ನಿಸರ್ಗದಲ್ಲಿ(Nature) ಸಿಗುವ ತ್ಯಾಜ್ಯ ವಸ್ತುಗಳನ್ನು ಬಳಸಿಕೊಂಡು ಗೂಡು ನಿರ್ಮಿಸಿಕೊಳ್ಳುವ ಕಲೆ ಪಕ್ಷಿಗಳಿಗೆ ಹುಟ್ಟಿನಿಂದಲೇ ಕರಗತವಾಗಿರುತ್ತದೆ.

ಗೂಡು ಕಟ್ಟಿ ಮೊಟ್ಟೆ ಇಟ್ಟು ಸಂತಾನ ಅಭಿವೃದ್ಧಿ ಮಾಡಿಕೊಳ್ಳುವ ಪಕ್ಷಿಗಳ(Anthoscopus bird nest is unique) ಜೀವನವೇ ಅದ್ಭುತ. ಸಂತಾನ ಅಭಿವೃದ್ಧಿಗೆ ಸಿದ್ಧವಾಗುವ ಕಾಲ ಎಲ್ಲ ಪಕ್ಷಿಗಳ ಬದುಕಿನ ಮಹತ್ವದ ಘಟ್ಟ.

ಅವು ಹೆಚ್ಚು ಕ್ರಿಯಾಶೀಲವಾಗುವುದು ಈ ಸಮಯದಲ್ಲೇ. ಗಂಡು, ಹೆಣ್ಣು ಪಕ್ಷಿಗಳು ತಮ್ಮ ವಂಶ ಬೆಳೆಸುವ ಕ್ಷಣಗಳನ್ನು ಪರಸ್ಪರ ಹಂಚಿಕೊಳ್ಳುತ್ತವೆ. ಆ ಸಮಯದಲ್ಲಿ ಅವುಗಳಲ್ಲಿ ಜೀವನೋತ್ಸಾಹ ಉಕ್ಕಿ ಹರಿಯುತ್ತದೆ.

https://vijayatimes.com/rahul-gandhi-stand-towards-nupur-sharma/

ಮೊಟ್ಟೆಗಳಿಂದ ಮರಿಗಳು ಹೊರಬಂದ ಮೇಲೆ ಅವುಗಳನ್ನು ಶತ್ರುಗಳಿಂದ ರಕ್ಷಿಸಲು ಸುತ್ತಮುತ್ತ ಸಹಜ ಪರಿಸರದಂತೆ ಕಾಣುವ ವಾತಾವರಣ ನಿರ್ಮಾಣ ಮಾಡಿ ಮರಿಗಳನ್ನು ಜೋಪಾನ ಮಾಡುತ್ತವೆ. ಮಧುರ ಕಂಠ, ಪಿಕಳಾರ, ಬಾಲದಂಡೆ ಹಕ್ಕಿ ಇತ್ಯಾದಿಗಳು ಪೊದೆಗಳಲ್ಲಿ ಗಿಡಗಳ ಕವಲುಗಳ ಮಧ್ಯೆ ಬಟ್ಟಲಿನ ಆಕಾರದ ಗೂಡು ಕಟ್ಟುತ್ತವೆ. ನಾರು, ಎಲೆ, ಹುಲ್ಲು, ಹತ್ತಿಯಂತಹ ಮೃದುವಾದ ವಸ್ತುಗಳನ್ನು ಬಳಸಿಕೊಂಡು ಗೂಡುಗಳಲ್ಲಿ ಮೊಟ್ಟೆ ಇಟ್ಟು ಮರಿಗಳನ್ನು ಬೆಳೆಸುತ್ತವೆ.
ಬಾನಾಡಿ ಹಕ್ಕಿಗಳು ಮಣ್ಣಿನ ಗೂಡುಗಳನ್ನು ನೀರಿರುವ ಸ್ಥಳಗಳ ಬಳಿ ಹಾಗೂ ಸೇತುವೆಗಳ ಕೆಳಗೆ ನಿರ್ಮಿಸಿಕೊಳ್ಳುತ್ತವೆ. 

ಈ ಹಕ್ಕಿಗಳು ತಮ್ಮ ಜೊಲ್ಲನ್ನು ಮಣ್ಣಿನೊಂದಿಗೆ ಬೆರೆಸಿ ಕಲೆಸಿ ಸಣ್ಣ ಉಂಡೆಗಳನ್ನಾಗಿಸಿ ಅವುಗಳನ್ನು ಒತ್ತೊತ್ತಾಗಿರಿಸಿ ಗೂಡು ನಿರ್ಮಿಸಿಕೊಳ್ಳುತ್ತವೆ. ಗೂಡಿಗೆ ಕೆಳಭಾಗದಲ್ಲಿ ಒಳಕ್ಕೆ ಹೋಗಿ ಬರಲು ಬಾಗಿಲು ನಿರ್ಮಿಸಿಕೊಳ್ಳುತ್ತವೆ. ಗೀಜಗ, ಸೂರಕ್ಕಿಗಳು ಹುಲ್ಲು, ನಾರು, ಹತ್ತಿ ಹಾಗೂ ಎಲೆಗಳಿಂದ ನೇತಾಡುವ ಗೂಡು ನಿರ್ಮಿಸಿಕೊಳ್ಳುತ್ತವೆ. ಇದರಲ್ಲಿ ಗೀಜಗನ ಗೂಡು ಉತ್ತಮ ವಿನ್ಯಾಸ ಹೊಂದಿರುತ್ತದೆ, ಅವು ಹೂಜಿಯಾಕಾರದಲ್ಲಿರುತ್ತವೆ. ಈ ಗೂಡುಗಳ ಒಳಗೆ ಮೂರು ಅಂತಸ್ತುಗಳಿರುತ್ತವೆ, ಶತ್ರುಗಳಿಂದ ಮೊಟ್ಟೆ, ಮರಿಗಳನ್ನು ರಕ್ಷಿಸಲು ಈ ವ್ಯವಸ್ಥೆ.

ಹೌದು, ತಮ್ಮ ಮೊಟ್ಟೆಗಳನ್ನು ಹಾವುಗಳಿಂದ ರಕ್ಷಿಸಿಕೊಳ್ಳುವ ಸಲುವಾಗಿ ಗೂಡಿನಲ್ಲಿ ನಕಲಿ ರಂದ್ರಗಳನ್ನು ನಿರ್ಮಿಸುತ್ತದೆ! ಇದರಿಂದ ಹಾವು ಗೊಂದಲಕ್ಕೊಳಗಾಗಿ ಇವುಗಳ ಗೂಡಿನ ಸುದ್ದಿಗೆ ಹೋಗುವುದಿಲ್ಲ.

• ಪವಿತ್ರ ಸಚಿನ್