ಅಲೋವೆರಾ ಮುಖದ ಸೌಂದರ್ಯಕ್ಕೆ ಮಾತ್ರವಲ್ಲದೆ, ದೇಹಕ್ಕೂ ಕೂಡ ಸಾಕಷ್ಟು ಉತ್ತಮವಾದ ಅಂಶಗಳನ್ನು ನೀಡುತ್ತದೆ. ಪರಿಪೂರ್ಣ ಮೈಕಟ್ಟು ಕಾಪಾಡಿಕೊಳ್ಳಲು ನೀವು ಪರ್ಫೆಕ್ಟ್ ಡಯಟ್ ಜೊತೆಗೆ ನಿಯಮಿತ ವ್ಯಾಯಾಮಗಳನ್ನು ಮಾಡಬೇಕಾಗುತ್ತದೆ. ಎರಡರಲ್ಲಿ ಸ್ವಲ್ಪ ಎಚ್ಚರ ತಪ್ಪಿದರೂ. ಒಮ್ಮೆ ತೂಕ ಹೆಚ್ಚಾದರೆ ಮತ್ತೆ ತೂಕ ಇಳಿಸಿಕೊಳ್ಳಲು ಕಷ್ಟಪಡಬೇಕಾಗುತ್ತದೆ. ಜೀವನ ಶೈಲಿಯಲ್ಲಿ ಸಂಪೂರ್ಣ ಬದಲಾವಣೆಗಳಾದರೆ ಮಾತ್ರ ಸಾಧ್ಯ. ಅದರಲ್ಲೂ ಆಹಾರ ಪದ್ಧತಿಯಲ್ಲಿ ಬದಲಾವಣೆ ಅಗತ್ಯ. ಹೆಚ್ಚಿನ ಪೋಷಕಾಂಶಗಳನ್ನು ಹೊಂದಿರುವ ಆರೋಗ್ಯಕರ ಆಹಾರವನ್ನು ಮಾತ್ರ ತೆಗೆದುಕೊಳ್ಳಿ.

ಅಲೋವೆರಾವನ್ನು ಮನೆಯಲ್ಲಿಯೇ ಬೆಳೆಸಬಹುದಾಗಿರುವುದರಿಂದ ಪ್ರತಿದಿನ ತಾಜಾ ಅಲೋವೆರಾವನ್ನು ಬಳಸಬಹುದು. ಇದು ರುಚಿನೋಡಲು ಕಹಿಯಾದರೂ. ‘ದಿ ಎವೆರಿಥಿಂಗ್ ಗೈಡ್ ಟು ಅಲೋ ವೆರಾ’ ಲೇಖಕ ಬ್ರಿಟ್ ಬ್ರಾಂಡನ್ ಹೇಳುವಂತೆ, ಇದು ದೇಹದ ಹೀರಿಕೊಳ್ಳುವಿಕೆ ಮತ್ತು ಪೌಷ್ಟಿಕಾಂಶವನ್ನು ಸುಧಾರಿಸುತ್ತದೆ.
ಅಲೋವೆರಾದಲ್ಲಿ ವಿಟಮಿನ್ ಎ, ಬಿ, ಸಿ, ಇ ಮತ್ತು ಪ್ರೋಟೀನ್ ಗಳಲ್ಲಿ 18 ಅಮೈನೋ ಆಮ್ಲಗಳಿವೆ. ಅಲೋವೆರಾ ಜೆಲ್ ನಲ್ಲಿರುವ ಮತ್ತೊಂದು ಪ್ರಮುಖ ಪೋಷಕಾಂಶವೆಂದರೆ ಅಸೆಮನ್ನನ್ ಎಂಬ ಸಂಕೀರ್ಣ ಕಾರ್ಬೋಹೈಡ್ರೇಟ್.

ಅಲೋವೆರಾ ಕಾಂಡದ ತಳಭಾಗವನ್ನು ಕತ್ತರಿಸಿ. ನಂತರ ಅದರ ಎಲೆಗಳನ್ನು ಮಧ್ಯಕ್ಕೆ ಒರೆಸಿ. ಅದರಿಂದ ಜೆಲ್ ಅನ್ನು ಹೊರತೆಗೆಯಿರಿ. ಆ ಎಲ್ಲಾ ಜೆಲ್ ಅನ್ನು ಗ್ರೈಂಡರ್ ನಲ್ಲಿ ಹಾಕಿ ಮಿಶ್ರಣ ಮಾಡಿ. ಇದಕ್ಕೆ ನಿಂಬೆ, ಜೇನು ಹಾಕಿ ಸ್ವಲ್ಪ ಪ್ರಮಾಣದಲ್ಲಿ ಬೆಲ್ಲ ಸೇರಿಸಿ. ನಂತರ ಸ್ವಲ್ಪ ತಣ್ಣೀರನ್ನು ಸೇರಿಸಿ ರುಬ್ಬಿಕೊಳ್ಳಿ. ಜೀರಿಗೆ ಮತ್ತು ಕೆಂಪು ಮೆಣಸಿನಕಾಯಿಯನ್ನು ಬಾಣಲೆಯ ಮೇಲೆ ಹುರಿಯಿರಿ. ಗ್ರೈಂಡರ್ ಹಾಕಿ ಗ್ರೈಂಡ್ ಮಾಡಿ. ನಂತರ ಅದನ್ನು ಗ್ರೈಂಡರ್ ನಿಂದ ಒಂದು ಲೋಟಕ್ಕೆ ಸುರಿಯಿರಿ. ಅದಕ್ಕೆ ಚಾಟ್ ಮಸಾಲ ಸೇರಿಸಿ. ಇಷ್ಟೇ ಅಲೋವೆರಾ ಜ್ಯೂಸ್ ರೆಡಿ. ಈ ರಸದಲ್ಲಿ ನೀರಿನ ಬದಲು ಯಾವುದೇ ಹಣ್ಣಿನ ರಸವನ್ನು ಸಹ ಸೇರಿಸಬಹುದು. ಅಲೋವೆರಾ ರಸದ ಮೊದಲ ಎರಡು ಸಿಪ್ ಕುಡಿಯುವಾಗ ಸ್ವಲ್ಪ ಕಹಿಯಾಗಿ ಕಂಡರೂ, ನಂತರ ನಿಮಗೆ ಇಷ್ಟವಾಗುತ್ತದೆ.