ಬೆಂಗಳೂರು, ಡಿ. 29: ಕನ್ನಡ ಚಿತ್ರರಂಗದ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ 15 ವರ್ಷಗಳ ಬಳಿಕ ‘ಮೈ ಆಟೋಗ್ರಾಫ್’ ಚಿತ್ರದ ನೆನಪುಗಳನ್ನು ಮೆಲುಕು ಹಾಕಿದ್ದಾರೆ.

ಹೌದು, ದಶಕಗಳ ಹಿಂದೆ ತೆರೆಕಂಡ ಕಿಚ್ಚ‌ ಸುದೀಪ್‌ ನಿರ್ದೇಶಿಸಿ, ಅಭಿನಯಿಸಿದ್ದ ‘ಮೈ ಆಟೋಗ್ರಾಫ್’ ಸಿನಿ ರಸಿಕರ ಮನ ಗೆದ್ದಿತ್ತು. ಇದೀಗ ‘ಮೈ ಆಟೋಗ್ರಾಫ್’ ಚಿತ್ರದಲ್ಲಿ ಬರುವ ನಾಯಕಿ ‘ಲಿಖಿತ’ ಅವರ ಪಾತ್ರದ ಚಿತ್ರೀಕರಣ ನಡೆದ ಕೇರಳದ ಮನೆಗೆ 15 ವರ್ಷಗಳ ಬಳಿಕ ಭೇಟಿ ನೀಡಿದ ಕಿಚ್ಚ ಸುದೀಪ್, ಚಿತ್ರೀಕರಣದ ದಿನಗಳ ಸವಿ‌ ಸವಿ ನೆನಪನ್ನು ಮೆಲುಕು ಹಾಕಿದ್ದಾರೆ.

ಈ ಕುರಿತು ತಮ್ಮ‌ ಇನ್ಸ್ಟಾಗ್ರಾಂ ಖಾತೆಯಲ್ಲಿ 3:15 ಸೆಕೆಂಡ್‌ಗಳ ವಿಡಿಯೋ ಅಪ್ಲೋಡ್ ಮಾಡಿರುವ ಕಿಚ್ಚ ಸುದೀಪ್, ಮೈ ಆಟೋಗ್ರಾಫ್ ಚಿತ್ರದ ‌ಚಿತ್ರೀಕರಣದ ನೆನಪುಗಳನ್ನು ‌ಹಂಚಿಕೊಂಡಿದ್ದಾರೆ. ಕಿಚ್ಚ ಸುದೀಪ್ ಹಂಚಿಕೊಂಡಿರುವ ವಿಡಿಯೋ ಸಾವಿರಾರು ಅಭಿಮಾನಿಗಳು ವೀಕ್ಷಿಸಿದ್ದು, ನೂರಾರು ಮಂದಿ‌ ಪ್ರತಿಕ್ರಿಯಿಸಿದ್ದಾರೆ.