ನೇಪಾಳದ ನೈಟ್‌ಕ್ಲಬ್‌ನಲ್ಲಿ(NightClub) ಕಾಂಗ್ರೆಸ್(Congress) ನಾಯಕ ರಾಹುಲ್ ಗಾಂಧಿ(Rahul Gandhi) ತಮ್ಮ ಸ್ನೇಹಿತನ ಮದುವೆ ಸಲುವಾಗಿ ಕಾಣಸಿಕೊಂಡ ವೀಡಿಯೊವನ್ನು ಮುಂದಿಟ್ಟು ಕಾಲೆಳೆದ ಬಿಜೆಪಿ(BJP) ಪಕ್ಷ, ಈಗ ಕಾಂಗ್ರೆಸ್ ಕಾರ್ಯಕರ್ತರ ಪಬ್ ವಿಡಿಯೋ ಕುರಿತು ವ್ಯಂಗ್ಯ ಮಾಡಿದೆ.

ಕೆಲವು ದಿನಗಳ ನಂತರ, ಕಾಂಗ್ರೆಸ್ ಮತ್ತೊಮ್ಮೆ ಬಿಜೆಪಿಯಿಂದ ಟೀಕೆಗೆ ಗುರಿಯಾಗಿದೆ. ಈ ಬಾರಿ ಕೇಸರಿ ಪಕ್ಷವು ನಾಗ್ಪುರದಲ್ಲಿ ಹಲವಾರು ಸಮಸ್ಯೆಗಳ ಬಗ್ಗೆ ಹೋರಾಟ ನಡೆಸುತ್ತಿರುವಾಗ, ಕಾಂಗ್ರೆಸ್ ಯುವ ಕಾರ್ಯಕರ್ತರು ಗಲಾಟೆ ಮಾಡುತ್ತಿದ್ದಾರೆ ಎಂದು ಹೇಳುವ ವೀಡಿಯೊವನ್ನು ಹಂಚಿಕೊಂಡಿದೆ. ಐಎನ್‌ಸಿ ಎಂದರೆ ‘ನಮಗೆ ಸಂಭ್ರಮಾಚರಣೆ ಮತ್ತು ಪಾರ್ಟಿ’ ಎಂಬ ಅರ್ಥ ಬಿಂಬವಾಗುತ್ತಿದೆ ಎಂದು ಬಿಜೆಪಿ ಹೇಳಿದೆ. ಈ ವಿಡಿಯೋವನ್ನು ಬಿಜೆಪಿ ರಾಷ್ಟ್ರೀಯ ವಕ್ತಾರ ಶೆಹಜಾದ್ ಪೂನವಾಲಾ ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.

ಮಹಾರಾಷ್ಟ್ರ ಪ್ರದೇಶ ಯುವ ಕಾಂಗ್ರೆಸ್‌ನ ಹೊಸ ಪದಾಧಿಕಾರಿಗಳ ತರಬೇತಿಯೋ? ಪಾರ್ಟಿಯೋ? ಏನು ಮಾಡುತ್ತಿದ್ದಾರೆ? ಪಬ್ ನಲ್ಲಿ ಹಾಕಿರುವ ಹಾಡಿನ ತಾಳಕ್ಕೆ ಕುಣಿಯುತ್ತಿರುವ ವೀಡಿಯೋ ನೋಡಿ, ಕಾಂಗ್ರೆಸ್ ಕಾರ್ಯಕರ್ತರು ಕೂಡ ಅವರ ನಾಯಕರಂತೆಯೇ, “ಯಥಾ ರಾಜ ತಥಾ ಪ್ರಜಾ” ಎಂದು ಹೇಳುವ ಮುಖೇನ ಕಾಂಗ್ರೆಸ್ ವಿರುದ್ಧ ವ್ಯಂಗ್ಯವಾಡಿದೆ. ಶೆಹಜಾದ್ ಪೂನವಾಲಾ ಕಾಂಗ್ರೆಸ್ ಕಾರ್ಯಕರ್ತರು ಪಬ್ ನಲ್ಲಿ ಕುಣಿಯುತ್ತಿರುವ ವೀಡಿಯೊವನ್ನು ಟ್ವಿಟ್ಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.