- ಸರ್ಕಾರದ ಹೊಸ ಆದೇಶ : ವಾಹನ ಸವಾರರಿಗೆ ಭರ್ಜರಿ ಸಡಿಲಿಕೆ (50% discount on all pending traffic fines)
- ಆನ್ಲೈನ್ ಹಾಗೂ ಆಫ್ಲೈನ್ ಎರಡು ಕಡೆಗಳಲ್ಲಿ ದಂಡ ಪಾವತಿ ಮಾಡಬಹುದು
- ಸಂಚಾರಿ ಇಲಾಖೆಯ ಅಧಿಕೃತ ಹೇಳಿಕೆ
Bengaluru: ಸಂಚಾರ ನಿಯಮ ಉಲ್ಲಂಘನೆ ಮಾಡಿ ದಂಡ ಕಟ್ಟದೇ ಉಳಿಸಿಕೊಂಡಿರುವ ವಾಹನ ಮಾಲೀಕರಿಗೆ ರಾಜ್ಯ ಸರ್ಕಾರ(State Govt) ಮತ್ತೊಂದು ಸಡಿಲಿಕೆ ನೀಡಿದೆ.
ಸಾರಿಗೆ ಇಲಾಖೆ(Department of Transport) ಹೊಸ ಆದೇಶ ಹೊರಡಿಸಿದ್ದು, ಬಾಕಿ ಉಳಿದಿರುವ ಟ್ರಾಫಿಕ್ ದಂಡವನ್ನು(Traffic fine) ಶೇಕಡಾ 50ರಷ್ಟು ಡಿಸ್ಕೌಂಟ್ನಲ್ಲಿ ಪಾವತಿಸಲು ಅವಕಾಶ ಕಲ್ಪಿಸಿದೆ.
ಸಿಗ್ನಲ್ ಜಂಪ್, ಹೆಲ್ಮೆಟ್ ಧರಿಸದೇ ಸವಾರಿ, ಝೀಬ್ರಾ ಲೈನ್ ದಾಟುವುದು, ನಂಬರ್ ಪ್ಲೇಟ್ ನಿಯಮ ಉಲ್ಲಂಘನೆ, ನೋ ಪಾರ್ಕಿಂಗ್ ಹೀಗೆ ಹಲವು ಟ್ರಾಫಿಕ್ ನಿಯಮ ಉಲ್ಲಂಘನೆ(Traffic violation) ಪ್ರಕರಣಗಳಿಗೆ ಈ ರಿಯಾಯಿತಿ ಅನ್ವಯವಾಗಲಿದೆ. ಆದರೆ ಈ ಅವಕಾಶವು 2023ರ ಫೆಬ್ರವರಿ 11ರವರೆಗೆ ದಾಖಲಾಗಿರುವ ಪ್ರಕರಣಗಳಿಗೆ ಮಾತ್ರ ಅನ್ವಯಿಸುತ್ತದೆ.
ಇನ್ನು ವಾಹನ ಸವಾರರು ತಮ್ಮ ಬಾಕಿ ದಂಡವನ್ನು ಪಾವತಿಸಲು ಆಗಸ್ಟ್ 23ರಿಂದ ಸೆಪ್ಟೆಂಬರ್ 12ರವರೆಗೆ ಸಮಯ ನೀಡಲಾಗಿದೆ. ಈ ಅವಧಿಯಲ್ಲಿ ದಂಡದ ಅರ್ಧ ಮೊತ್ತ ಪಾವತಿಸಿದರೆ ಸಾಕು. 2023ರ ಫೆಬ್ರವರಿ 12ರ ನಂತರದ ಪ್ರಕರಣಗಳಿಗೆ ಈ ಸಡಿಲಿಕೆ ಅನ್ವಯವಾಗುವುದಿಲ್ಲ.
ದಂಡ ಪಾವತಿ ಮಾಡುವ ಮಾರ್ಗಗಳು:
- ಆನ್ಲೈನ್ ಪರಿಶೀಲನೆ: ವಾಹನ ಮಾಲೀಕರು ತಮ್ಮ ವಾಹನದ ನೋಂದಣಿ ಸಂಖ್ಯೆಯ ಮೂಲಕ ಬಾಕಿ ಪ್ರಕರಣಗಳ ವಿವರ ಹಾಗೂ ಉಲ್ಲಂಘನೆ ನಡೆದ ಸ್ಥಳ, ದಿನಾಂಕ, ಸಮಯ ಮತ್ತು ಫೋಟೋಗಳನ್ನು ಆನ್ಲೈನ್ನಲ್ಲಿ ಪರಿಶೀಲಿಸಬಹುದು.
- ಬೆಂಗಳೂರು ಒನ್ ಸೆಂಟರ್ ವೆಬ್ಸೈಟ್: ಬಾಕಿ ದಂಡದ ವಿವರ ಪಡೆದು ನೇರವಾಗಿ ಆನ್ಲೈನ್ನಲ್ಲಿ ಪಾವತಿಸಬಹುದು.
- ಪೇಟಿಎಂ ಆ್ಯಪ್: ಪೇಟಿಎಂ ಮೂಲಕ ಸಹ ದಂಡ ಪಾವತಿಸುವ ಅವಕಾಶ ನೀಡಲಾಗಿದೆ.
- ಸಂಚಾರಿ ಪೊಲೀಸ್ ಠಾಣೆ: ವಾಹನದ ರಿಜಿಸ್ಟ್ರೇಷನ್ ನಂಬರ್ ನೀಡಿದರೆ ಠಾಣೆಯಲ್ಲಿಯೇ ದಂಡ ಪಾವತಿಸಿ ರಸೀದಿ ಪಡೆಯಬಹುದು.
ನಗರದಲ್ಲಿ ಬಾಕಿ ದಂಡ ಪಾವತಿಗಾಗಿ ಪೊಲೀಸ್ ಇಲಾಖೆ ವಿಶೇಷ ಕೌಂಟರ್ಗಳ ವ್ಯವಸ್ಥೆ ಮಾಡಿದ್ದು, ಸಾರ್ವಜನಿಕರು ಯಾವುದೇ ತೊಂದರೆ ಇಲ್ಲದೆ ದಂಡ ಪಾವತಿಸಲು ಅನುಕೂಲ ಕಲ್ಪಿಸಲಾಗಿದೆ.
ಇದನ್ನು ಓದಿ : ಹಳದಿ ಮಾರ್ಗ ಮೆಟ್ರೋ ಪ್ರಯಾಣಿಕರಿಗೆ ಮತ್ತೊಂದು ಸಿಹಿ ಸುದ್ದಿ, ಪ್ರತಿದಿನ ಬೆಳಿಗ್ಗೆ 6.30ರಿಂದ ಮೆಟ್ರೋಗಳು ಓಡಾಟ ಆರಂಭಿಸಲಿದೆ
ಈ ಸಡಿಲಿಕೆ ಅವಕಾಶವನ್ನು ವಾಹನ ಸವಾರರು ತಪ್ಪದೇ ಬಳಸಿಕೊಳ್ಳಬೇಕು. ಮುಂದಿನ ಬಾರಿ ಇಂತಹ ರಿಯಾಯಿತಿ ಸಿಗುವುದೇ ಅನ್ನುವುದು ಖಚಿತವಿಲ್ಲ. ಹೀಗಾಗಿ ಹಳೆಯ ಬಾಕಿ ದಂಡಗಳನ್ನು ಈಗಲೇ ಪಾವತಿಸುವುದು ಒಳಿತು. (50% discount on all pending traffic fines)
