ಗಂಡು ಒಂದು ಹೆಣ್ಣನ್ನು ತನ್ನ ಕಡೆ ಆಕರ್ಷಿಸಲು ಏನೆಲ್ಲಾ ಉಪಾಯಗಳನ್ನು ಮಾಡುತ್ತಾನೆ ಅಂತ ಹೆಚ್ಚಿನವರಿಗೆ ತಿಳಿದಿರುತ್ತದೆ, ಅಥವಾ ಅನುಭವವೂ ಇರಬಹುದು(Birds special qualities are amazing).
ಹಾಗೆ ನಮ್ಮ ಪಕ್ಷಿಗಳ ಲೋಕದಲ್ಲಿ ಸಹ ಗಂಡು ಪಕ್ಷಿ(Bird) ಹೆಣ್ಣನ್ನು ಆಕರ್ಷಿಸಲು ಮಾಡುವ ಕಸರತ್ತುಗಳು ಮಾನವನನ್ನೇ ನಾಚಿಸುತ್ತವೆ. ಹೌದು, ಪಕ್ಷಿಗಳು ಇಂತಹ ಉಪಾಯಗಳನ್ನು ಮಾಡುತ್ತವೆ ಎನ್ನುವುದನ್ನು ಊಹಿಸಲೂ ಅಸಾಧ್ಯ.
ಆದ್ರೆ ಇದು ನಿಜ! ಸಾವಿರಾರು ಕಣ್ಣುಗಳ ಸರದಾರ, ನಮ್ಮ ರಾಷ್ಟ್ರ ಪಕ್ಷಿ ನವಿಲಿನ ಬಗ್ಗೆ ನಿಮಗೆ ತಿಳಿದೇ ಇದೆ.
ಗಂಡು ನವಿಲು ಹೆಣ್ಣು ನವಿಲನ್ನು ಆಕರ್ಷಿಸಲು ಬಳಸುವ ಅಸ್ತ್ರವೇ ತನ್ನ ಆಕರ್ಷಕವಾದ ರೆಕ್ಕೆಗಳು, ಒಮ್ಮೆ ಗಂಡು ನವಿಲು ತನ್ನ ರೆಕ್ಕೆಗಳನ್ನು ಸಂಪೂರ್ಣ ಫ್ಯಾನ್ ಆಕಾರದಲ್ಲಿ ನಿಲ್ಲಿಸಿದಾಗ, ಹೆಣ್ಣು ನವಿಲಿಗೆ ಇಷ್ಟವಾದರೆ ಹೆಣ್ಣು ನವಿಲು ತನ್ನ ದೇಹವನ್ನು ಒಮ್ಮೆ ಜೋರಾಗಿ ಕುಣಿಸಿ ತನ್ನ ಸಮ್ಮತಿ ಸೂಚಿಸುತ್ತದಂತೆ(Birds special qualities are amazing).
ಇನ್ನು ಹಮ್ಮಿಂಗ್ ಬರ್ಡ್ ಪಕ್ಷಿಗಳದ್ದು ಕೂಡ ವಿಚಿತ್ರವಾದ ಕಸರತ್ತು, ಹಮ್ಮಿಂಗ್ ಬರ್ಡ್ ಹಕ್ಕಿಗಳಲ್ಲಿ ಸಹ ಹೆಣ್ಣು ಗಂಡನ್ನು ಜೀವನ ಸಂಗಾತಿಯಾಗಿ ಸ್ವೀಕರಿಸುವ ಕ್ರಮ ನಮ್ಮನ್ನು ಅಚ್ಚರಿಗೊಳಪಡಿಸುತ್ತದೆ. ಹಮ್ಮಿಂಗ್ ಬರ್ಡ್(Humming Bird) ಅಷ್ಟೊಂದು ಸಮಾಜಮುಖಿ ಪಕ್ಷಿಯಲ್ಲ.
ಅದು ಗುಂಪಾಗಿ ವಾಸಿಸುವ ಸಂಪ್ರದಾಯ ಇಟ್ಟುಕೊಂಡಿಲ್ಲ. ಹೆಣ್ಣು ಹಕ್ಕಿ, ಗಂಡು ಹಕ್ಕಿಯನ್ನು ಆರಿಸಿಕೊಳ್ಳುವ ಸಂದರ್ಭದಲ್ಲಿ ಸುಮಾರು ನೂರು ಗಂಡು ಹಕ್ಕಿಗಳು ಒಂದು ಕಡೆ ಸೇರಿಕೊಳ್ಳುತ್ತವೆ.
ಆಗ ಹೆಣ್ಣು ಹಕ್ಕಿ ಯಾವುದಾದರೂ ಗಂಡನ್ನು ಇಷ್ಟ ಪಟ್ಟರೆ, ಗಂಡು ಹಕ್ಕಿ ಆಕಾಶದಲ್ಲಿ ಹಾರಾಡುತ್ತ ಗಾಳಿಯಲ್ಲಿ ನರ್ತನ ಮಾಡಬೇಕು. ಆಗ ಗಂಡು ಹಕ್ಕಿಗೆ ಹೆಣ್ಣು ಒಲಿಯುತ್ತದೆ.
https://vijayatimes.com/wife-kills-her-husband-brutally/
ರಾಜಹಂಸ ಪಕ್ಷಿಗಳಲ್ಲಿ ಸಹ ಹೆಣ್ಣು ಗಂಡನ್ನು ಆಯ್ಕೆ ಮಾಡುತ್ತದೆ. ಇಲ್ಲಿ ವಿಚಿತ್ರವೆಂದರೆ ಹೆಣ್ಣು ಪಕ್ಷಿ, ಗಂಡು ಪಕ್ಷಿ ಜೊತೆಯಲ್ಲಿ ಕೆಲಸಮಯ ಕಳೆಯುತ್ತವೆ, ಸಂತಾನವಾದರೆ ಸರಿ,
ಇಲ್ಲದಿದ್ದರೆ ಹೆಣ್ಣು ರಾಜಹಂಸ ಮತ್ತೊಂದು ಗಂಡು ಹಕ್ಕಿಯನ್ನು ಹುಡುಕುತ್ತದೆ. ಇನ್ನು ಗೂಬೆಯ ವಿಷಯಕ್ಕೆ ಬಂದರೆ, ಗೂಬೆಗಳಿಗೆ ಹೆಚ್ಚಾಗಿ ಎಲ್ಲಾ ಸಮಯದಲ್ಲಿಯೂ ಭಯವೇ ಅವರಿಸಿರುತ್ತದೆ.
ಗಂಡು ಗೂಬೆ ಹೆಣ್ಣು ಗೂಬೆಯನ್ನು ಆಕರ್ಷಿಸಲು, ಆಹಾರವನ್ನು ಹೆಣ್ಣು ಗೂಬೆಯ ಸಮೀಪ ಇಡುತ್ತವೆ. ಹೆಣ್ಣು ಗೂಬೆಗೆ ಭಯ ಹೆಚ್ಚು, ಅದು ದೂರದಲ್ಲಿಯೇ ಇರುತ್ತದೆ.
ಹೆಣ್ಣು ಗೂಬೆ ತನ್ನ ಭಯವೆಲ್ಲಾ ನಿವಾರಣೆಯಾದ ಮೇಲೆ ನಿಧಾನವಾಗಿ ಆಹಾರವನ್ನು ತಗೆದುಕೊಳ್ಳುತ್ತದೆ. ಹೀಗೆ ಗಂಡು ಹೆಣ್ಣನ್ನು ಆಕರ್ಷಿಸುತ್ತದೆ.
ಮನುಷ್ಯರಲ್ಲಿ ಮಾತ್ರವಲ್ಲ, ಪಕ್ಷಿಗಳಲ್ಲೂ ಕಾಳು ಹಾಕೋದು ಅಂದರೆ ಎಷ್ಟು ಕಷ್ಟ ಅಂತ ಈಗ ಗೊತ್ತಾಯ್ತಾ? ಇನ್ನೊಂದು ಕುತೂಹಲಕಾರಿ ವಿಷಯದಲ್ಲಿ ಎಂದ್ರೆ, ಮಾನವ ಜನ್ಮದಲ್ಲಿ ಅತ್ಯಂತ ಸುಂದರ ಎಂದ್ರೆ ಹೆಣ್ಣು, ಆದರೆ ಪಶು ಪಕ್ಷಿಗಳಿಗೆ ಇದು ಅನ್ವಯವಾಗುವುದಿಲ್ಲ.
ಪ್ರಾಣಿ ಪಕ್ಷಿ ಪ್ರಪಂಚದಲ್ಲಿ ಗಂಡೇ ಸುಂದರ!
- ಪವಿತ್ರ
