ಮಕ್ಕಳ ಸುರಕ್ಷತೆ ಮತ್ತು ಹೊಸ ಡಿಜಿಟಲ್ ಕಾನೂನುಗಳಿಗೆ (Age verification in WhatsApp) ಅನುಗುಣವಾಗಿ ಮೆಟಾ ಮಹತ್ವದ ಹೆಜ್ಜೆ

ಭಾರತ ಸೇರಿ ಹಲವು ದೇಶಗಳಲ್ಲಿ ವಯೋಮಿತಿ ನಿಯಮ ಜಾರಿಗೆ ಮುನ್ನ ಪ್ರಯೋಗಾತ್ಮಕ ಪರೀಕ್ಷೆ ಆರಂಭ

DPDP ಕಾಯ್ದೆಗೆ ಅನುಗುಣವಾಗಿ ವಯಸ್ಸು ಪರಿಶೀಲನೆ ಪ್ರಕ್ರಿಯೆ ಆರಂಭಿಸಿದ ಮೆಟಾ, ಗೌಪ್ಯತೆಗೆ ಭರವಸೆ

New Delhi : ಭಾರತದಲ್ಲಿ ಕೋಟ್ಯಂತರ ಜನರು ಪ್ರತಿದಿನ ಬಳಸುವ ಮೆಟಾ ಒಡೆತನದ (Age verification in WhatsApp) ವಾಟ್ಸ್‌ಆ್ಯಪ್, ಬಳಕೆದಾರರ ಸುರಕ್ಷತೆ ಮತ್ತು ಹೊಸ ಡಿಜಿಟಲ್ ನಿಯಮಗಳಿಗೆ ಅನುಗುಣವಾಗಿ ಮಹತ್ವದ ಬದಲಾವಣೆಗಳನ್ನು ಜಾರಿಗೆ ತರಲು ಸಿದ್ಧತೆ ನಡೆಸಿದೆ.

ಇದರ ಭಾಗವಾಗಿ ಕೆಲವು ಬಳಕೆದಾರರಿಗೆ ವಯಸ್ಸು ದೃಢೀಕರಿಸುವ (Age Verification) ಪ್ರಾಯೋಗಿಕ ಪರೀಕ್ಷೆಯನ್ನು ಆರಂಭಿಸಲಾಗಿದೆ.

ಮುಂದಿನ ದಿನಗಳಲ್ಲಿ ಇದೇ ರೀತಿಯ ಕ್ರಮವನ್ನು ಫೇಸ್‌ಬುಕ್ ಹಾಗೂ ಇನ್‌ಸ್ಟಾಗ್ರಾಂ ಬಳಕೆದಾರರಿಗೂ ವಿಸ್ತರಿಸುವ ಸಾಧ್ಯತೆ ಇದೆ. ವಿಶೇಷವಾಗಿ ಮಕ್ಕಳ ಆನ್‌ಲೈನ್ ಸುರಕ್ಷತೆಯನ್ನು ಬಲಪಡಿಸುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗುತ್ತಿದೆ.

ಭಾರತ ಸೇರಿದಂತೆ ಹಲವು ದೇಶಗಳಲ್ಲಿ ಅಪ್ರಾಪ್ತ ವಯಸ್ಕರ ಸಾಮಾಜಿಕ ಜಾಲತಾಣ ಬಳಕೆಗೆ ನಿಯಮಗಳನ್ನು ಕಠಿಣಗೊಳಿಸುವ ಕುರಿತು ಚರ್ಚೆಗಳು ನಡೆಯುತ್ತಿವೆ.

14 ರಿಂದ 18 ವರ್ಷದೊಳಗಿನ ಮಕ್ಕಳಿಗೆ ಸಾಮಾಜಿಕ ಜಾಲತಾಣ ಬಳಕೆಯ ಮೇಲೆ ನಿಯಂತ್ರಣ ಹೇರಲು ವಿವಿಧ ಸರ್ಕಾರಗಳು ಕ್ರಮಗಳನ್ನು ಪರಿಶೀಲಿಸುತ್ತಿವೆ.

ಈ ಹಿನ್ನೆಲೆಯಲ್ಲಿ ಭವಿಷ್ಯದಲ್ಲಿ ಜಾರಿಗೆ ಬರಬಹುದಾದ ಕಾನೂನುಗಳಿಗೆ ಹೊಂದಿಕೊಳ್ಳುವ (Age verification in WhatsApp) ಉದ್ದೇಶದಿಂದ ಮೆಟಾ ತನ್ನ ವೇದಿಕೆಗಳಲ್ಲಿ ವಯಸ್ಸು ದೃಢೀಕರಣ ವ್ಯವಸ್ಥೆಯನ್ನು ಪರೀಕ್ಷಿಸುತ್ತಿದೆ.

ಕೆಲವು ಬಳಕೆದಾರರಿಗೆ ಆ್ಯಪ್‌ನಲ್ಲೇ ವಿಶೇಷ ನೋಟಿಫಿಕೇಷನ್ ಕಳುಹಿಸಿ, ಕಾನೂನುಬದ್ಧ ಅಗತ್ಯದ ಹಿನ್ನೆಲೆಯಲ್ಲಿ ವಯಸ್ಸಿನ ಮಾಹಿತಿ ಕೇಳಬೇಕಾಗಬಹುದು ಎಂದು ಸಂಸ್ಥೆ ತಿಳಿಸಿದೆ.

ಮೆಟಾ ನೀಡಿರುವ ಮಾಹಿತಿಯ ಪ್ರಕಾರ, ಭಾರತದಲ್ಲಿ ಹಂತ ಹಂತವಾಗಿ ಜಾರಿಯಾಗುತ್ತಿರುವ ಡಿಜಿಟಲ್ ಪರ್ಸನಲ್ ಡೇಟಾ ಪ್ರೊಟೆಕ್ಷನ್ (DPDP) ಕಾಯ್ದೆಗೆ ಅನುಗುಣವಾಗಿ ಈ ಪ್ರಯೋಗಾತ್ಮಕ ವ್ಯವಸ್ಥೆ ಅಭಿವೃದ್ಧಿಪಡಿಸಲಾಗಿದೆ.

ಆದರೆ ಈ ಪ್ರಕ್ರಿಯೆಯಿಂದ ಬಳಕೆದಾರರ ದೈನಂದಿನ ವಾಟ್ಸ್‌ಆ್ಯಪ್ ಬಳಕೆಯಲ್ಲಿ ಯಾವುದೇ ಬದಲಾವಣೆ ಉಂಟಾಗುವುದಿಲ್ಲ ಎಂದು ಕಂಪನಿ ಸ್ಪಷ್ಟಪಡಿಸಿದೆ.

ವಯಸ್ಸಿನ ಮಾಹಿತಿ ಅತ್ಯಂತ ಖಾಸಗಿ ಎಂಬುದನ್ನು ಅರಿತಿರುವುದಾಗಿ ಹೇಳಿರುವ ಸಂಸ್ಥೆ, ಸಂಗ್ರಹವಾಗುವ ಮಾಹಿತಿಯನ್ನು ಸುರಕ್ಷಿತವಾಗಿ ಸಂರಕ್ಷಿಸಲಾಗುವುದು ಹಾಗೂ ಇತರ ಬಳಕೆದಾರರೊಂದಿಗೆ ಯಾವುದೇ ಕಾರಣಕ್ಕೂ ಹಂಚಿಕೊಳ್ಳುವುದಿಲ್ಲ ಎಂದು ಭರವಸೆ ನೀಡಿದೆ.

ಜೊತೆಗೆ, ಪ್ರಸ್ತುತ ನಡೆಯುತ್ತಿರುವ ವಯಸ್ಸು ದೃಢೀಕರಣ ಪ್ರಕ್ರಿಯೆ ಕಡ್ಡಾಯವಲ್ಲ, ಇದು ಪ್ರಾಯೋಗಿಕ ಹಂತದಲ್ಲಿರುವ ಐಚ್ಛಿಕ ಪರೀಕ್ಷೆಯಾಗಿದೆ ಎಂದು ತಿಳಿಸಿದೆ.

ಇದರ ನಡುವೆ ಭಾರತ ಸೇರಿದಂತೆ ಹಲವು ಪ್ರದೇಶಗಳಲ್ಲಿ ಕೆಲವು ವಾಟ್ಸ್‌ಆ್ಯಪ್ ಖಾತೆಗಳು ತಾತ್ಕಾಲಿಕವಾಗಿ 24 ಗಂಟೆಗಳ ಕಾಲ ನಿರ್ಬಂಧಕ್ಕೊಳಗಾದ ಘಟನೆಗಳು ಕೂಡ ವರದಿಯಾಗಿವೆ.

ಪರಿಶೀಲನಾ ಪ್ರಕ್ರಿಯೆಯ ಭಾಗವಾಗಿ ಕೆಲವು ಖಾತೆಗಳಿಗೆ “ನಿಮ್ಮ ಖಾತೆಯನ್ನು ಮುಂದಿನ 24 ಗಂಟೆಗಳ ಕಾಲ ಪರಿಶೀಲಿಸಲಾಗುತ್ತಿದೆ” ಎಂಬ ಸಂದೇಶ ಕಳುಹಿಸಲಾಗಿದೆ.

ಇದರಿಂದ ಅನೇಕ ಬಳಕೆದಾರರು ಆತಂಕ ವ್ಯಕ್ತಪಡಿಸಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಅಸಮಾಧಾನವನ್ನು ಹಂಚಿಕೊಂಡಿದ್ದಾರೆ. ಈ ಕುರಿತು ಪ್ರತಿಕ್ರಿಯಿಸಿರುವ

ವಾಟ್ಸ್‌ಆ್ಯಪ್, ಸೇವೆಯ ದುರ್ಬಳಕೆ ತಡೆಯಲು ಮತ್ತು ಬಳಕೆದಾರರ ಸುರಕ್ಷತೆ ಕಾಪಾಡಲು ಸ್ವಯಂಚಾಲಿತ ಸುರಕ್ಷತಾ ವ್ಯವಸ್ಥೆಗಳು ಕಾರ್ಯನಿರ್ವಹಿಸುತ್ತವೆ.

ಕೆಲ ಸಂದರ್ಭಗಳಲ್ಲಿ ತಪ್ಪಾಗಿ ಖಾತೆಗಳು ಪರಿಶೀಲನೆಗೆ ಒಳಗಾಗುವ ಸಾಧ್ಯತೆ ಇದ್ದರೂ, ಅಂತಹ ಪ್ರಕರಣಗಳನ್ನು ಶೀಘ್ರದಲ್ಲೇ ಪರಿಶೀಲಿಸಿ ಸರಿಪಡಿಸಲಾಗುತ್ತದೆ ಎಂದು ತಿಳಿಸಿದೆ.

ಒಟ್ಟಾರೆಯಾಗಿ ನೋಡಿದರೆ, ಮಕ್ಕಳ ಸುರಕ್ಷತೆ, ಡಿಜಿಟಲ್ ಗೌಪ್ಯತೆ ಮತ್ತು ಹೊಸ ಕಾನೂನುಗಳಿಗೆ ಅನುಗುಣವಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಮಹತ್ವದ ಬದಲಾವಣೆಗಳು ಆರಂಭವಾಗುತ್ತಿರುವ ಸೂಚನೆಗಳು ಕಾಣಿಸುತ್ತಿವೆ.

ವಯಸ್ಸು ದೃಢೀಕರಣ ಸೇರಿದಂತೆ ಹೊಸ ವ್ಯವಸ್ಥೆಗಳು ಹಂತ ಹಂತವಾಗಿ ವಿಸ್ತರಿಸುವ ಸಾಧ್ಯತೆ ಇದ್ದು, ಮುಂದಿನ ದಿನಗಳಲ್ಲಿ ವಾಟ್ಸ್‌ಆ್ಯಪ್ ಮಾತ್ರವಲ್ಲದೆ ಫೇಸ್‌ಬುಕ್ ಮತ್ತು

ಇನ್‌ಸ್ಟಾಗ್ರಾಂ ಬಳಕೆದಾರರಿಗೂ ಹೊಸ ನಿಯಮಗಳು ಅನ್ವಯಿಸಬಹುದು. ಬಳಕೆದಾರರು ಅಧಿಕೃತ ನೋಟಿಫಿಕೇಷನ್‌ಗಳಿಗೆ ಮಾತ್ರ ಸ್ಪಂದಿಸುವುದು, ವೈಯಕ್ತಿಕ ಮಾಹಿತಿಯನ್ನು

ಅಪರಿಚಿತ ಲಿಂಕ್‌ಗಳಲ್ಲಿ ಹಂಚಿಕೊಳ್ಳದಿರುವುದು ಹಾಗೂ ಖಾತೆಯ ಸುರಕ್ಷತಾ ನಿಯಮಗಳನ್ನು ಪಾಲಿಸುವುದು ಅತ್ಯಂತ ಅಗತ್ಯವಾಗಿದೆ.

ಇದನ್ನು ಓದಿ : https://vijayatimes.com/hebbal-tunnel-road-project/