹೇಳಲಾಗುತ್ತಿದೆ. ಈ ವೈರಸ್‍ನಲ್ಲಿ ಸುಲಭವಾಗಿ ಮನುಷ್ಯನಿಗೆ ಅಂಟಿಕೊಳ್ಳುವ ಎಲ್ಲಾ ಲಕ್ಷಣಗಳನ್ನು ಹೊಂದಿದೆ ಎಂದು ಚೀನಿ ವಿಶ್ವವಿದ್ಯಾನಿಲಯಗಳು ಮತ್ತು ಚೀನಾದ ರೋಗ ನಿಯಂತ್ರಣ ಹಾಗೂ ತಡೆಗಟ್ಟುವಿಕೆ ಕೇಂದ್ರದ ವಿಜ್ಞಾನಿಗಳು ಖಚಿತ ಮಾಹಿತಿ ನೀಡಿದ್ದಾರೆ.
