Delhi : 2023ರ ಸಾಲಿನ ಕೇಂದ್ರ ಬಜೆಟ್(Budget) ಮಂಡನೆಗೆ ಕೇಂದ್ರ ಸರ್ಕಾರ ಸಿದ್ದವಾಗಿದೆ. ಈ ನಡುವೆ ಹಣಕಾಸು ಸೇವಾ ಪೂರೈಕೆದಾರ ಸಂಸ್ಥೆಯಾದ ಡೆಲಾಯ್ಟ್ ಇಂಡಿಯಾ(Deloitte India) ಬಜೆಟ್ ಪೂರ್ವ ಸಮೀಕ್ಷೆಯನ್ನು ನಡೆಸಿದೆ. ದೇಶದ ವ್ಯಾಪಾರ, ವಹಿವಾಟು, ಉದ್ಯಮಿಗಳು ಮತ್ತು ಜನಸಾಮಾನ್ಯರ ನಿರೀಕ್ಷಿತ ಅಂಶಗಳ ಕುರಿತು ಈ ಬಜೆಟ್ಪೂರ್ವ ಸಮೀಕ್ಷೆಯಲ್ಲಿ ಪ್ರಸ್ತಾಪಿಸಲಾಗಿದೆ.
- 2023-24 ರ ಬಜೆಟ್ ಆರ್ಥಿಕ ಬೆಳವಣಿಗೆಯನ್ನು ಬೆಂಬಲಿಸುತ್ತದೆ ಎಂದು ಭಾರತೀಯ ವ್ಯಾಪಾರಿಗಳು ನಿರೀಕ್ಷಿಸಿದ್ದಾರೆ.
- ಈ ವರ್ಷ ದೇಶದ ಆರ್ಥಿಕತೆಯು 6.5% ಕ್ಕಿಂತ ಹೆಚ್ಚು ಬೆಳವಣಿಗೆಯಾಗಲಿದೆ ಎಂದು ಮುನ್ಸೂಚನೆ ನೀಡಲಾಗಿದೆ.
- ಶೇ. 73ರಷ್ಟು ಜನರು ಬಜೆಟ್ ಬಲವಾದ ದೇಶೀಯ ಬೇಡಿಕೆಯನ್ನು ನಿರ್ಮಿಸುವ ಮೂಲಕ ಮತ್ತು ಬಂಡವಾಳ ವೆಚ್ಚದ ಮೇಲೆ ಕೇಂದ್ರೀಕರಿಸುವ ಮೂಲಕ ಉದ್ಯಮಗಳಾದ್ಯಂತ ಬೆಳವಣಿಗೆಯನ್ನು ಉತ್ತೇಜಿಸುತ್ತದೆ ಎಂದು ಭಾವಿಸಿದ್ದಾರೆ.
- ಸರ್ಕಾರದ ಡಿಜಿಟಲೀಕರಣದ ಉಪಕ್ರಮವು ಮಹತ್ವದ ಪಾತ್ರವನ್ನು ವಹಿಸುತ್ತಿದೆ, ಸರಿಸುಮಾರು 60% ಜನರು ಇದೊಂದು ಉತ್ತಮ ಉಪಕ್ರಮ ಎಂದಿದ್ದಾರೆ.
- ಸಮೀಕ್ಷೆ ನಡೆಸಿದವರಲ್ಲಿ ಅರ್ಧದಷ್ಟು ಜನರು ಹೆಚ್ಚುವರಿ ತೆರಿಗೆ ವಿನಾಯಿತಿಗಳು ತಮ್ಮ ಕೈಗಾರಿಕೆಗಳಲ್ಲಿ ಬೆಳವಣಿಗೆಯನ್ನು ಹೆಚ್ಚಿಸಬಹುದು ಎಂದು ನಿರೀಕ್ಷಿಸಿದ್ದಾರೆ.
- ಶೇಕಡಾ 56ರಷ್ಟು ಜನರು ಡಿಜಿಟಲ್(Digital) ಯೋಜನೆಗಳನ್ನು ರಚಿಸಲು ಮತ್ತು ಪೂರ್ಣಗೊಳಿಸಲು ಖಾಸಗಿ ವಲಯದೊಂದಿಗೆ ಸಹಕರಿಸುವುದು ಡಿಜಿಟಲೀಕರಣದ ಪ್ರಯತ್ನಗಳನ್ನು ಉತ್ತೇಜಿಸುತ್ತದೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಬಹಿರಂಗ ಚರ್ಚೆಗೆ ಸಮಯ, ದಿನಾಂಕ ನಾನು ನಿಗದಿ ಮಾಡಲಾ? ಅಥವಾ ನೀವು ಮಾಡುತ್ತೀರಾ: ಎಚ್‌ಡಿಕೆ ಸವಾಲು
- ನಿಧಿ ಸಂಗ್ರಹಿಸಲು ಸರ್ಕಾರಿ ಬಾಂಡ್‌ಗಳನ್ನು ಬಳಸುವುದನ್ನು 60% ಜನರು ಶಿಫಾರಸು ಮಾಡಿದ್ದಾರೆ. ಈ ಶೇಕಡಾವಾರು ಹಿಂದಿನ ವರ್ಷಕ್ಕಿಂತ 12% ಹೆಚ್ಚಾಗಿದೆ.
- ಕೈಗಾರಿಕಾ ರಫ್ತುಗಳನ್ನು ಹೆಚ್ಚಿಸಲು ಪ್ರೊಡಕ್ಷನ್ ಲಿಂಕ್ಡ್ ಇನ್ಸೆಂಟಿವ್ (PLI) ಯೋಜನೆಗಳು ಉತ್ತಮ ಮಾರ್ಗವಾಗಿದೆ ಎಂದು 56% ಜನರು ಅಭಿಪ್ರಾಯಪಟ್ಟಿದ್ದಾರೆ.
- ಉತ್ಪಾದನಾ ಆರ್ಥಿಕತೆಯ ದುರ್ಬಲತೆಯ ಲಾಭವನ್ನು ಸರ್ಕಾರವು ಪಡೆದುಕೊಳ್ಳಬೇಕು ಎಂದು ವ್ಯಾಪಾರಿಗಳು ಹೇಳಿದ್ಧಾರೆ.
- ತೆರಿಗೆ ಅನುಸರಣೆಯನ್ನು ಸುಲಭಗೊಳಿಸುವುದು ಹೆಚ್ಚು ಪ್ರಯೋಜನಕಾರಿ ಎಂದು ಶೇ.65ರಷ್ಟು ಜನರು ಹೇಳಿದ್ದಾರೆ.
- ವೈಯಕ್ತಿಕ ತೆರಿಗೆಯನ್ನು ಬದಲಾಯಿಸುವುದು ಜನರಿಗೆ ಪ್ರಯೋಜನವನ್ನು ನೀಡುತ್ತದೆ ಎಂದು ಶೇ. 76ರಷ್ಟು ಜನರ ಅಭಿಪ್ರಾಯವಾಗಿದೆ.
- 60% ಕ್ಕಿಂತ ಹೆಚ್ಚು ಜನರು ಗರಿಷ್ಠ ತೆರಿಗೆ ವಿನಾಯಿತಿ ಮತ್ತು ಕಡಿತದ ಮೊತ್ತದಲ್ಲಿ ಹೆಚ್ಚಳವನ್ನು ನಿರೀಕ್ಷಿಸುತ್ತಿದ್ದಾರೆ.
