• ಹೇಳಿ ಹೋಗು ಕಾರಣ ನಕಲಿ (Bhavana Belagere against fake website) ಪ್ರತಿಗಳ ಮಾರಾಟ ಆರೋಪ
• ಆನ್‌ಲೈನ್ ವೆಬ್‌ಸೈಟ್‌ಗಳ ವಿರುದ್ಧ ಕೋರ್ಟ್ ಮೆಟ್ಟಿಲೇರಲು ನಿರ್ಧಾರ
• ಅಮೆಜಾನ್, ಫ್ಲಿಪ್‌ಕಾರ್ಟ್, ಮಿಶೋ ವಿರುದ್ಧ ಭಾವನಾ ಬೆಳಗೆರೆ ಕಾನೂನು ಹೋರಾಟ

ದಿವಂಗತ ಖ್ಯಾತ ಪತ್ರಕರ್ತ ಹಾಗೂ ಸಾಹಿತಿ ರವಿ ಬೆಳಗೆರೆ ಅವರ ಪ್ರಸಿದ್ಧ (Bhavana Belagere against fake website) ಕಾದಂಬರಿ ‘ಹೇಳಿ ಹೋಗು ಕಾರಣ’ ನಕಲಿ ರೂಪದಲ್ಲಿ ಆನ್‌ಲೈನ್‌ನಲ್ಲಿ (Online) ಮಾರಾಟವಾಗುತ್ತಿರುವ ವಿಚಾರ ಭಾರೀ ಚರ್ಚೆಗೆ ಕಾರಣವಾಗಿದೆ.

ಈ ವಿಚಾರವನ್ನು ಗಂಭೀರವಾಗಿ ತೆಗೆದುಕೊಂಡಿರುವ ರವಿ ಬೆಳಗೆರೆ ಅವರ ಮಗಳು ಭಾವನಾ ಬೆಳಗೆರೆ, ತಮ್ಮ ತಂದೆಯ ಸಾಹಿತ್ಯಕ್ಕೆ ಆಗುತ್ತಿರುವ ಅವಮಾನವನ್ನು ಯಾವುದೇ ಕಾರಣಕ್ಕೂ ಸಹಿಸೋದಿಲ್ಲ ಎಂದು ಸ್ಪಷ್ಟವಾಗಿ ಹೇಳಿದ್ದಾರೆ.

ಆನ್‌ಲೈನ್ ಪ್ಲಾಟ್‌ಫಾರ್ಮ್‌ಗಳ (Platform) ಮೂಲಕ ನಕಲಿ ಪ್ರತಿಗಳು ಮಾರಾಟವಾಗುತ್ತಿದ್ದು, ಓದುಗರಿಗೆ (Bhavana Belagere against fake website) ಮೋಸವಾಗುತ್ತಿದೆ ಎಂಬ ಆರೋಪದೊಂದಿಗೆ ನ್ಯಾಯಾಲಯದ ಮೆಟ್ಟಿಲೇರಲು ಭಾವನಾ ಬೆಳಗೆರೆ ನಿರ್ಧರಿಸಿದ್ದಾರೆ.

ತಂದೆ ಬದುಕಿಲ್ಲದ ನಂತರ ಅವರ ಹೆಸರನ್ನು ಹಾಳು ಮಾಡುವ ಪ್ರಯತ್ನ ನಡೆಯುತ್ತಿದೆ ಎಂಬ ಭಾವನಾತ್ಮಕ ನೋವನ್ನು ಅವರು ಸಾಮಾಜಿಕ ಜಾಲತಾಣದ ಮೂಲಕ ವ್ಯಕ್ತಪಡಿಸಿದ್ದಾರೆ.

ಭಾವನಾ ಬೆಳಗೆರೆ ಹೇಳುವಂತೆ, ‘ಹೇಳಿ ಹೋಗು ಕಾರಣ’ ಕಾದಂಬರಿಯ ಅಧಿಕೃತ ಮುದ್ರಣ ಭಾವನಾ ಪ್ರಕಾಶನದಿಂದ ಮಾತ್ರ ನಡೆಯುತ್ತದೆ.

ಆದರೆ ಅಮೆಜಾನ್, ಫ್ಲಿಪ್‌ಕಾರ್ಟ್ (Flipkart) ಹಾಗೂ ಮಿಶೋ ಮುಂತಾದ ದೊಡ್ಡ ಆನ್‌ಲೈನ್ ವೆಬ್‌ಸೈಟ್‌ಗಳಲ್ಲಿ ಭಾವನಾ ಪ್ರಕಾಶನದಿಂದ ಪ್ರಕಟವಾದ ಪುಸ್ತಕಗಳ ಬದಲು ಕಡಿಮೆ ಗುಣಮಟ್ಟದ, ನಕಲಿ ಹಾಗೂ ಸ್ಕ್ಯಾನ್ ಪ್ರತಿಗಳನ್ನು ಮಾರಾಟ ಮಾಡಲಾಗುತ್ತಿದೆ.

ಈ ಪ್ರತಿಗಳು ಅತೀ ಕಡಿಮೆ ಬೆಲೆಯಲ್ಲಿ ಲಭ್ಯವಾಗುತ್ತಿದ್ದು, ಓದುಗರಿಗೆ ಇದು ಮೂಲ ಪ್ರತಿಯೇ ಎಂಬ ಭ್ರಮೆ ಉಂಟಾಗುತ್ತಿದೆ. ಅತ್ಯಂತ ಕಳಪೆ ಕಾಗದ, ಮುದ್ರಣ ದೋಷಗಳು ಹಾಗೂ ಸ್ಪಷ್ಟತೆಯ ಕೊರತೆಯಿರುವ ಈ ನಕಲಿ ಪ್ರತಿಗಳು ಲೇಖಕರ ಗೌರವಕ್ಕೂ ಧಕ್ಕೆಯಾಗುತ್ತಿದೆ ಎಂದು ಭಾವನಾ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಈ ಕುರಿತು ಭಾವನಾ ಬೆಳಗೆರೆ ತಮ್ಮ ಫೇಸ್‌ಬುಕ್ ಖಾತೆಯಲ್ಲಿ ಮೂಲ ಪುಸ್ತಕ ಮತ್ತು ನಕಲಿ ಪುಸ್ತಕಗಳ ನಡುವಿನ ವ್ಯತ್ಯಾಸವನ್ನು ಸ್ಪಷ್ಟವಾಗಿ ತೋರಿಸುವ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. “ಇದನ್ನು ನೋಡಿದರೆ ನನ್ನ ರಕ್ತ ಕುದಿಯುತ್ತದೆ. ಇದು ಸ್ಪಷ್ಟವಾದ ಕೃತಿ ಚೌರ್ಯ.

ತಂದೆಯ ಹೆಸರಿನಲ್ಲಿ ಇಂಥ ಅಪರಾಧ ನಡೆಯುತ್ತಿರುವಾಗ ನಾನು ಮೌನವಾಗಿರಲು ಸಾಧ್ಯವಿಲ್ಲ” ಎಂದು ಅವರು ಹೇಳಿದ್ದಾರೆ. ಅಮೆಜಾನ್ ಸ್ಕ್ಯಾನ್ (Amazon Scan) ಕಾಪಿಗಳನ್ನು ಮಾರಾಟ ಮಾಡುತ್ತಿದೆ ಎಂಬ ಆರೋಪದೊಂದಿಗೆ, ಪ್ರತಿ ವೆಬ್‌ಸೈಟ್‌ ವಿರುದ್ಧವೂ ಒಂದು ಕೋಟಿ ರೂಪಾಯಿ ಕೃತಿ ಚೌರ್ಯ ಮೊಕದ್ದಮೆ ದಾಖಲಿಸುವುದಾಗಿ ಭಾವನಾ ಬೆಳಗೆರೆ ಎಚ್ಚರಿಕೆ ನೀಡಿದ್ದಾರೆ.

ನನಗೆ ಉತ್ತರ ಬೇಕು, ನನಗೆ ನ್ಯಾಯ ಬೇಕು. ಅಮಾಯಕ ಓದುಗರಿಗೆ ಮೋಸ ಆಗುತ್ತಿದೆ. ಇದರ ಹೊರೆ ನಮ್ಮ ಮೇಲೇ ಬೀಳುತ್ತಿದೆ ಎಂದು ಅವರು ತಮ್ಮ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಭಾವನಾ ಬೆಳಗೆರೆ ಅವರ ಈ ಹೇಳಿಕೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಅನೇಕ ಓದುಗರು ಹಾಗೂ ಅಭಿಮಾನಿಗಳು ಆನ್‌ಲೈನ್ ವೆಬ್‌ಸೈಟ್‌ಗಳ ಕ್ರಮವನ್ನು ತೀವ್ರವಾಗಿ ಖಂಡಿಸಿ, ಭಾವನಾ ಬೆಳಗೆರೆ ತೆಗೆದುಕೊಂಡಿರುವ ಕಾನೂನು ಕ್ರಮಕ್ಕೆ ಬೆಂಬಲ ವ್ಯಕ್ತಪಡಿಸಿದ್ದಾರೆ.

ಆದರೆ ಕೆಲವರು ಆನ್‌ಲೈನ್‌ನಲ್ಲಿ ಪುಸ್ತಕ ಕಡಿಮೆ ಬೆಲೆಗೆ ಸಿಗುತ್ತದೆ, ಕಥೆಯೇ ಮುಖ್ಯ, ಗುಣಮಟ್ಟ ಅಷ್ಟೊಂದು ಮುಖ್ಯವಲ್ಲ ಎಂಬ ಅಭಿಪ್ರಾಯವನ್ನೂ ವ್ಯಕ್ತಪಡಿಸಿದ್ದಾರೆ.

ಇದಕ್ಕೆ ಪ್ರತಿಕ್ರಿಯಿಸಿದ ಭಾವನಾ ಬೆಳಗೆರೆ, ತಂದೆಯ ಹೆಸರಿನಲ್ಲಿ ಕಳಪೆ ಪ್ರಿಂಟ್ ಮಾರಾಟವಾದರೆ, ಜನರು ನಮಗೆ ತಪ್ಪು ಹೇಳುತ್ತಾರೆ. ಅವರ ಸಾಹಿತ್ಯಕ್ಕೆ ಗೌರವ ಉಳಿಸಿಕೊಳ್ಳುವುದು ನನ್ನ ಹೊಣೆ ಎಂದು ಸ್ಪಷ್ಟಪಡಿಸಿದ್ದಾರೆ.

ಈ ವಿಚಾರ ಈಗ ಕಾನೂನು ಹಂತಕ್ಕೆ ಹೋಗುವ ಸಾಧ್ಯತೆ ಹೆಚ್ಚಿದ್ದು, ಮುಂದಿನ ದಿನಗಳಲ್ಲಿ ಆನ್‌ಲೈನ್ ಪುಸ್ತಕ ಮಾರಾಟದ ಮೇಲೆ ಮಹತ್ವದ ಪರಿಣಾಮ ಬೀರುವ ಸಾಧ್ಯತೆ ಇದೆ.