ಕನ್ನಡ ಚಿತ್ರರಂಗಕ್ಕೆ ಅಭಿಮಾನಿಗಳು ಪ್ರೀತಿಯಿಂದ ಸ್ಯಾಂಡÀಲ್‍ವುಡ್ ಕ್ವೀನ್ ಎಂದು ಕರೆಯಲ್ಪಡುವ ನಟಿ ರಮ್ಯ ಅವರು ಕನ್ನಡ ಚಿತ್ರರಂಗಕ್ಕೆ ಮರಳಿ ಬರಲಿದ್ದಾರೆ ಎಂಬ ವದಂತಿಗಳು ಬಹಳ ದಿನಗಳಿಂದ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ! ಸದ್ಯ ಈ ವದಂತಿಗಳು ಅಭಿಮಾನಿಗಳಲ್ಲಿ ಬಹಳ ಚರ್ಚೆಯಾಗುತ್ತಿದ್ದು, ಮೋಹಕ ತಾರೆ ಸ್ಯಾಂಡಲ್ವುಡ್ಗೆ ಬರಲೇಬೇಕು ಎಂಬ ಅಭಿಯಾನ ಒಂದು ಕಡೆಯಿಂದ ಕೇಳಿಬರುತ್ತಿವೆ. 20ರ ದಶಕದಲ್ಲಿ ಕನ್ನಡ ಚಿತ್ರರಸಿಕರನ್ನು ಹೆಚ್ಚು ಮನರಂಜಿಸಿ, ಕನ್ನಡಿಗರ ಮನದಲ್ಲಿ ಶಾಶ್ವತವಾಗಿ ಬೇರೂರಿ ಕುಳಿತಿರುವ ನೆಚ್ಚಿನ ಕಲಾವಿದೆ ರಮ್ಯ.
ಕನ್ನಡ ಚಿತ್ರರಂಗದಲ್ಲಿ ಅಭಿ ಸಿನಿಮಾ ಮೂಲಕ ಪವರ್ ಸ್ಟಾರ್‍ಗೆ ಜೊತೆಯಾಗಿ ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ ನಟಿ ರಮ್ಯ, ಕನ್ನಡಿಗರ ಮನಸ್ಸನ್ನು ತಮ್ಮ ಮೊದಲ ಸಿನಿಮಾದಲ್ಲಿಯೇ ಗೆದ್ದರು. ತದನಂತರ ರಮ್ಯ ಅವರ ನಟನೆಯ ಎಷ್ಟೋ ಸಿನಿಮಾಗಳನ್ನು ಪ್ರೇಕ್ಷಕರು ಹಬ್ಬದಂತೆ ಸಂಭ್ರಮಿಸುತ್ತಿದ್ದರು. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರೊಟ್ಟಿಗೆ ಮಾಡಿದ ಸಿನಿಮಾಗಳನ್ನು ಸಿನಿರಸಿಕರು ಮಾಸ್ ಜೋಡಿ ಎಂದು ಕೂಗಿ ಹೇಳಿದರೆ, ಇತ್ತ ಪವರ್ ಸ್ಟಾರ್ ಪುನೀತ್ ರಾಜ್‍ಕುಮಾರ್ ಅವರೊಟ್ಟಿಗೆ ಮಾಡಿದ ಅಭಿ, ಆಕಾಶ್, ಅರಸು ಸಿನಿಮಾಗಳನ್ನು ನೋಡಿ ಇದು ಕ್ಲಾಸ್, ಪ್ರೀತಿಯ ಜೋಡಿ ಎಂದು ಹೇಳುತ್ತಿದ್ದರು. ಅಷ್ಟರ ಮಟ್ಟಿಗೆ ರಮ್ಯ ಅವರ ಕ್ರೇಜ್ ಕನ್ನಡ ಚಿತ್ರರಂಗದಲ್ಲಿ ಅವರ ಅಭಿಮಾನಿಗಳಲ್ಲಿ ಕೇಳುತ್ತಿತ್ತು.
ಸದ್ಯ ಸಾಮಾಜಿಕ ಜಾಲತಾಣ ಸೇರಿದಂತೆ ಸಾಕಷ್ಟು ಕಡೆಯಿಂದ ಮೋಹಕ ತಾರೆ ಸ್ಯಾಂಡಲ್ವುಡ್ಗೆ ರೀ ಎಂಟ್ರಿ ಕೊಡಲಿದ್ದಾರೆ, ಕೊಡುವುದು ಖಚಿತ ಎಂಬ ವದಂತಿಗಳು ಹರಿದಾಡುತ್ತಿದೆ. ಈ ಮಧ್ಯೆ ಅದು ನಿಜ ಎನ್ನುವಂತೆ ನಟಿ ರಮ್ಯ ಅವರು ಸುದ್ದಿ ವಾಹಿನಿಯೊಂದಕ್ಕೆ ಸಂದರ್ಶನ ನೀಡಿದ್ದಾರೆ. ಹೀಗಾಗಿ ಅಭಿಮಾನಿಗಳು ಸ್ಯಾಂಡಲ್ವುಡ್ ಕ್ವೀನ್ ಕನ್ನಡ ಚಿತ್ರರಂಗಕ್ಕೆ ಬರುತ್ತಿದ್ದಾರೆ! ಕನ್ನಡ ಚಿತ್ರರಂಗಕ್ಕೆ ನಟಿ ರಮ್ಯ ಅವರು ಬರಬೇಕು, ಕನ್ನಡ ಸಿನಿ ಪ್ರೇಕ್ಷಕರು ಅಂದು ನಟಿ ರಮ್ಯ ಅವರನ್ನು ಅಚ್ಚುಮೆಚ್ಚಿನ ನಟಿಯಾಗಿ ಸ್ವೀಕರಿಸಿದ್ದಾರೆ.
ಅದೇ ಪ್ರೀತಿ ಇಂದಿಗೂ ಕೂಡ ಇದೇ, ರಮ್ಯ ಅವರು ಇಂದಿಗೂ ಅಭಿಮಾನಿಗಳ ಅಚ್ಚುಮೆಚ್ಚಿನ ನಟಿ ಎಂಬ ಮಾತುಗಳು ಅಭಿಮಾನಿಗಳಿಂದ ಕೇಳಿಬರುತ್ತಿದೆ. ರಮ್ಯ ಅವರು ಕನ್ನಡ ಚಿತ್ರರಂಗಕ್ಕೆ ಬಂದರೆ ನಾವು ಇಂದಿಗೂ ಕೂಡ ಅಷ್ಟೇ ಪ್ರೀತಿಯಿಂದ ಬರಮಾಡಿಕೊಳ್ಳುತ್ತೇವೆ ಎಂದು ಹೇಳುತ್ತಿದ್ದಾರೆ. ಒಟ್ಟಿನಲ್ಲಿ ನಟಿ ರಮ್ಯ ಅವರು ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಡುವುದು ಇನ್ನೂ ಸಷ್ಟವಾಗಿಲ್ಲ! ರಮ್ಯ ಅವರ ಎಂಟ್ರಿ ಸ್ಪಷ್ಟವಾಗುವವರೆಗೂ ಅಭಿಮಾನಿಗಳು ಕಾತುರದಿಂದಲೇ ಕಾಯಬೇಕಿದೆ.
