• ಶಬರಿಮಲೆ ಚಿನ್ನ ಕಳವು ಪ್ರಕರಣದಲ್ಲಿ (Ayyappa temple gold theft ED raids ) ಇಡಿ ಬೃಹತ್ ದಾಳಿ
• ಬೆಂಗಳೂರು–ಬಳ್ಳಾರಿ–ತಿರುವನಂತಪುರದಲ್ಲಿ ಏಕಕಾಲಕ್ಕೆ ಶೋಧ, ಮನಿ ಲಾಂಡರಿಂಗ್ ಶಂಕೆ ಗಟ್ಟಿ
• ಚಿನ್ನ ಮಾರಾಟ–ಖರೀದಿ ಜಾಲ ಪತ್ತೆಗೆ ಅಧಿಕಾರಿಗಳ ತೀವ್ರ ಕಾರ್ಯಾಚರಣೆ

Bengaluru: ಶಬರಿಮಲೆ ಅಯ್ಯಪ್ಪ ಸ್ವಾಮಿ (Sabarimalai Ayyappaswamy) ದೇಗುಲದಲ್ಲಿ ನಡೆದ 4.5 ಕೆಜಿ ಚಿನ್ನ (Ayyappa temple gold theft ED raids) ಕಳವು ಪ್ರಕರಣವು ಮತ್ತೆ ರಾಷ್ಟ್ರಮಟ್ಟದಲ್ಲಿ ಗಮನ ಸೆಳೆದಿದ್ದು, ಜಾರಿ ನಿರ್ದೇಶನಾಲಯ ಮನಿ ಲಾಂಡರಿಂಗ್ ಆಯಾಮವನ್ನು ಪರಿಶೀಲಿಸಲು ಕರ್ನಾಟಕ ಮತ್ತು ಕೇರಳದ ಹಲವು ಕಡೆಗಳಲ್ಲಿ ಏಕಕಾಲಕ್ಕೆ ದಾಳಿ ನಡೆಸಿದೆ.

ಮಂಗಳವಾರ ಬೆಳ್ಳಂಬೆಳಗ್ಗೆ ಬೆಂಗಳೂರು, ಬಳ್ಳಾರಿ (Bellary) ಹಾಗೂ ಕೇರಳದ ತಿರುವನಂತಪುರದಲ್ಲಿ (Thiruvananthapuram) ನಡೆದ ಈ ಶೋಧ ಕಾರ್ಯಾಚರಣೆಗಳು ಪ್ರಕರಣದ ವಿಸ್ತೃತ ಜಾಲವನ್ನು ಬಹಿರಂಗಪಡಿಸುವ ದಿಕ್ಕಿನಲ್ಲಿ ಮಹತ್ವದ ಹೆಜ್ಜೆಯಾಗಿ ಪರಿಗಣಿಸಲಾಗುತ್ತಿದೆ.

ದೇಗುಲದ ಚಿನ್ನ ನಾಪತ್ತೆಯಾದದ್ದು ಕೇವಲ ಕಳ್ಳತನಕ್ಕೆ ಸೀಮಿತವಲ್ಲ, ಹಣದ ಅಕ್ರಮ ವರ್ಗಾವಣೆ, ಮಧ್ಯವರ್ತಿಗಳ ಪಾತ್ರ (Ayyappa temple gold theft ED raids) ಹಾಗೂ ಪ್ರಭಾವಿಗಳ ಕೈವಾಡದ ಶಂಕೆಯನ್ನೂ ಹುಟ್ಟುಹಾಕಿರುವುದರಿಂದ ತನಿಖೆಯ ತೀವ್ರತೆ ಹೆಚ್ಚಿದೆ.

ಬೆಂಗಳೂರು ನಗರದಲ್ಲಿನ ಶ್ರೀರಾಂಪುರ ಪ್ರದೇಶದಲ್ಲಿರುವ ಅಯ್ಯಪ್ಪ ದೇವಸ್ಥಾನ, ಪ್ರಕರಣದ ಪ್ರಮುಖ ಆರೋಪಿ ಎನ್ನಲಾಗಿರುವ ಉನ್ನಿಕೃಷ್ಣನ್ ಪೊಟ್ಟಿಗೆ ಸಂಬಂಧಿಸಿದ ಮನೆ, ಟ್ರಸ್ಟಿಗಳ ನಿವಾಸಗಳು ಸೇರಿದಂತೆ ಹಲವು ಸ್ಥಳಗಳಲ್ಲಿ ಇಡಿ ಅಧಿಕಾರಿಗಳು ದಾಖಲೆಗಳ ಶೋಧ ನಡೆಸಿದ್ದಾರೆ.

ಇದೇ ವೇಳೆ ಬಳ್ಳಾರಿಯಲ್ಲಿ ಪ್ರತಿಷ್ಠಿತ ರೊದ್ದಂ ಜ್ಯುವೆಲ್ಲರಿ (Jewellery) ಅಂಗಡಿ ಮತ್ತು ಅದರ ಮಾಲೀಕ ಗೋವರ್ಧನ್ ನಿವಾಸದ ಮೇಲೂ ದಾಳಿ ನಡೆದಿದೆ.

ಒಟ್ಟು ಒಂಬತ್ತು ಮಂದಿ ಅಧಿಕಾರಿಗಳ ತಂಡ ಲೆಕ್ಕಪತ್ರಗಳು, ವ್ಯವಹಾರ ದಾಖಲೆಗಳು ಹಾಗೂ ಹಣದ ಹರಿವಿನ ಕುರಿತು ಪರಿಶೀಲನೆ ನಡೆಸುತ್ತಿದೆ.

ಈ ಶೋಧಗಳಿಂದ ಹಣದ ಚಲಾವಣೆ ಮಾರ್ಗಗಳು, ಚಿನ್ನದ ಮಾರಾಟ–ಖರೀದಿ ವಿವರಗಳು ಮತ್ತು ಸಂಬಂಧಿತ ವ್ಯಕ್ತಿಗಳ ಸಂಪರ್ಕಗಳ ಕುರಿತು ಮಹತ್ವದ ಮಾಹಿತಿ ಸಿಗುವ ನಿರೀಕ್ಷೆ ಇದೆ.

ತನಿಖಾ ಮೂಲಗಳ ಪ್ರಕಾರ, ಚಿನ್ನ ಕಳವು ಪ್ರಕರಣದಲ್ಲಿ ಬಳ್ಳಾರಿಯ ಚಿನ್ನದ ವ್ಯಾಪಾರಿ ಗೋವರ್ಧನ್ ಪಾತ್ರ ಪ್ರಮುಖವಾಗಿದೆ ಎನ್ನಲಾಗುತ್ತಿದೆ.

ದೇವಸ್ಥಾನದಿಂದ ಕಳವುಗೊಂಡ ಚಿನ್ನವನ್ನು ಮುಖ್ಯ ಆರೋಪಿ ಉನ್ನಿಕೃಷ್ಣನ್ ಪೊಟ್ಟಿ ಗೋವರ್ಧನ್‌ಗೆ (Unnikrishnan Potti Govardhan) ಮಾರಾಟ ಮಾಡಿದ್ದಾನೆ ಎಂಬ ಆರೋಪವಿದೆ.

ಈ ಸಂಬಂಧ ಕೇರಳ ಎಸ್‌ಐಟಿ ಈಗಾಗಲೇ ಗೋವರ್ಧನ್ ಅನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದು, ಅಕ್ರಮವಾಗಿ ಸುಮಾರು 470 ಗ್ರಾಂ ಚಿನ್ನ ಖರೀದಿಸಿದ ಆರೋಪ ಎದುರಾಗಿದೆ.

ಇದೀಗ ಇಡಿ ಮನಿ ಲಾಂಡರಿಂಗ್ ತಡೆ ಕಾಯ್ದೆ (PMLA) ಅಡಿಯಲ್ಲಿ ತನಿಖೆ ಆರಂಭಿಸಿರುವುದರಿಂದ ಪ್ರಕರಣಕ್ಕೆ ಹೊಸ ಆಯಾಮ ಸೇರ್ಪಡೆಯಾಗಿದೆ.

ದೊಡ್ಡ ಪ್ರಮಾಣದ ಹಣ ಅಕ್ರಮವಾಗಿ ವರ್ಗಾವಣೆಗೊಂಡಿರುವ ಶಂಕೆ ತನಿಖಾಧಿಕಾರಿಗಳನ್ನು ಇನ್ನಷ್ಟು ಆಳವಾದ ತನಿಖೆಗೆ ಪ್ರೇರೇಪಿಸಿದೆ.

ಶಬರಿಮಲೆ ಚಿನ್ನ ಕಳವು ಪ್ರಕರಣದ ಹಿನ್ನಲೆಯಲ್ಲಿ 2019ರ ಘಟನೆ ಪ್ರಮುಖವಾಗಿದೆ. ದೇಗುಲದ ದ್ವಾರಪಾಲಕ ವಿಗ್ರಹಗಳಿಗೆ ಚಿನ್ನದ ಲೇಪನ ಮಾಡುವ ಸಂದರ್ಭದಲ್ಲೇ ಸುಮಾರು 4.5 ಕೆಜಿ ಚಿನ್ನ ನಾಪತ್ತೆಯಾಗಿತ್ತು. ಈ ವಿಷಯ ಬಹಿರಂಗವಾದ ಬಳಿಕ ಕೇರಳ ಹೈಕೋರ್ಟ್ ತನಿಖೆಗೆ ಆದೇಶಿಸಿತು.

ಇದರ ಬೆನ್ನಲ್ಲೇ ವಿಶೇಷ ತನಿಖಾ ತಂಡ (SIT) ರಚನೆಯಾಗಿ, ಶಬರಿಮಲೆಯ ಮಾಜಿ ಮುಖ್ಯ ಅರ್ಚಕ (ತಂತ್ರಿ) ಕಂದರಾರು ರಾಜೀವ್, ತಿರುವಾಂಕೂರು ದೇವಸ್ವಂ ಮಂಡಳಿಯ ಮಾಜಿ ಅಧ್ಯಕ್ಷರು ಸೇರಿದಂತೆ 12ಕ್ಕೂ ಹೆಚ್ಚು ಜನರನ್ನು ಬಂಧಿಸಲಾಗಿದೆ. ಪ್ರಕರಣದಲ್ಲಿ ದೇಗುಲ ಆಡಳಿತ ವ್ಯವಸ್ಥೆ, ಗುತ್ತಿಗೆ ಪ್ರಕ್ರಿಯೆ ಮತ್ತು ಮೇಲ್ವಿಚಾರಣೆಯಲ್ಲಿದ್ದವರ ಜವಾಬ್ದಾರಿಗಳ ಕುರಿತು ಗಂಭೀರ ಪ್ರಶ್ನೆಗಳು ಎದ್ದಿವೆ.

ಈಗ ಇಡಿ ದಾಳಿಗಳೊಂದಿಗೆ ಪ್ರಕರಣವು ಮತ್ತಷ್ಟು ವಿಸ್ತಾರಗೊಂಡಿದ್ದು, ಕರ್ನಾಟಕ–ಕೇರಳ ನಡುವಿನ ಸಂಪರ್ಕ ಕೊಂಡಿಗಳು ಸ್ಪಷ್ಟವಾಗುತ್ತಿವೆ.

ತನಿಖೆಯು ಕೇವಲ ಚಿನ್ನದ ಕಳವು ಯಾರು ಮಾಡಿದ್ದಾರೆ ಎಂಬುದರಲ್ಲೇ ನಿಲ್ಲದೆ, ಅಕ್ರಮ ಹಣದ ಚಲಾವಣೆ, ಲಾಭ ಪಡೆದವರ ಗುರುತು ಮತ್ತು ಪ್ರಭಾವಿಗಳ ಪಾತ್ರವನ್ನು ಪತ್ತೆಹಚ್ಚುವತ್ತ ಸಾಗುತ್ತಿದೆ.

ಮುಂದಿನ ದಿನಗಳಲ್ಲಿ ಇಡಿ ಶೋಧದಿಂದ ಹೊರಬರುವ ಮಾಹಿತಿಗಳು ಪ್ರಕರಣದ ದಿಕ್ಕನ್ನೇ ಬದಲಿಸಬಹುದು ಎಂಬ ನಿರೀಕ್ಷೆ ವ್ಯಕ್ತವಾಗಿದೆ.

ಶಬರಿಮಲೆಂತಹ ಪವಿತ್ರ ಕ್ಷೇತ್ರಕ್ಕೆ ಸಂಬಂಧಿಸಿದ ಪ್ರಕರಣವಾಗಿರುವುದರಿಂದ ಸಾರ್ವಜನಿಕರ ವಿಶ್ವಾಸ ಮತ್ತು ದೇಗುಲಗಳ ಪಾರದರ್ಶಕ ಆಡಳಿತದ ಪ್ರಶ್ನೆಯೂ ಈ ತನಿಖೆಯೊಂದಿಗೆ ಮತ್ತೆ ಚರ್ಚೆಗೆ ಬಂದಿದೆ.

ಇದನ್ನು ಓದಿ : https://vijayatimes.com/dk-shivakumar-shocking-statement/