ಚಾರ್ಲಿ ಆಗಮನಕ್ಕೆ ಫಿದಾ ಆದ ಸಿನಿಪ್ರೇಕ್ಷಕರು ; 777 ಚಾರ್ಲಿ ಟ್ರೇಲರ್‍ಗೆ ಮೆಚ್ಚುಗೆಗಳ ಸುರಿಮಳೆ!

ಕಳೆದ ವರ್ಷಗಳಿಂದ ಯಾವುದೇ ಸಿನಿಮಾಗಳಲ್ಲಿಯೂ ಕಾಣಿಸಿಕೊಳ್ಳದ ನಟ(Actor)ರಕ್ಷಿತ್ ಶೆಟ್ಟಿ(Rakshit Shetty), ಮೌನದಲ್ಲೇ ಹೆಚ್ಚು ಉತ್ತರ ನೀಡಿದ್ದರು.

ರಕ್ಷಿತ್ ಶೆಟ್ಟಿ ಮೌನವಾಗಿರುವುದನ್ನು ಕಂಡು ಸಿನಿಪ್ರೇಕ್ಷಕರು ರಕ್ಷಿತ್ ಶೆಟ್ಟಿ ಬಹುಶಃ ಸಿನಿಮಾಗಳಿಂದ ಕೊಂಚ ಬ್ರೇಕ್ ತೆಗೆದುಕೊಂಡಿರಬೇಕು ಎಂದು ಊಹಿಸಿದ್ದರು. ಆದ್ರೆ, ಅದೆಲ್ಲದ್ದಕ್ಕೂ ಅಸಲಿ ಬ್ರೇಕ್ ಕೊಟ್ಟು, ಮೌನದಿಂದಲೇ ಶ್ರದ್ಧೆವಹಿಸಿ, ಶ್ರಮವಹಿಸಿ ಪ್ಯಾನ್ ಇಂಡಿಯಾ ಸಿನಿಮಾವಾಗಿ 777 ಚಾರ್ಲಿಯನ್ನು ಸಿನಿಪ್ರೇಕ್ಷಕರಿಗೆ ಪರಿಚಯಿಸಲು ಸಜ್ಜಾಗಿದ್ದಾರೆ.

ಹೌದು, ಕಳೆದ ವರ್ಷ ಡಿಸೆಂಬರ್ ತಿಂಗಳ ಅಂತ್ಯದಲ್ಲೇ 777 ಚಾರ್ಲಿ ಬಿಡುಗಡೆಯಾಗಬೇಕಿತ್ತು! ಆದ್ರೆ ಕೆಲ ತಾಂತ್ರಿಕ ತೊಂದರೆಗಳಿಂದ `ಚಾರ್ಲಿ’ ಮುಂದಕ್ಕೆ ಓಡಿತು.

ರಕ್ಷಿತ್ ಶೆಟ್ಟಿ ಅಭಿನಯದ ಅಷ್ಟು ಸಿನಿಮಾಗಳಿಗಿಂತ ಈ ಸಿನಿಮಾ ವಿಭಿನ್ನ, ವಿಶೇಷತೆ, ಅಭಿನಯದ ಛಾಪು, ಭಾವನೆಗಳ ಬುತ್ತಿಯನ್ನು ಹೊತ್ತು ಪ್ರೇಕ್ಷಕರ ಮುಂದಿಡಲಿದೆ ಎಂಬುದನ್ನು ಇಂದು ಮೇ 16 12 :12ಕ್ಕೆ ಬಿಡುಗಡೆಗೊಂಡ ಟ್ರೇಲರ್ ಖಾತರಿಪಡಿಸಿದೆ. ಈಗಾಗಲೇ ರಕ್ಷಿತ್ ಶೆಟ್ಟಿ ಮತ್ತು ಚಿತ್ರತಂಡದ ನಿರ್ಮಾಪಕರು ಹೇಳಿರುವಂತೆ ಜೂನ್ 10 ರಂದು 777 ಚಾರ್ಲಿ ಸಿನಿಮಾವನ್ನು ಪ್ರೇಕ್ಷಕರ ಮುಂದಿಡಲು ದಿನಾಂಕವನ್ನು ಪ್ರಕಟಿಸಿದೆ.

ಸಿನಿಮಾಗಾಗಿ ಕಾತುರ ವ್ಯಕ್ತಪಡಿಸುತ್ತಿದ್ದ ಸಿನಿಪ್ರೇಕ್ಷಕರಿಗೆ ದಿನಾಂಕ ಗೊತ್ತು ಮಾಡುವ ಮೂಲಕ ಕೊಂಚ ನಿರಾಳ ಮಾಡಿದ ರಕ್ಷಿತ್ ಶೆಟ್ಟಿ ಹಾಗೂ ತಂಡಕ್ಕೆ, ಟ್ರೇಲರ್ ಯಾವಾಗ ತೋರಿಸುತ್ತೀರಿ ಎಂದು ಪ್ರೇಕ್ಷಕರು ಪಟ್ಟುಹಿಡಿದು ಕುಳಿತರು. ಈ ನಡುವೆಯೇ ರಕ್ಷಿತ್ ಶೆಟ್ಟಿ, ಮೇ 16 ರಂದು ಚಿತ್ರದ ಟ್ರೇಲರ್ ಬಿಡುಗಡೆಗೊಳಿಸಲಿದ್ದೇವೆ ಎಂದು ಹೇಳಿದಂತೆಯೇ ಮುಂದೂಡದೇ ಇಂದು ಅನಾವರಣಗೊಳಿಸಿದರು. 777 ಚಾರ್ಲಿ ಸಿನಿಮಾದ ಟ್ರೇಲರ್‍ನಲ್ಲಿ ವಿಶೇಷ ಹಾಗೂ ಪ್ರಮುಖ ಪಾತ್ರದಲ್ಲಿ ಶ್ವಾನ ನಟಿಸಿರುವುದು ಗಮನಾರ್ಹ ಮತ್ತು ಈ ಸಿನಿಮಾದ ಕಥಾಹಂದರ ಎಂದೇ ಹೇಳಬಹುದು.

777 ಚಾರ್ಲಿಯ ಟ್ರೇಲರ್‍ನಲ್ಲಿ ಧರ್ಮ(ರಕ್ಷಿತ್ ಶೆಟ್ಟಿ) ಹಾಗೂ ಚಾರ್ಲಿ(ಶ್ವಾನ) ಜೋಡಿಯನ್ನು ಕಣ್ತುಂಬಿಕೊಳ್ಳುವುದೇ ಅಮೋಘ. ಒಂದೊಂದು ಫ್ರೇಮ್, ಲೈಟಿಂಗ್, ಸನ್ನಿವೇಶಗಳು, ಸ್ಥಳಗಳು ಕಣ್ಣಿನಲ್ಲಿ ಕಟ್ಟಿದಂತಿದೆ, ಅಷ್ಟು ಅದ್ಬುತವಾಗಿ ಟ್ರೇಲರ್ ರೂಪಿಸಿದ್ದಾರೆ ರಕ್ಷಿತ್ ಶೆಟ್ಟಿ ಹಾಗೂ ತಂಡ. 777 ಚಾರ್ಲಿ ಸಿನಿಮಾದ ಟ್ರೇಲರ್ ಉತ್ತಮವಾಗಿ ಸಾಗುತ್ತಿದ್ದು, ಸಿನಿಪ್ರೇಕ್ಷಕರು ಸೇರಿದಂತೆ ಚಿತ್ರರಂಗದಿಂದ ಉತ್ತಮ, ಮೆಚ್ಚುಗೆಯ ಅಭಿಪ್ರಾಯಗಳು ವ್ಯಕ್ತವಾಗುತ್ತಿವೆ. ನೀವು 777 ಚಾರ್ಲಿ ಟ್ರೇಲರ್ ಇನ್ನು ನೋಡಿಲ್ವಾ? ಹಾಗಾದ್ರೆ ಈ ಕೂಡಲೇ ಕೆಳಗಿನ ಲಿಂಕ್ ಕ್ಲಿಕ್ ಮಾಡಿ ಟ್ರೇಲರ್ ವೀಕ್ಷಿಸಿ, ನಿಮ್ಮ ಅಭಿಪ್ರಾಯವನ್ನು ತಿಳಿಸಿ.

Latest News

ದೇಶ-ವಿದೇಶ

ಒಡಿಶಾದಲ್ಲಿ ಆಘಾತಕಾರಿ ಘಟನೆ ; ಹಾಡಹಗಲೇ ವೃದ್ಧನನ್ನು ಕಂಬಕ್ಕೆ ಕಟ್ಟಿ, ಥಳಿಸಿ ಕೊಂದ ಕುಟುಂಬಸ್ಥರು!

ಕೊರಾಪುಟ್ ಜಿಲ್ಲೆಯ ಬುಡಕಟ್ಟು ಪ್ರದೇಶದಲ್ಲಿ ಹಾಡಹಗಲೇ ವೃದ್ಧನನ್ನು ವಿದ್ಯುತ್ ಕಂಬಕ್ಕೆ ಕಟ್ಟಿ ತಮ್ಮ ಕುಟುಂಬಸ್ಥರೇ ಥಳಿಸಿ ಕೊಂದಿರುವ ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ!

ಮಾಹಿತಿ

ಕಿಡ್ನಿ ಸ್ಟೋನ್‌ ಸಮಸ್ಯೆಗೆ ಇಲ್ಲಿದೆ ನೈಸರ್ಗಿಕ ಪರಿಹಾರ ; ಈ ಸರಳ ಪರಿಹಾರ ಪಾಲಿಸಿ

ಕೆಲವು ಮನೆಮದ್ದುಗಳು(Home Remedies) ಆರಂಭಿಕ ಹಂತದ ಕಿಡ್ನಿಸ್ಟೋನ್ ಸಮಸ್ಯೆಗೆ ಪರಿಹಾರ ನೀಡುತ್ತವೆ. ಅಂತಹ ಮನೆಮದ್ದುಗಳ ವಿವರ ಇಲ್ಲಿದೆ ನೋಡಿ.

ಮಾಹಿತಿ

ದೇಹಕ್ಕೆ ಪ್ರೋಟಿನ್‌ ಕೊರತೆಯಾದ್ರೆ `ಈ’ 10 ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ

ಯುವಜನರ ದೈಹಿಕ ಬೆಳವಣಿಗೆಯಲ್ಲಿ ಪ್ರೋಟಿನ್‌ ಪ್ರಮುಖ ಪಾತ್ರ ವಹಿಸುತ್ತದೆ. ದೇಹದಲ್ಲಿನ ಸ್ನಾಯುಗಳು, ಕಿಣ್ವಗಳು ಮತ್ತು ಹಾರ್ಮೋನುಗಳಿಗೆ ಪ್ರೋಟಿನ್ ಅತ್ಯಂತ ಅವಶ್ಯಕವಾಗಿದೆ.