ಆಸ್ಟ್ರೇಲಿಯಾ:ಕರೋನವೈರಸ್ ಕುರಿತು ಆಸ್ಟ್ರೇಲಿಯಾದ ಉನ್ನತ ಜೈವಿಕ ಭದ್ರತಾ ಪ್ರಯೋಗಾಲಯವು ನೂತನ  ಸಂಶೋಧನೆಯನ್ನು ಮಾಡಿದ್ದು, ನೋಟ್‌ಗಳು, ಗಾಜು ಮತ್ತು ಇತರ ಸಾಮಾನ್ಯ ಮೇಲ್ಮೈಗಳಲ್ಲಿ ಕೊರೊನಾ ವೈರಸ್‌ ವಾರಗಟ್ಟಲೆ ಇರುತ್ತದೆ. ಇದು ಕಾಗದದ ಕರೆನ್ಸಿ, ಟಚ್ ಸ್ಕ್ರೀನ್ ಸಾಧನಗಳು, ಗ್ರಾಬ್ ಹ್ಯಾಂಡಲ್ ಗಳು ಮತ್ತು ರೈಲುಗಳಿಂದಲೂ ಹರಡುತ್ತದೆ ಎಂಬುದಾಗಿ ತಿಳಿದು ಬಂದಿದೆ.

ಆಸ್ಟ್ರೇಲಿಯಾದ ಸೆಂಟರ್ ಫಾರ್ ಡಿಸೀಸ್ ವಿಜ್ಞಾನಿಗಳು ಸಾರ್ಸ್-ಕೊವಿ-2 ‘ಅತ್ಯಂತ ದೃಢವಾಗಿದ್ದು, ಮೊಬೈಲ್ ಫೋನ್ ಪರದೆಗಳಲ್ಲಿ ಕಂಡುಬರುವ ಗಾಜು ಮತ್ತು ಪ್ಲಾಸ್ಟಿಕ್ ನೋಟುಗಳ ಮೇಲೆ 28 ದಿನಗಳ ಕಾಲ ಅಥವಾ ಕೋಣೆಯ ತಾಪಮಾನ ಅಂದರೆ 20 ಡಿಗ್ರಿ ಸೆಲ್ಸಿಯಸ್ (68 ಡಿಗ್ರಿ ಫ್ಯಾರನ್ ಹೀಟ್) ಇರುವಂತಹ ಕಡೆಗಳಲ್ಲಿ ಜೀವಂತವಾಗಿರುತ್ತದೆ.  ಈ ಸ್ಥಳಗಳಲ್ಲಿ ಫ್ಲೂ ವೈರಸ್ 17 ದಿನಗಳ ಕಾಲ ಜೀವಂತವಾಗಿರುತ್ತದೆ ಎಂಬುದಾಗಿ ಆಸ್ಟ್ರೇಲಿಯಾದ ಸಂಶೋಧನಾ ಸಂಸ್ಥೆಯು ಮಾಹಿತಿಯನ್ನು ಹೊರಹಾಕಿದೆ.

ವೈರಾಲಜಿ ಜರ್ನಲ್ ನಲ್ಲಿ ಇತ್ತೀಚೆಗೆ  ಪ್ರಕಟವಾದ ಸಂಶೋಧನಾ ಲೇಖನದ ಪ್ರಕಾರ, ಕೆಲವು ಮೇಲ್ಮೈಗಳಲ್ಲಿ 40 ಡಿಗ್ರಿ ಸೆಲ್ಸಿಯಸ್ ನಷ್ಟು ಕಡಿಮೆ ತಾಪಮಾನದಲ್ಲಿ ವೈರಸ್ ಬದುಕುಳಿಯುವಿಕೆಯು ಒಂದು ದಿನಕ್ಕಿಂತ ಕಡಿಮೆ ಮಟ್ಟಕ್ಕೆ ಇಳಿದಿದೆ. ಆದರೆ ಕೊರೋನಾ ವೈರಸ್ ವಾತಾವರಣದಲ್ಲಿ ಹೆಚ್ಚು ಕಾಲ ಬದುಕುತ್ತದೆ. ಬೇಸಿಗೆಗಿಂತ ಚಳಿಗಾಲದಲ್ಲಿ ಅದನ್ನು ನಿಯಂತ್ರಿಸುವುದು ಕ್ಲಿಷ್ಟಕರ ಎಂದು ಈ ಸಂಶೋಧನೆಯಲ್ಲಿ ಸಾಕ್ಷಿಸಮೇತ ದೃಢಪಡಿಸಿದೆ.

ಟಚ್ ಸ್ಕ್ರೀನ್ ಸಾಧನಗಳಾದ ಮೊಬೈಲ್ ಫೋನ್ ಗಳು, ಬ್ಯಾಂಕ್ ಎಟಿಎಂಗಳು, ಸೂಪರ್ ಮಾರ್ಕೆಟ್ ಸೆಲ್ಫ್-ಸರ್ವ್ ಚೆಕ್ ಔಟ್ ಗಳು ಮತ್ತು ವಿಮಾನ ನಿಲ್ದಾಣದ ಚೆಕ್-ಇನ್ ಕಿಯೋಸ್ಕ್ ಗಳು ಉನ್ನತ ಟಚ್ ಮೇಲ್ಮೈಗಳಾಗಿವೆ. ಇದು ನಿಯಮಿತವಾಗಿ ಸ್ವಚ್ಛಗೊಳಿಸದಿರಬಹುದು. ಇದರಿಂದಾಗಿ SAARS-CoV-2 ನ ಪ್ರಸರಣದ ಅಪಾಯವನ್ನು ಉಂಟುಮಾಡುತ್ತದೆ ಎಂದು ಸಂಶೋಧಕರು ತಿಳಿಸಿದ್ದಾರೆ ಎಂದು ಈ ಪತ್ರಿಕೆಯಲ್ಲಿ ಉಲ್ಲೇಖಿಸಿದ್ದಾರೆ.

ಋತುಮಾನದ ಫ್ಲೂ ಗಿಂತ ಸಾರ್ಸ್-ಕೊವಿ-2 ನ ಬಾಳಿಕೆಯ ಸಮಯವನ್ನು ‘ನಿರ್ದಿಷ್ಟ ಪ್ರಾಮುಖ್ಯತೆಯ, ಚಲಾವಣೆಯ ಆವರ್ತನ ಹಾಗೂ ವ್ಯಕ್ತಿಗಳು ಮತ್ತು ಭೌಗೋಳಿಕ ಸ್ಥಳಗಳೆರಡರ ನಡುವೆ ಸಂಭವನೀಯ ವೈರಸ್ ವರ್ಗಾವಣೆಯ ಸಾಧ್ಯತೆಯನ್ನು ಪರಿಗಣಿಸಿ’ ಸಂಶೋಧಿಸಿದ್ದಾರೆ.