ಬೆಂಗಳೂರು, ಡಿ. 12: ಕೊರೊನಾ ಸೋಂಕಿನಿಂದ ಯಾವುದೇ ರೀತಿಯ ಕಾರ್ಯಕ್ರಮಗಳನ್ನು ನಡೆಸಲು ಸಾಧ್ಯವಾಗುತ್ತಿಲ್ಲ. ಆದರೂ ಕೆಲವೊಂದು ಕಾರ್ಯಕ್ರಮಗಳು ಸಾರ್ವಜನಿಕರಿಲ್ಲದೇ ನಡೆಸಲು ಸರ್ಕಾರ ಅನುಮತಿ ನೀಡಿದೆ. ಆದ್ದರಿಂದ ಕೊರೊನಾ ಸೋಂಕಿನ ಭೀತಿಯ ನಡುವೆಯೂ ಏರೋ ಇಂಡಿಯಾ ಕಾರ್ಯಕ್ರಮವನ್ನು ಮುಂದಿನ 2021 ಫೆಬ್ರವರಿ 3 ರಿಂದ 7ರವರೆಗೆ ನಡೆಸಲಾಗುವುದು. ಇದನ್ನೇ ಬಹಳ ಜನ ಮನರಂಜನೆಗಾಗಿ ಪ್ರತಿ ಸಾರಿ ಈ ಏರೋ ಶೋ ಕಾರ್ಯಕ್ರಮವನ್ನು ವಿಕ್ಷೀಸಲು ಬರುವರು ಆದರೆ ಈ ಸಲ ಅದಕ್ಕೆ ಅನುಮತಿಯಿಲ್ಲದ ಕಾರಣ ಹೇಗೆ ನಡೆಯಬಹುದೆಂದು ಎಲ್ಲರಲ್ಲೂ ಕುತೂಹಲ ಮೂಡಿದೆ.

ಈ ಕುರಿತಂತೆ ಕೇಂದ್ರ ರಕ್ಷಣಾ ಇಲಾಖೆ ಮಾಹಿತಿ ನೀಡಿದ್ದು,ಕೋವಿಡ್-19 ಸೋಂಕಿನ ಕಾರಣದಿಂದ ಏರೋ ಇಂಡಿಯಾ ಶೋ ಗೆ ಸೀಮಿತ ಪ್ರವೇಶಕ್ಕೆ ಅನುಮತಿ ನೀಡಲಿಯೆಂದು ಆರೋಗ್ಯ ಇಲಾಖೆ ತಿಳಿಸಿದೆ.

ಏರ್ ಶೋ ವನ್ನು ಯಲಹಂಕದ ವಾಯುನೆಲೆಯಲ್ಲಿ ಸೂಚಿಸಿರುವಂತೆ 13ನೇ ಅಂತರಾಷ್ಟ್ರೀಯ ಏರೋ ಇಂಡಿಯಾ  2021 ಕಾರ್ಯಕ್ರಮ ನಡೆಸಲು ನಿರ್ಧರಿಸಲಾಗಿದೆ. ಈ ಮಾಹಿತಿಯನ್ನು 2021 ರ ಜನವರಿ ಕೊನೆಯ ವಾರದ ಅಂತ್ಯದಲ್ಲಿ ಮತ್ತೊಮ್ಮೆ ಸಭೆ ನಡೆಸಿ  ನಿರ್ಧಾರ ಮಾಡುವುದಾಗಿ ತಿಳಿಸಲಾಗಿದೆ.