- ಬೆಂಗಳೂರಿನಲ್ಲಿ 3 ದಿನ ಕಾವೇರಿ ನೀರಿನ ಪೂರೈಕೆ ಬಂದ್
- ತುರ್ತು ನಿರ್ವಹಣಾ ಕಾಮಗಾರಿ ಹಿನ್ನೆಲೆ ಬೆಂಗಳೂರು ಜಲಮಂಡಳಿ ನೀರು ಪೂರೈಕೆ ಯಂತ್ರಗಳು ಸ್ಥಗಿತ.
- ಟ್ಯಾಂಕರ್ಗಳಿಗೂ ಲಭ್ಯತೆ ಕಡಿಮೆ ಹಾಗಾಗಿ ಮುಂಚಿತವಾಗಿ ನೀರು ಸಂಗ್ರಹಿಸಿಕೊಳ್ಳಲು ಮನವಿ
Bengaluru: ಬೆಂಗಳೂರು ನಗರಕ್ಕೆ ಕುಡಿಯುವ ನೀರನ್ನು ಪೂರೈಸುತ್ತಿರುವ ಜಲಮಂಡಳಿ (BWSSB) ತುರ್ತು ನಿರ್ವಹಣಾ ಕಾಮಗಾರಿಗಳನ್ನು ಕೈಗೊಂಡಿರುವ ಹಿನ್ನೆಲೆಯಲ್ಲಿ,
ಮೂರು ದಿನಗಳ ಕಾಲ ಕಾವೇರಿ ನೀರು ಪೂರೈಕೆ ಸಂಪೂರ್ಣ ಸ್ಥಗಿತಗೊಳ್ಳಲಿದೆ. ಇಂದು ಅಂದರೆ ಸಪ್ಟೆಂಬರ್ 15,16 ಮತ್ತು 17ರಂದು ನಗರದ ಬಹುತೇಕ ಪ್ರದೇಶಗಳಲ್ಲಿ ನೀರು
ಬರುವುದಿಲ್ಲ ಎಂದು ಜಲಮಂಡಳಿ ಅಧಿಕೃತವಾಗಿ ಪ್ರಕಟಿಸಿದೆ.ಜಲಮಂಡಳಿಯ ಪ್ರಕಟಣೆಯ ಪ್ರಕಾರ, ಕಾವೇರಿ 5ನೇ ಹಂತದ ನೀರು ಪೂರೈಕೆ
ಸೆಪ್ಟೆಂಬರ್ 15ರ ಬೆಳಿಗ್ಗೆ 1 ಗಂಟೆಯಿಂದ ಸೆಪ್ಟೆಂಬರ್ 17ರ ಮಧ್ಯಾಹ್ನ 1 ಗಂಟೆಯವರೆಗೆ ಅಂದರೆ ಒಟ್ಟು 60 ಗಂಟೆಗಳ ಕಾಲ ನಿಲ್ಲಲಿದೆ.
ಇದೇ ರೀತಿ, ಕಾವೇರಿ ಹಂತ 1, 2, 3 ಹಾಗೂ 4 ರಲ್ಲಿ ಸೆಪ್ಟೆಂಬರ್ 16ರ ಬೆಳಿಗ್ಗೆ 6ರಿಂದ ಸೆಪ್ಟೆಂಬರ್ 17ರ ಬೆಳಿಗ್ಗೆ 6ರವರೆಗೆ ಅಂದರೆ 24 ಗಂಟೆಗಳ ಕಾಲ ನೀರು ಪೂರೈಕೆ
ಸ್ಥಗಿತವಾಗಲಿದೆ.ಅದರ ಪರಿಣಾಮವಾಗಿ, ನಗರಾದ್ಯಂತ ಕಾವೇರಿ ನೀರು ಅವಲಂಬಿಸಿರುವ ಎಲ್ಲಾ ಪ್ರದೇಶಗಳಲ್ಲಿ ಸರಬರಾಜು ಸಂಪೂರ್ಣವಾಗಿ ವ್ಯತ್ಯಯವಾಗಲಿದೆ.
ಜಲಮಂಡಳಿ ಅಧ್ಯಕ್ಷ ವಿ. ರಾಮ್ ಪ್ರಸಾತ್ ಮನೋಹರ್ ನಾಗರಿಕರಿಗೆ ಮುನ್ನೆಚ್ಚರಿಕೆ ನೀಡುತ್ತಾ, ತುರ್ತು ಪರಿಸ್ಥಿತಿಯಲ್ಲಿ ಮಾತ್ರ ಸಂಚಾರಿ ಟ್ಯಾಂಕರ್ಗಳ
ಸೇವೆಯನ್ನು ಬಳಸಬಹುದಾದರೂ, ಅವುಗಳ ಲಭ್ಯತೆ ಕೂಡಾ ಸೀಮಿತವಾಗಿರಬಹುದೆಂದು ತಿಳಿಸಿದ್ದಾರೆ.
ಈ ಬಾರಿ ಕೈಗೊಳ್ಳಲಾಗುತ್ತಿರುವ ತುರ್ತು ನಿರ್ವಹಣಾ ಕಾಮಗಾರಿಗಳ ಮುಖ್ಯ ಉದ್ದೇಶ, ಕಾವೇರಿ ನೀರು ಸರಬರಾಜು ಯೋಜನೆಯ ಅಡಿಯಲ್ಲಿ ಸ್ಥಾಪಿಸಲಾದ ಜಲರೇಚಕ
ಯಂತ್ರಾಗಾರಗಳು ಹಾಗೂ ಪ್ರಮುಖ ಕೊಳವೆ ಮಾರ್ಗಗಳ ನಿರ್ವಹಣೆ.
ಹಳೆಯ ಯಂತ್ರೋಪಕರಣಗಳು ನಿರಂತರ ಕಾರ್ಯಾಚರಣೆಯಿಂದಾಗಿ ಹಾನಿಯಾಗದಂತೆ ತಡೆಗಟ್ಟುವುದು, ಜಲಸಂಚಾರ ವ್ಯವಸ್ಥೆಗಳಲ್ಲಿ ತಾಂತ್ರಿಕ ದೋಷ
ಉಂಟಾಗದಂತೆ ನೋಡಿಕೊಳ್ಳುವುದು ಮತ್ತು ನೀರು ಸರಬರಾಜಿನಲ್ಲಿ ಭವಿಷ್ಯದಲ್ಲಿ ಯಾವುದೇ ಅಡೆತಡೆ ಉಂಟಾಗದಂತೆ ಖಚಿತಪಡಿಸಿಕೊಳ್ಳುವುದು ಮುಖ್ಯ ಗುರಿ.
ಜಲಮಂಡಳಿಯ ಪ್ರಕಾರ, ನಿಯಮಿತ ತುರ್ತು ನಿರ್ವಹಣೆಗಳನ್ನು ನಡೆಸುವುದು ಅತ್ಯಗತ್ಯ. ಇಲ್ಲವಾದಲ್ಲಿ, ತಾಂತ್ರಿಕ ದೋಷಗಳು ಏಕಾಏಕಿ ಉಂಟಾಗಿ,
ಹೆಚ್ಚು ದಿನಗಳ ಕಾಲ ನೀರು ಸರಬರಾಜಿನಲ್ಲಿ ಗೊಂದಲ ಉಂಟಾಗುವ ಸಾಧ್ಯತೆ ಇದೆ. ಇದೀಗ ಮೂರು ದಿನಗಳ ಕಾಲ ನೀರು ಲಭ್ಯವಿಲ್ಲದ ಹಿನ್ನೆಲೆಯಲ್ಲಿ,
ನಗರದ ನಾಗರಿಕರಿಗೆ ಮುಂಚಿತವಾಗಿ ನೀರಿನ ಸಂಗ್ರಹಣೆ ಮಾಡಿಕೊಳ್ಳುವಂತೆ ಮನವಿ ಮಾಡಲಾಗಿದೆ.
ಸಾಮಾನ್ಯವಾಗಿ ನೀರು ಲಭ್ಯವಿರುವ ಪ್ರದೇಶಗಳಲ್ಲಿಯೂ ಈ ಅವಧಿಯಲ್ಲಿ ಟ್ಯಾಂಕರ್ ಸೇವೆಯು ನಿರ್ಬಂಧಿತವಾಗಿರುವುದರಿಂದ,
ಮುಂಜಾಗ್ರತೆಯಾಗಿ ಪರ್ಯಾಯ ವ್ಯವಸ್ಥೆ ಮಾಡಿಕೊಂಡಿರುವುದು ಅತ್ಯಗತ್ಯ.ಕಾವೇರಿ ಹಂತಗಳ ಮೂಲಕ ನೀರು ಪಡೆಯುತ್ತಿರುವ ಬಹುತೇಕ ಬೆಂಗಳೂರು ದಕ್ಷಿಣ,
ಪೂರ್ವ ಮತ್ತು ಪಶ್ಚಿಮ ಭಾಗಗಳು ಈ ಬಂದ್ನಿಂದ ನೇರವಾಗಿ ಪ್ರಭಾವಿತಗೊಳ್ಳಲಿವೆ. ನಗರ ಮಧ್ಯಭಾಗದಲ್ಲಿರುವ ಅನೇಕ ವಸತಿ ಪ್ರದೇಶಗಳು,
ಕೈಗಾರಿಕಾ ವಲಯಗಳು ಹಾಗೂ ವಾಣಿಜ್ಯ ಸಂಕೀರ್ಣಗಳು ಕೂಡ ನೀರು ವ್ಯತ್ಯಯದಿಂದ ತೊಂದರೆ ಅನುಭವಿಸಬೇಕಾಗುತ್ತದೆ.
ಕೆಲವು ಪ್ರದೇಶಗಳಲ್ಲಿ ನೆಲದಡಿಯ ಬಾವಿ ಅಥವಾ ಬೋರ್ವೆಲ್ ನೀರಿನ ಮೇಲೆ ಅವಲಂಬನೆ ಸಾಧ್ಯವಿದ್ದರೂ, ಸಂಪೂರ್ಣ ನಗರಕ್ಕೆ ಅದು ಸಮರ್ಪಕ
ಪರಿಹಾರವಾಗುವುದಿಲ್ಲ.ತುರ್ತು ಅವಶ್ಯಕತೆಯಲ್ಲಿರುವ ಸಾರ್ವಜನಿಕರಿಗೆ ಸಂಚಾರಿ ಕಾವೇರಿ ಟ್ಯಾಂಕರ್ಗಳ ಸೇವೆ ಲಭ್ಯವಿರುತ್ತದೆ.
ಇದನ್ನು ಓದಿ : ಬೆಂಗಳೂರಿನ ಆಡಳಿತದಲ್ಲಿ ದೊಡ್ಡ ಬದಲಾವಣೆ: ಬಿಬಿಎಂಪಿ ಇತಿಹಾಸ ಅಂತ್ಯ, ಇನ್ಮುಂದೆ ಗ್ರೇಟರ್ ಬೆಂಗಳೂರು ಅಥಾರಿಟಿ ಪ್ರಾರಂಭ
ಆದರೆ, ಅವುಗಳ ಸಂಖ್ಯೆಯು ನಿರ್ದಿಷ್ಟವಾಗಿರುವುದರಿಂದ ಪ್ರತಿಯೊಬ್ಬರಿಗೆ ತಲುಪುವುದು ಕಷ್ಟಸಾಧ್ಯ. ಆದ್ದರಿಂದಲೇ ಪ್ರತಿಯೊಂದು ಮನೆತನವೂ ತಮ್ಮ ಮಟ್ಟಿಗೆ ಮುನ್ನೆಚ್ಚರಿಕೆಯ ಕ್ರಮಗಳನ್ನು ಕೈಗೊಳ್ಳಬೇಕೆಂದು ಜಲಮಂಡಳಿ ಮನವಿ ಮಾಡಿದೆ.
