ಎಸ್ಆರ್ಕೆ(SRK) ಅಥವಾ ಬಾಲಿವುಡ್ ಬಾದ್ ಷಾ(Bollywood Badshah) ಎಂದೇ ಜನಪ್ರಿಯವಾಗಿ ಕರೆಯಲ್ಪಡುವ ಶಾರುಖ್ ಖಾನ್(Shahrukh Khan) ಬಾಲಿವುಡ್ ಚಿತ್ರರಂಗದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದಾರೆ.

ಶಾರುಖ್ ಖಾನ್ 2018 ರ ಹತ್ತು ಅತ್ಯಂತ ಶ್ರೀಮಂತ(Rich) ಬಾಲಿವುಡ್ ನಟರ ಈ ಪಟ್ಟಿಯಲ್ಲಿ ಮೊದಲ ಸ್ಥಾನವನ್ನು ಅಲಂಕರಿಸಿದ್ದಾರೆ. ನೂರಕ್ಕೂ ಅಧಿಕ ಬಾಲಿವುಡ್ ಚಲನಚಿತ್ರಗಳಲ್ಲಿ ಅಭಿನಯಿಸಿರುವ ಶಾರುಖ್ ಖಾನ್ ತಮ್ಮ ವೃತ್ತಿಜೀವನದಲ್ಲಿ ಹದಿನೈದು ಫಿಲ್ಮ್ ಫೇರ್ ಪ್ರಶಸ್ತಿಗಳೊಂದಿಗೆ(Filmfare Award) ಇನ್ನಿತರ ಹಲವಾರು ಪ್ರತಿಷ್ಟಿತ ಪ್ರಶಸ್ತಿಗಳನ್ನು ಬಾಚಿಕೊಂಡಿದ್ದಾರೆ. ಚಲನಚಿತ್ರರಂಗದ ಪ್ರತಿಷ್ಟಿತ ಹೆಸರುಗಳಲ್ಲಿ ಶಾರುಖ್ ಅವರ ಹೆಸರೂ ಒಂದಾಗಿದ್ದು, ಅವರ ಪ್ರಸಿದ್ಧಿಯು ಬಾಲಿವುಡ್ ಗಷ್ಟೇ ಸೀಮಿತವಾಗಿಲ್ಲ, ಅಂತರರಾಷ್ಟ್ರೀಯ ಮಟ್ಟದವರೆಗೂ ಚಾಚಿಕೊಂಡಿದೆ.

ಶಾರುಖ್ ಅವರು ಭಾರತ ಸರಕಾರದಿಂದ ಪದ್ಮಶ್ರೀ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದಾರೆ. ಅದೇ ರೀತಿ, ಭಾರತೀಯ ಶ್ರೀಮಂತ ಉದ್ಯಮಿಗಳ ಪಟ್ಟಿಯಲ್ಲಿ ಸ್ಥಾನ ಪಡೆಯುವ ಮೂಲಕ ಶಾರುಖ್ ಖಾನ್ ಅವರು ಹೊಸ ಸಾಧನೆ ಮಾಡಿದ್ದಾರೆ. ಬಾಲಿವುಡ್’ನ ಬೇರೆ ಯಾವುದೇ ನಟ ಈ ಪಟ್ಟಿಯಲ್ಲಿ ಸ್ಥಾನ ಪಡೆದಿಲ್ಲ. ರೆಡ್ ಚಿಲ್ಲೀಸ್ ಎಂಟರ್ಟೈನ್ಮೆಂಟ್ ಸಂಸ್ಥೆಯ ಸಹ ಮಾಲೀಕರಾಗಿರುವ ಶಾರುಖ್ ಖಾನ್ ಅವರು ಚಿತ್ರ ನಿರ್ಮಾಣದಲ್ಲಿ ಸಹ ತೊಡಗಿಕೊಂಡು ಯಶಸ್ಸಿನ ಹಾದಿಯಲ್ಲಿದ್ದಾರೆ.
1999 ರಿಂದ ಇಲ್ಲಿನವರೆಗೂ ಜಾಹೀರಾತು ಲೋಕದಲ್ಲಿ ಕಿಂಗ್ ಖಾನ್ ಸದ್ದು ಮಾಡುತ್ತಲೇ ಇದ್ದಾರೆ.

ನೋಕಿಯಾ, ಟಾಟಾ ಟೀ, ಲಕ್ಸ್, ಫ್ರೂಟಿ, ಇಮಾಮಿ ಸೌಂದರ್ಯ ವರ್ಧಕ ಕ್ರೀಮ್, ಪೆಪ್ಸೋಡೆಂಟ್, ಹ್ಯುಂಡೈ ಕಾರು, ನವರತ್ನ ಆಯಿಲ್, ಏರ್ಟೆಲ್, ಟ್ಯಾಗ್ ಹ್ಯೂವರ್ ವಾಚ್, ವಿಡಿಯೋಕಾನ್, ನೆರೋಲ್ಯಾಕ್ ಪೈಂಟ್ಸ್, ಲಿಂಕ್ ಪೆನ್ಸ್, ಕಾಂಪಾಕ್ ಡಿ ಡಿಕೋರ್, ಪೆಪ್ಸಿ, ಸ್ಪ್ರೈಟ್, ಡಿಶ್ ಟಿವಿ, ಸನ್ ಫೀಸ್ಟ್, ಬೆಲ್ ಮೊಂಟೆ, ಸೇರಿದಂತೆ ಹತ್ತು ಹಲವು ಪ್ರಮುಖ ಕಂಪನಿಗಳು ಶಾರುಖ್ ಅವರ ಜೇಬು ತುಂಬಿಸಿವೆ. ಕಿಂಗ್ ಖಾನ್ ಶಾರುಖ್ ಖಾನ್ ಜುಮೆರಾದಲ್ಲಿ ಅದ್ಭುತ ಮನೆಗಳನ್ನು ಕೂಡ ಹೊಂದಿದ್ದಾರೆ. ಬ್ರಾಡ್ ಪಿಟ್, ಏಂಜಲೀನಾ ಜೋಲಿ, ಬಿಲ್ ಕ್ಲಿಂಟನ್ ಇವರ ಮನೆಯ ನೆರೆಹೊರೆಯವರಾಗಿದ್ದಾರೆ.

• ಪವಿತ್ರ ಸಚಿನ್