ವಾಷಿಂಗ್ಟನ್: ಕೋವಿಡ್ ವೈರಸ್ನಿಂದ ಚಾಲ್ತಿಗೆ ಬಂದ ಫೇಸ್ ಮಾಸ್ಕ್ ಬಳಿಕ ಇದೀಗ ಫೇಸ್ ಶೀಲ್ಡ್ಗಳು ಹೆಚ್ಚು ಪ್ರಸಿದ್ಧಿ ಪಡೆದಿವೆ. ಆದರೆ ಮಾಸ್ಕ್ಗಿಂತ ಫೇಸ್ ಶೀಲ್ಡ್ ಎಷ್ಟು ಸುರಕ್ಷಿತ? ಎಂಬ ಪ್ರಶ್ನೆಗೆ ತಜ್ಞರು ಉತ್ತರ ನೀಡಿದ್ದಾರೆ.
ಫೇಸ್ ಮಾಸ್ಕ್ ಪರಿಣಾಮಕಾರಿಯಾಗಿ ಸೋಂಕಿನ ತಡೆಗೆ ಸಹಕರಿಸಬಹುದು ಆದರೆ ಫೇಸ್ಶೀಲ್ಡ್ ಕೇವಲ ಎದುರಿನ ವ್ಯಕ್ತಿಯಿಂದ ತಾಗಬಹುದಾದ ಡ್ರಾಪ್ಲೆಟ್ಗಳನ್ನು ತಡೆಯುತ್ತದೆ. ಹೀಗಾಗಿ ಸುರಕ್ಷತೆ ವಿಚಾರದಲ್ಲಿ ಮಾಸ್ಕ್ ಹಾಗೂ ಶೀಲ್ಡ್ ನಡುವೆ ಹೆಚ್ಚು ಪರಿಣಾಮಕಾರಿಯಾಗಿ ಮಾಸ್ಕ್ ಕೆಲಸ ನಿರ್ವಹಿಸಬಹುದು. ಯಾರು ಹೆಚ್ಚುವರಿ ಸುರಕ್ಷತೆಯನ್ನು ಅಪೇಕ್ಷಿಸುತ್ತಾರೆಯೋ ಅಂತಹವರು ಮಾಸ್ಕ್ ನೊಂದಿಗೆ ಫೇಸ್ ಶೀಲ್ಡ್ ಧರಿಸಬಹುದು. ಆದರೆ ಮಾಸ್ಕ್ಗೆ ಹೆಚ್ಚಿನ ಪ್ರಾಮುಖ್ಯೆತೆ ನೀಡಿದ ತಜ್ಞರು ಶೀಲ್ಡ್ನ್ನು ಹೆಚ್ಚಾಗಿ ಸೂಚಿಸುವುದಿಲ್ಲ ಎಂದು ಅಭಿಪ್ರಾಯ ಪಟ್ಟಿದ್ದಾರೆ.
ಫೇಸ್ ಶೀಲ್ಡ್ ಉಪಯೋಗಗಳು?
ಯಾವುದೇ ವ್ಯಕ್ತಿಯೊಂದಿಗೆ ಸಂವಹನ ನಡೆಸುವ ಸಂದರ್ಭದಲ್ಲಿ ಬರಬಹುದಾದ ಉಗುಳು (ಡ್ರಾಪ್ಲೆಟ್ಸ್)ಗಳನ್ನು ತಡೆಯಲು ಫೇಸ್ ಶೀಲ್ಡ್ ಗಳನ್ನು ಸಾಕಷ್ಟು ನೆರವಾಗುತ್ತದೆ.
ಅಲ್ಲದೇ ನಮ್ಮ ಕೈಗಳನ್ನು ಪದೇ ಪದೇ ಮುಖ, ಕಣ್ಣು, ಮೂಗು ಮುಟ್ಟಿಕೊಳ್ಳುವುದರಿಂದ ತಡೆಯುತ್ತದೆ. ಇದರಿಂದ ಸೋಂಕು ನಮ್ಮ ದೇಹ ಸೇರುವುದನ್ನು ಒಂದು ಹಂತದವರೆಗೂ ತಡೆಯಬಹುದು
