ಬೆಂಗಳೂರು: ಸ್ಯಾಂಡಲ್‌ವುಡ್‌ನಲ್ಲಿ ಡ್ರಗ್ ಘಾಟು ಹೆಚ್ಚಾಗುತ್ತಿದ್ದು ಮಂಗಳವಾರ ಮುಂಜಾನೆ ನಟಿ ಸಂಜನಾ
ಗಲ್ರಾಣಿಯವರ ಮನೆ ಮೇಲೆ ಸಿಸಿಬಿ ಅಧಿಕಾರಿಗಳು ದಿಡೀರ್ ದಾಳಿ ನಡೆಸಿದ್ದಾರೆ.
ಈಕೆಯ ಗೆಳೆಯನಾದ ರಾಹುಲ್ ಅವರನ್ನು ಡ್ರಗ್ಸ್ ಮಾಪಿಯಾ ಆರೋಪಿಯಾಗಿ ಸಿಸಿಬಿ ಈಗಾಗಲೇ ಬಂಧಿಸಿ ವಿಚಾರಣೆ
ನಡೆಸುತ್ತಿದ್ದು, ಈ ವೇಳೆ ರಾಹುಲ್ ನಟಿ ಸಂಜನಾ ಜತೆ ಸಂಪರ್ಕ ಹೊಂದಿರುವ ಬಗ್ಗೆ ಬಾಯಿಬಿಟ್ಟಿದ್ದ. ಈ ಮಾಹಿತಿಯ ಆಧಾರದ ಮೇಲೆ ಸಂಜಾನಾರನ್ನೂ ವಿಚಾರಣೆಗೆ ಒಳಪಡಿಸಲಾಗಿದೆ.
ಸಂಜನಾ ಅಲ್ಲಾ ಅರ್ಚನಾ !
ಈ ಎಲ್ಲಾ ಡ್ರಾಮಗಳ ನಡುವೆ ವಿಜಯವಾಣಿ ಮತ್ತೊಂದು ವರದಿ ನೀಡಿದ್ದು ಸ್ಯಾಂಡಲ್‌ವುಡ್‌ನಲ್ಲಿ ಫೇಮಸ್‌ ಆಗಿರುವ ಸಂಜನಾ ಅವರ ಮೂಲ ಹೆಸರು ಅರ್ಚನಾ ಎಂದು ಬಹಿರಂಗ ಪಡಿಸಿದೆ. ಕೆ.ಆರ್.ಪುರ ಆರ್ಟಿಒನಲ್ಲಿ ನೋಂದಣಿ ಆಗಿರುವ ಬಿಎಂಡಬ್ಲ್ಯು ಕಾರು ಅರ್ಚನಾ ಗಲ್ರಾನಿ ಹೆಸರಿನಲ್ಲಿದೆ.
ಅಂಜುಮಾಲಾ ನೇತೃತ್ವದ ಒಟ್ಟು ಎಂಟು ಮಂದಿ ಸಿಸಿಬಿ ಅಧಿಕಾರಿಗಳ ತಂಡ ಇಂದಿರಾ ನಗರದಲ್ಲಿರುವ 100
ಫೀಟ್‌ ರಸ್ತೆಯಲ್ಲಿರುವ ಸಂಜನಾ ಮನೆ ದಾಳಿ ನಡೆಸಿದೆಇನ್ನು ದಾಳಿಯಲ್ಲಿ ಸಂಜಾನಾರ ಸಿಮ್‌ ಕಾರ್ಡ್‌, ದೂರವಾಣಿ ಕರೆ ಹಾಗೂ ಸಾಮಾಜಿಕ ಜಾಲತಾಣಗಳ ಮೇಲೂ ಸಿಸಿಬಿ ನಿಗಾ ಇಟ್ಟಿದ್ದು ಸಂಪೂರ್ಣ ಪರಿಶೀಲನೆ ನಡೆಸಿದರು.
