ಅಲೋವೆರಾ ಕ್ರೀಮ್‌ಗಳಿಗೆ ಬ್ರೇಕ್; 16 ಸಂಯೋಜಿತ (aloe vera based creams banned) ಔಷಧಿಗಳಿಗೆ ಕೇಂದ್ರ ಸರ್ಕಾರದ ನಿಷೇಧ

ಚಿಕಿತ್ಸಾ ಸಮರ್ಥನೆ ಇಲ್ಲದ ಉತ್ಪನ್ನಗಳ ಬಳಕೆಯಿಂದ ಆರೋಗ್ಯಕ್ಕೆ ಗಂಭೀರ ದುಷ್ಪರಿಣಾಮದ ಸಾಧ್ಯತೆ

ಕೂಡಲೆ ಅಲೋವೆರಾ ಆಧಾರಿತ ಕ್ರೀಮ್‌ಗಳು ಹಾಗೂ ಕೆಲವು ಆ್ಯಂಟಿಬಯೋಟಿಕ್‌ಗಳನ್ನು ಮಾರುಕಟ್ಟೆಯಿಂದ ಹಿಂಪಡೆಯಲು ಆದೇಶ

New Delhi : ಸಾರ್ವಜನಿಕರ ಆರೋಗ್ಯ ಮತ್ತು ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು (aloe vera based creams banned) ಕೇಂದ್ರ ಸರ್ಕಾರ ಮಹತ್ವದ ನಿರ್ಧಾರ ಕೈಗೊಂಡಿದೆ.

ವೈಜ್ಞಾನಿಕ ಆಧಾರಗಳ ಕೊರತೆ ಹಾಗೂ ಆರೋಗ್ಯದ ಮೇಲೆ ಗಂಭೀರ ದುಷ್ಪರಿಣಾಮ ಉಂಟಾಗುವ ಸಾಧ್ಯತೆಯನ್ನು ಪರಿಗಣಿಸಿ, ಅಲೋವೆರಾ ಆಧಾರಿತ ಚರ್ಮದ ಆರೈಕೆ ಕ್ರೀಮ್‌ಗಳು ಸೇರಿದಂತೆ ಒಟ್ಟು 16 ಸಂಯೋಜಿತ ಔಷಧಿಗಳ (Fixed Dose Combinations – FDC) ಉತ್ಪಾದನೆ, ಮಾರಾಟ ಮತ್ತು ವಿತರಣೆಯನ್ನು ತಕ್ಷಣದಿಂದಲೇ ನಿಷೇಧಿಸಲಾಗಿದೆ.

ಈ ಕುರಿತು ಕೇಂದ್ರ ಆರೋಗ್ಯ ಸಚಿವಾಲಯ ಅಧಿಕೃತ ಗ್ಯಾಜೆಟ್ ಅಧಿಸೂಚನೆಯನ್ನು ಪ್ರಕಟಿಸಿದ್ದು, ದೇಶಾದ್ಯಂತ ಈ ಆದೇಶ ಜಾರಿಗೆ ಬಂದಿದೆ.

ಸಾಮಾನ್ಯವಾಗಿ ಎರಡು ಅಥವಾ ಅದಕ್ಕಿಂತ ಹೆಚ್ಚು ಔಷಧೀಯ ಅಂಶಗಳನ್ನು ನಿರ್ದಿಷ್ಟ (aloe vera based creams banned) ಪ್ರಮಾಣದಲ್ಲಿ ಸೇರಿಸಿ ಒಂದೇ ಮಾತ್ರೆ, ಸಿರಪ್ ಅಥವಾ ಕ್ರೀಮ್ ರೂಪದಲ್ಲಿ ತಯಾರಿಸಲಾದ ಔಷಧಿಗಳನ್ನು ಫಿಕ್ಸ್ಡ್ ಡೋಸ್ ಕಾಂಬಿನೇಷನ್ ಎಂದು ಕರೆಯಲಾಗುತ್ತದೆ.

ಇಂತಹ ಸಂಯೋಜಿತ ಉತ್ಪನ್ನಗಳು ಸರಿಯಾದ ವೈಜ್ಞಾನಿಕ ಪರೀಕ್ಷೆ ಮತ್ತು ಚಿಕಿತ್ಸಾ ಸಮರ್ಥನೆ ಹೊಂದಿರಬೇಕು. ಆದರೆ ಈಗ ನಿಷೇಧಿಸಲಾದ ಹಲವಾರು ಉತ್ಪನ್ನಗಳಲ್ಲಿ

ಸೂಕ್ತ ಸಂಶೋಧನೆ ಮತ್ತು ವೈದ್ಯಕೀಯ ಆಧಾರಗಳ ಕೊರತೆ ಕಂಡುಬಂದಿರುವುದರಿಂದ, ಅವುಗಳ ಬಳಕೆ ಆರೋಗ್ಯಕ್ಕೆ ಅಪಾಯಕಾರಿ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಡ್ರಗ್ಸ್ ತಾಂತ್ರಿಕ ಸಲಹಾ ಮಂಡಳಿ (DTAB) ಹಾಗೂ ತಜ್ಞರ ಸಮಿತಿಯು ಈ 16 ಸಂಯೋಜಿತ ಔಷಧಿಗಳ ಬಗ್ಗೆ ಸಮಗ್ರ ಪರಿಶೀಲನೆ ನಡೆಸಿತ್ತು. ಈ ವೇಳೆ ವಿವಿಧ ಘಟಕಗಳನ್ನು ಒಂದೇ ಉತ್ಪನ್ನದಲ್ಲಿ ಸೇರಿಸಿರುವುದಕ್ಕೆ ಸ್ಪಷ್ಟವಾದ ಚಿಕಿತ್ಸಾ ಉದ್ದೇಶವಿಲ್ಲ ಎಂಬುದು ಬೆಳಕಿಗೆ ಬಂದಿದೆ.

ಜೊತೆಗೆ, ಈ ರೀತಿಯ ಉತ್ಪನ್ನಗಳನ್ನು ನಿರಂತರವಾಗಿ ಬಳಸುವುದರಿಂದ ಅನಿರೀಕ್ಷಿತ ಅಡ್ಡಪರಿಣಾಮಗಳು ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ ಎಂದು ಸಮಿತಿ ಎಚ್ಚರಿಕೆ ನೀಡಿದೆ.

ಇದರ ಆಧಾರದ ಮೇಲೆ ಔಷಧ ಮತ್ತು ಸೌಂದರ್ಯವರ್ಧಕ ಕಾಯ್ದೆ-1940ರ ಸೆಕ್ಷನ್ 26A ಅಡಿಯಲ್ಲಿ ಕೇಂದ್ರ ಸರ್ಕಾರ ಕಠಿಣ ಕ್ರಮ ಕೈಗೊಂಡಿದೆ.

ನಿಷೇಧಿಸಲಾದ ಉತ್ಪನ್ನಗಳಲ್ಲಿ ಅಲೋವೆರಾ ಜೊತೆಗೆ ವಿಟಮಿನ್ ಇ, ಜೊಜೊಬಾ ಆಯಿಲ್ (Jojoba Oil) , ಆಲಿವ್ ಆಯಿಲ್, ಟೀ ಟ್ರೀ ಆಯಿಲ್, ವೀಟ್ ಜರ್ಮ್ ಆಯಿಲ್ ಮತ್ತು ಆರೆಂಜ್ ಆಯಿಲ್‌ಗಳನ್ನು ಸೇರಿಸಿ ತಯಾರಿಸಲಾಗುತ್ತಿದ್ದ ಹಲವು ಚರ್ಮದ ಆರೈಕೆ ಕ್ರೀಮ್‌ಗಳು ಸೇರಿವೆ.

ಅಲ್ಲದೆ ಬ್ಯಾಕ್ಟೀರಿಯಾ ಸೋಂಕುಗಳಿಗೆ ಬಳಸಲಾಗುತ್ತಿದ್ದ ಕೆಲವು ಅಮೋಕ್ಸಿಸಿಲಿನ್ (Amoxicillin) ಆಧಾರಿತ ಆ್ಯಂಟಿಬಯೋಟಿಕ್ (Antibiotic) ಸಂಯೋಜನೆಗಳಿಗೂ ನಿರ್ಬಂಧ ಹೇರಲಾಗಿದೆ.

ವೈದ್ಯರ ಸಲಹೆ ಇಲ್ಲದೆ ಇಂತಹ ಉತ್ಪನ್ನಗಳನ್ನು ಸುಲಭವಾಗಿ ಖರೀದಿಸಿ ಬಳಸುವ ಪ್ರವೃತ್ತಿ ಹೆಚ್ಚುತ್ತಿರುವ ಹಿನ್ನೆಲೆ ಸರ್ಕಾರ ಈ ಕ್ರಮಕ್ಕೆ ಮುಂದಾಗಿದೆ. ಆರೋಗ್ಯ ತಜ್ಞರು ಕೂಡ ಸ್ವಯಂ ಔಷಧೋಪಚಾರದಿಂದ ದೂರವಿರಲು ಸಾರ್ವಜನಿಕರಿಗೆ ಸಲಹೆ ನೀಡಿದ್ದಾರೆ.

ಕೇಂದ್ರ ಸರ್ಕಾರದ ಈ ನಿರ್ಧಾರದಿಂದ ಸಾರ್ವಜನಿಕರು ಯಾವುದೇ ಔಷಧಿ ಅಥವಾ ಚರ್ಮದ ಆರೈಕೆ ಉತ್ಪನ್ನಗಳನ್ನು ಖರೀದಿಸುವ ಮುನ್ನ ಹೆಚ್ಚಿನ ಎಚ್ಚರಿಕೆ ವಹಿಸುವ ಅಗತ್ಯವಿದೆ.

ಫಾರ್ಮಾ ಕಂಪನಿಗಳು ಕೂಡ ಮಾರುಕಟ್ಟೆಯಲ್ಲಿರುವ ಇಂತಹ ಉತ್ಪನ್ನಗಳ ಮಾರಾಟವನ್ನು ತಕ್ಷಣ ಸ್ಥಗಿತಗೊಳಿಸಿ ಉಳಿದಿರುವ ಸ್ಟಾಕ್‌ಗಳನ್ನು ಹಿಂಪಡೆಯಬೇಕಾಗಿದೆ.

ಕಳೆದ ಕೆಲವು ತಿಂಗಳುಗಳಿಂದ ವೈಜ್ಞಾನಿಕ ಆಧಾರವಿಲ್ಲದ ಹಾಗೂ ಆರೋಗ್ಯಕ್ಕೆ ಅಪಾಯಕಾರಿಯಾದ ಹಲವು ಸಂಯೋಜಿತ ಔಷಧಿಗಳ ವಿರುದ್ಧ ಕೇಂದ್ರ ಆರೋಗ್ಯ ಸಚಿವಾಲಯ ನಿರಂತರ ಕ್ರಮ ಕೈಗೊಳ್ಳುತ್ತಿದೆ. ಸಾರ್ವಜನಿಕರ ಸುರಕ್ಷತೆಯನ್ನು ಮೊದಲ ಆದ್ಯತೆಯಾಗಿ ಪರಿಗಣಿಸಿ ಮುಂದಿನ ದಿನಗಳಲ್ಲಿಯೂ ಇಂತಹ ಕ್ರಮಗಳು ಮುಂದುವರಿಯುವ ಸಾಧ್ಯತೆ ಇದೆ.