• ಕೃಷಿಯಿಂದ ಉದ್ಯಮವರೆಗೆ: AI ತರುತ್ತಿದೆ ಹಲವು ಬದಲಾವಣೆ
• AI ಯುಗದಲ್ಲಿ ಮಾನವನ ಬುದ್ಧಿವಂತಿಕೆ ಮರೆಯಾಗುತ್ತಿದೆ
• Ai ಬಳಕೆಯಲ್ಲಿ ಮಾನವೀಯ ಸೂಕ್ಷ್ಮತೆಯ ಕೊರತೆ

ಕೃತಕ ಬುದ್ಧಿಮತ್ತೆ (Artificial Intelligence – AI) ಎಂಬ ಪದ ಇಂದು ಹಲವಾರ ಬಾಯಲ್ಲಿ ಸಾಮಾನ್ಯವಾಗಿ ಕೇಳಿ ಬರುವ ಪದವಾಗಿದ್ದು ಹಿಂದೆ ವಿಜ್ಞಾನ ಕಲ್ಪನೆಗಳ ಚಿತ್ರಗಳಲ್ಲಿ(science fiction films)

ಮಾತ್ರ ಕಾಣುತ್ತಿದ್ದ AI, ಇಂದು ನಮ್ಮ ದಿನನಿತ್ಯದ ಬದುಕಿನಲ್ಲಿ ನಿಜವಾದ ಪಾತ್ರ ವಹಿಸುತ್ತಿದೆ. ತಂತ್ರಜ್ಞಾನವು(Technology) ಎಷ್ಟು ವೇಗವಾಗಿ ಬೆಳೆಯುತ್ತಿದೆ ಎಂಬುದಕ್ಕೆ AI ಸ್ಪಷ್ಟ ಉದಾಹರಣೆ.

ಆದರೆ ಪ್ರಶ್ನೆ ಏನೆಂದರೆ – AI ಉಪಯೋಗ ಯಾವ ಮಟ್ಟಿಗೆ ನಮ್ಮ ಬದುಕನ್ನು ಬದಲಾಯಿಸುತ್ತಿದೆ ಎಂದರೆ ನಿಜಕ್ಕೂ ಸಾಮಾನ್ಯರು ಕಲ್ಪನೆ ಕೂಡ ಮಾಡಿಕೊಂಡಿರಲಿಕ್ಕಿಲ್ಲ.

ನಾವು ಪ್ರತಿದಿನ ಬಳಸುವ Google Maps, YouTube, Netflix, Amazon ಮುಂತಾದ ಪ್ಲಾಟ್‌ಫಾರ್ಮ್‌ಗಳು ಎಲ್ಲವೂ AI ಆಧಾರಿತ. ನಮ್ಮ ಹವ್ಯಾಸ ಮತ್ತು ಅವಶ್ಯಕತೆಗಳನ್ನು ಕಲಿತು,

ಅದಕ್ಕೆ ತಕ್ಕ ಶಿಫಾರಸುಗಳನ್ನು ನೀಡುವುದು AI ಯ ಪ್ರಮುಖ ಸಾಮರ್ಥ್ಯ. ಉದಾಹರಣೆಗೆ, YouTube ನಲ್ಲಿ ನಾವು ಒಂದು ಹಾಡು ಕೇಳಿದರೆ,

ಅದಕ್ಕೆ ತಕ್ಕ ಇನ್ನೂ ಹತ್ತು ಹಾಡುಗಳನ್ನು ತಕ್ಷಣ ಶಿಫಾರಸು(recommendation) ಮಾಡುತ್ತದೆ. ಅದೇ ರೀತಿ Amazon ನಮ್ಮ ಖರೀದಿ ಅಭ್ಯಾಸಗಳನ್ನು ವಿಶ್ಲೇಷಿಸಿ, ಮುಂದಿನ ಬಾರಿ ಬೇಕಾಗುವ ವಸ್ತುಗಳನ್ನು ಸೂಚಿಸುತ್ತದೆ.

ಇನ್ನು ಧ್ವನಿ ಸಹಾಯಕರು (Siri, Alexa, Google Assistant) AI ಉಪಯೋಗದ ಇನ್ನೊಂದು ಸುಲಭವಾದ ರೂಪ. ಕೇವಲ ಒಂದು ಮಾತಿನಿಂದ ದೀಪ ಹಚ್ಚುವುದು, ಹಾಡು ಹಾಕುವುದು,

ಅಥವಾ ಹವಾಮಾನ ವರದಿ(Weather report) ತಿಳಿದುಕೊಳ್ಳುವುದು—ಎಲ್ಲವೂ ಈಗ ಕುಳಿತಲ್ಲಿಯೇ ಸಾಧ್ಯವಾಗಿದೆ. ಅಷ್ಟೇ ಅಲ್ಲದೆ AI ವೈದ್ಯಕೀಯ ಕ್ಷೇತ್ರದಲ್ಲಿ ದೊಡ್ಡ ಬದಲಾವಣೆಯನ್ನು ತರುತ್ತಿದೆ.

ವೈದ್ಯರಿಗೆ ಸಹಾಯಕವಾಗುವಂತೆ ಸ್ಕ್ಯಾನ್ ವರದಿ ವಿಶ್ಲೇಷಣೆ(Analysis), ರೋಗಗಳ ಪ್ರಾಥಮಿಕ ಗುರುತುಹಿಡಿತ, ಹಾಗೂ ಔಷಧ ಸಂಶೋಧನೆ(Drug research) ಎಲ್ಲವೂ ಕೃತಕ ಬುದ್ಧಿಮತೆಯ ಮೂಲಕ ಸಾಧ್ಯವಾಗಿದೆ.ಉದಾಹರಣೆಗೆ, ಡಯಾಬಿಟಿಸ್, ಹೃದಯ ಸಂಬಂಧಿ ಕಾಯಿಲೆಗಳ ಅಪಾಯವನ್ನು AI ಆಧಾರಿತ ಸಾಧನಗಳು ಮುಂಚಿತವಾಗಿ ಪತ್ತೆಹಚ್ಚುತ್ತವೆ.

ಇದರಿಂದ ತ್ವರಿತ ಚಿಕಿತ್ಸೆ(Quick treatment) ಸಾಧ್ಯ. ಶಸ್ತ್ರಚಿಕಿತ್ಸೆಗಳಲ್ಲಿ ರೋಬೋಟಿಕ್ ಸರ್ಜರಿ(Robotic surgery) ಮತ್ತೊಂದು ಅದ್ಭುತ. ಇದು ವೈದ್ಯಕೀಯ ಕಾರ್ಯವನ್ನು ಹೆಚ್ಚು ನಿಖರ ಮತ್ತು ಸುರಕ್ಷಿತವಾಗಿಸುತ್ತದೆ.

ಅಷ್ಟೇ ಅಲ್ಲದೆ AI ಶಿಕ್ಷಣ ಕ್ಷೇತ್ರದಲ್ಲೂ ಮಹತ್ತರ ಬದಲಾವಣೆ ತಂದಿದೆ. ಇಂದಿನ ಆನ್‌ಲೈನ್ ಲರ್ನಿಂಗ್(Online Learning) ಪ್ಲಾಟ್‌ಫಾರ್ಮ್‌ಗಳು ವಿದ್ಯಾರ್ಥಿಗಳ ಕಲಿಕೆಯ ಶೈಲಿಯನ್ನು ವಿಶ್ಲೇಷಿಸಿ,

ಪ್ರತಿಯೊಬ್ಬರಿಗೂ ವಿಭಿನ್ನ ರೀತಿಯಲ್ಲಿ ವಿಷಯವನ್ನು ನೀಡುತ್ತಿವೆ.ಸ್ಮಾರ್ಟ್ ಕ್ಲಾಸ್‌ಗಳು(Smart class) ಮೂಲಕ ವಿದ್ಯಾರ್ಥಿಗಳು ಪುಸ್ತಕಕ್ಕಿಂತ ಹೆಚ್ಚು ಆಕರ್ಷಕವಾಗಿ ಕಲಿಯುತ್ತಿದ್ದಾರೆ.

ಶಿಕ್ಷಕರಿಗೆ ಸಹ AI ಸಹಾಯವಾಗುತ್ತದೆ ಅಂಕಿ ಅಂಶ ವಿಶ್ಲೇಷಣೆ ಮೂಲಕ ವಿದ್ಯಾರ್ಥಿಯ ದುರ್ಬಲತೆ ತಿಳಿದು, ಸೂಕ್ತ ಮಾರ್ಗದರ್ಶನ ನೀಡಬಹುದು.ಭಾರತದಂತಹ ಕೃಷಿ ಪ್ರಧಾನ ದೇಶದಲ್ಲಿ

AI ಬಳಕೆ ರೈತರ ಪಾಲಿಗೆ ದೊಡ್ಡ ವರದಾನ. ಹವಾಮಾನ ಮುನ್ಸೂಚನೆ, ಮಣ್ಣಿನ ಗುಣಮಟ್ಟ ಪರಿಶೀಲನೆ, ಕೀಟ ನಿಯಂತ್ರಣ all AI ಆಧಾರಿತ ಸಾಧನಗಳಿಂದ ಸಾಧ್ಯ.

ಉದಾಹರಣೆಗೆ, ಡ್ರೋನ್‌ಗಳ ಮೂಲಕ ಹೊಲದ ಚಿತ್ರಗಳನ್ನು ತೆಗೆದು, ಬೆಳೆ ಬೆಳವಣಿಗೆಯನ್ನು ವಿಶ್ಲೇಷಿಸಲಾಗುತ್ತಿದೆ. ಇದರಿಂದ ರೈತರು ಬೆಳೆಗಾರಿಕೆಯ ತಂತ್ರವನ್ನು ಬದಲಾಯಿಸಿ ಹೆಚ್ಚು ಉತ್ಪಾದನೆ ಪಡೆಯಬಹುದು.

ಬೆಳೆಗಳ ಬೆಲೆ ನಿರ್ಣಯಕ್ಕೂ AI ಸಹಾಯಕವಾಗುತ್ತಿದೆ.ಇಂದು AI ನಮ್ಮ ಜೀವನದ ಅನೇಕ ಭಾಗಗಳಲ್ಲಿ ಬಳಸಲ್ಪಡುತ್ತಿದ್ದರೂ, ಅದು ಇನ್ನೂ ಮಾನವರು ತೀರ್ಮಾನ ಕೈಗೊಳ್ಳಲು ಬಳಸುವ ಸೂಕ್ಷ್ಮ ತಂತ್ರಗಳನ್ನು (heuristics) ಗುರುತಿಸಲು ಶಕ್ತವಾಗಿಲ್ಲ.

AI ಇನ್ನೂ “ರೂಮ್ ಓದಲು” (ಅಂದರೆ ಸುತ್ತಲಿನ ವಾತಾವರಣ ಮತ್ತು ಭಾವನೆಗಳನ್ನು ಅರ್ಥಮಾಡಿಕೊಳ್ಳಲು), ನಿರೀಕ್ಷಿಸದ ಪರಿಣಾಮಗಳನ್ನು ಮುಂಚಿತವಾಗಿ ಊಹಿಸಲು,

ಅಥವಾ ತಂಡದ ಮೌನ ನಿಯಮಗಳಿಗೆ ಹೊಂದಿಕೊಳ್ಳಲು ಸಾಧ್ಯವಿಲ್ಲ. ಅದು ಮಾಡಬಹುದಾದದ್ದು ಅಂದರೆ ಕೇವಲ “ಸಾಧ್ಯ ಫಲಿತಾಂಶಗಳನ್ನು” ಊಹಿಸುವುದು.

ಇದನ್ನು ಓದಿ : ಆನ್‌ಲೈನ್ ಬೆಟ್ಟಿಂಗ್‌, ಗ್ಯಾಂಬ್ಲಿಂಗ್‌ಗೆ ಮೂಗುದಾರ ಹಾಕಲು ಮುಂದಾದ ಸರ್ಕಾರ : ಹೊಸ ತಿದ್ದುಪಡಿ ಮಸೂದೆ ಮಂಡನೆಗೆ ತಯಾರಿ

ಆದರೆ ಬುದ್ಧಿವಂತಿಕೆ (wisdom) ಎಂಬುದು ಆ ಫಲಿತಾಂಶಗಳನ್ನು ಹೇಗೆ ರೂಪಿಸಬೇಕು, ಅವುಗಳನ್ನು ಯಾವ ರೀತಿಯಲ್ಲಿ ಮಾನವೀಯ ಹಾಗೂ ಸಾಮಾಜಿಕ ಸನ್ನಿವೇಶದಲ್ಲಿ ಅಳವಡಿಸಬೇಕು ಎಂಬುದನ್ನು ತೀರ್ಮಾನಿಸುತ್ತದೆ. ಸರಳವಾಗಿ ಹೇಳುವುದಾದರೆ, ಜ್ಞಾನವನ್ನು AI ತುಂಬಾ ವೇಗವಾಗಿ ಸಂಗ್ರಹಿಸಬಹುದು. ಆದರೆ ಬುದ್ಧಿವಂತಿಕೆಯಿಂದ ಅದನ್ನು ಬಳಸುವುದು ಮಾತ್ರ ಮಾನವನ ಕೈಯಲ್ಲಿದೆ.