ಪ್ರಾಣಿ(Animals Recreate Thier Organs) ಪ್ರಪಂಚದಲ್ಲಿ ಅನೇಕ ಆಶ್ಚರ್ಯಕರ ವಿಷಯಗಳಿವೆ. ಪ್ರಾಣಿ ಜಗತ್ತಿನಲ್ಲಿ ಮಾನವನೇ ಊಹಿಸಲು ಸಾಧ್ಯವಾಗದಂತಹ ಅನೇಕ ವಿಚಿತ್ರ ಸಂಗತಿಗಳು ಮತ್ತು ವೈಶಿಷ್ಟ್ಯಗಳು ಇವೆ.

ಕೆಲವೊಮ್ಮೆ, ಹಾನಿಗೊಳಗಾದ ನಮ್ಮ ಅಂಗಗಳನ್ನು ಪುನರುತ್ಪಾದಿಸಲು ಸಾಧ್ಯವಾದರೆ ಎಷ್ಟು ಚೆನ್ನಾಗಿರುತ್ತದೆ ಎಂದು ಅಂದುಕೊಳ್ಳುತ್ತಿರುತ್ತೇವೆ.

ಆದರೆ ಅನೇಕ ಪ್ರಾಣಿಗಳಿಗೆ ಇಂತಹ ಸಾಮರ್ಥ್ಯವಿದೆ ಎನ್ನುವುದು ಸತ್ಯ. ಇಂತಹ ವಿಶೇಷ ಸಾಮರ್ಥ್ಯವುಳ್ಳ ಕೆಲವು ಪ್ರಾಣಿಗಳ ಬಗ್ಗೆ ಇಲ್ಲಿದೆ ಮಾಹಿತಿ.

ಸಾಲಮಾಂಡರ್ ಎನ್ನುವ ಉಭಯಚರ : ಇದು ಬಾಲ ಮತ್ತು ಪುಟ್ಟ ಕಾಲುಗಳನ್ನು ಹೊಂದಿರುವ ಪ್ರಾಣಿ.

ಸುಮಾರು 700ಕ್ಕೂ ಹೆಚ್ಚು ಜಾತಿಯ ಸಾಲಮಾಂಡರ್‌ಗಳಿವೆ(Salmander), ಇವೆಲ್ಲವೂ ಸ್ವಲ್ಪ ಮಟ್ಟಿನ ಸಂತಾನೋತ್ಪತ್ತಿಯ ಸಾಮರ್ಥ್ಯವನ್ನು ಹೊಂದಿವೆ. ಕೆಲವು ಜಾತಿಯ ಸಾಲಮಾಂಡರ್ ಗಳು ಸಂಪೂರ್ಣವಾಗಿ ವಿಭಿನ್ನವಾಗಿದ್ದು,

ಇದನ್ನೂ ಓದಿ : https://vijayatimes.com/journalist-arrested-by-police/

ಪರಭಕ್ಷಕಗಳನ್ನು ವಿಚಲಿತಗೊಳಿಸಲು ಕೆಲವು ಸಲಾಮಾಂಡರ್‌ಗಳು ತಮ್ಮ ಬಾಲಗಳನ್ನು ಕತ್ತರಿಸಿಕೊಳ್ಳುತ್ತವೆ. ಆದರೆ, ಆ ಬಾಲ ಕೆಲವು ವಾರಗಳಲ್ಲಿ ಪುನಃ ಬೆಳೆಯುತ್ತದೆ.

ಆಕ್ಸೊಲೊಟ್ಲ್ ಎನ್ನುವುದು ಸಾಲಮಾಂಡರ್ನ ಸಮುದ್ರ ಜಾತಿಯಾಗಿದೆ. ಅವರ ಸಂತಾನೋತ್ಪತ್ತಿ ಸಾಮರ್ಥ್ಯವು ಬಹಳ ಉತ್ತಮವಾಗಿದೆ.

ಈ ಸಣ್ಣ ಸಲಾಮಾಂಡರ್‌ಗಳ ಕೈಕಾಲು, ಚರ್ಮ ಮತ್ತು ಇತರ ದೇಹದ ಭಾಗಗಳು ಮತ್ತೆ ಬೆಳೆಯುತ್ತವೆ. ಜೊತೆಗೆ, ಈ ವಿಶಿಷ್ಟ ಉಭಯಚರಗಳು ಭೂಮಿಯಲ್ಲಿ ಬಹಳ ಕಡಿಮೆ ಮತ್ತು ನೀರಿನಲ್ಲಿ ಹೆಚ್ಚಾಗಿ ವಾಸಿಸುತ್ತವೆ.

ನೀರಿನಲ್ಲಿ ಉಸಿರಾಟಕ್ಕಾಗಿ ಕಿವಿರುಗಳನ್ನು ಬಳಸುತ್ತದೆ, ಸಾಗರಗಳಿಗೆ ಹೋಲಿಸಿದರೆ ಸರೋವರಗಳಲ್ಲಿಯೇ ಇವು ಹೆಚ್ಚು ಸಾಮಾನ್ಯವಾಗಿ ಕಂಡುಬರುತ್ತದೆ.

ಇದನ್ನೂ ಓದಿ : https://vijayatimes.com/priyank-slams-bjp-govt/

ಶಾರ್ಕ್ : ಶಾರ್ಕ್(Shark) ಎನ್ನುವುದು ಅಪಾಯಕಾರಿ ಜಾತಿಯಾಗಿದ್ದರೂ, ಬಹಳ ವಿಶಿಷ್ಟ ಗುಣವನ್ನು ಹೊಂದಿದೆ. ಇವು ತಮ್ಮ ಹಲ್ಲಿನ ಪುನರುತ್ಪಾದನೆಗೆ ಹೆಚ್ಚು ಪ್ರಸಿದ್ಧರಾಗಿದ್ದು, ಅನೇಕ ಅಂಗಗಳನ್ನು ಪುನರುತ್ಪಾದಿಸುತ್ತದೆ.

ಈ ಶಾರ್ಕ್‌ಗಳು ಜೀವನದುದ್ದಕ್ಕೂ ತಮ್ಮ ಹಲ್ಲುಗಳನ್ನು ಪುನರುತ್ಪಾದಿಸಬಲ್ಲವು.

ಹೊಸ ಹಲ್ಲುಗಳು ಕಾಣಿಸಿಕೊಳ್ಳಲು ಕೆಲವು ದಿನಗಳಿಂದ ಹಿಡಿದು ಕೆಲವು ತಿಂಗಳುಗಳನ್ನೇ ತೆಗೆದುಕೊಳ್ಳುತ್ತದೆ.

ವಿಜ್ಞಾನಿಗಳು(Scientists) ಈ ಸಂಪೂರ್ಣ ಪ್ರಕ್ರಿಯೆಯನ್ನು ಆಳವಾಗಿ ಸಂಶೋಧನೆ ಮಾಡಿದರೆ, ಇದು ದಂತ ವೈದ್ಯಶಾಸ್ತ್ರದ ಕ್ಷೇತ್ರದಲ್ಲಿ ಕ್ರಾಂತಿಯನ್ನೇ ಉಂಟುಮಾಡುವ ಸಾಧ್ಯತೆಯಿದೆ.

https://fb.watch/gY6CU0QX7E/ ಕಣ್ಮನ ಸೆಳೆದ ಫಿಫಾ ವಿಶ್ವಕಪ್ 2022

ಗೋಸುಂಬೆ : ಗೋಸುಂಬೆಗಳು(Chameleon) ಬಣ್ಣ ಬದಲಾಯಿಸುವ ವಿಷಯದಲ್ಲಿ ಪ್ರಸಿದ್ಧಿ ಪಡೆದಿವೆ. ಆದರೆ ತಿಳಿದಿಲ್ಲದ ವಿಷಯವೆಂದರೆ, ಊಸರವಳ್ಳಿಗಳ ಕೈಕಾಲುಗಳನ್ನು ಬೆಳೆಯುವ ಸಾಮರ್ಥ್ಯವನ್ನು ಹೊಂದಿವೆ.

ಜೊತೆಗೆ, ಚರ್ಮ ಮತ್ತು ಗಾಯಗೊಂಡ ನರಗಳನ್ನು ಗುಣಪಡಿಸುವ ಸಾಮರ್ಥ್ಯವನ್ನೂ ಹೊಂದಿವೆ.

ಸ್ಟಾರ್ ಫಿಶ್ : ಸ್ಟಾರ್ ಫಿಶ್(Star Fish) ಬಣ್ಣ ಮತ್ತು ಆಕಾರದ ಸಂಯೋಜನೆಯಲ್ಲಿ ಬಹಳ ಆಕರ್ಷಕವಾಗಿ ಕಾಣಿಸುತ್ತವೆ. ಆದರೆ ಸ್ಟಾರ್ ಫಿಶ್ ಗಳು ತಮ್ಮ ಹೊಸ ಅಂಗಗಳನ್ನು ಬೆಳೆಸುವ ಸಾಮರ್ಥ್ಯ ಮಾತ್ರವಲ್ಲ, ಬೇರ್ಪಟ್ಟ ಅಂಗದಿಂದ ಸಂಪೂರ್ಣ ದೇಹವನ್ನೇ ಅಭಿವೃದ್ಧಿಪಡಿಸುವ ಸಾಮರ್ಥ್ಯವನ್ನು ಹೊಂದಿವೆ.

ಹೌದು, ಹೆಚ್ಚಿನ ನಕ್ಷತ್ರ ಮೀನುಗಳು ಬೇರ್ಪಟ್ಟ ಅಂಗಗಳಿಂದಲೇ ಹುಟ್ಟಿಕೊಂಡಿರುತ್ತವೆ.