ಬೀಜಿಂಗ್, ನ. 06 : ಕಳೆದ ನವೆಂಬರ್ ತಿಂಗಳಿನಲ್ಲಿ ಚೀನಾದ ವುಹನ್ ನಗರದಲ್ಲಿ ಕೊರೊನಾ ವೈರಸ್ ಹುಟ್ಟಿಕೊಂಡಿತ್ತು. ಈಗ ಇದೇ ಚೀನಾದಲ್ಲಿ ಮತ್ತೊಂದು ರೋಗ ಪ್ರತ್ಯಕ್ಷವಾಗಿದ್ದು, ಬ್ರೂಸೆಲೋಸಿಸ್ ಎಂಬ ಬ್ಯಾಕ್ಟೀರಿಯಾ ಸೋಂಕು ಚೀನಾ ಗಾನ್ಸು ಪ್ರಾಂತ್ಯದ ಲಾಂಝೋ ನಗರದಲ್ಲಿ ಸುಮಾರು 6 ಸಾವಿರ ಕ್ಕೂ ಹೆಚ್ಚು ಮಂದಿಯಲ್ಲಿ ಹರಡಿರುವುದು ದೃಢಪಟ್ಟಿದೆ. ಇದು ಚೀನಾದ ಆತಂಕಕ್ಕೆ ಕಾರಣವಾಗಿದೆ.

ಒಂದು ವರದಿಯ ಪ್ರಕಾರ ಲಾಂಝೋ ನಗರದಲ್ಲಿ ವ್ಯಾಕ್ಸಿನ್ ಉತ್ಪಾದನೆಯ ಫಾರ್ಮಾ ಕಾರ್ಖಾನೆಯೊಂದರಿಂದ ಉದ್ಭವಗೊಂಡ ಈ ಸೋಂಕು ಆ ನಗರದಲ್ಲಿ ಈಗಾಗಲೇ 6,620 ಮಂದಿಗೆ ಸೋಂಕು ಇದೆ ಎಂಬುದು ತಿಳಿದು ಬಂದಿದೆ.

ಈ ಹೊಸ ಸೋಂಕು ಒಂದು ಜಾನುವಾರ ಕಾಯಿಲೆಯಾಗಿದ್ದು, ಇದಕ್ಕೆ ಮಾಲ್ವಾ ಜ್ವರ ಎಂದೂ ಕರೆಯಲಾಗುತ್ತದೆ. ಇದು ಜಾನುವಾರುಗಳಿಗೆ ಹಾಗೂ ಅವುಗಳ ಮೂಲಕ ಮನುಷ್ಯರಿಗೆ ಈ ಸೋಂಕು ಹರಡುತ್ತದೆ. ಸೋಂಕಿತ ಜಾನುವಾರಿನ ಪರೋಕ್ಷ ಮತ್ತು ನೇರ ಸಂಪರ್ಕದಿಂದ ಇದು ಬರಬಹುದು ಎನ್ನಲಾಗಿದೆ.