Visit Channel

ಬಾಲಿವುಡ್‌ನಲ್ಲಿ ಕೊನೆಯಾಯ್ತಾ ಖಾನ್‌ಗಳ ದರ್ಬಾರ್‌?

khan era


ಕಿಂಗ್ ಆಫ್ ಬಾಲಿವುಡ್(King of Bollywood), ಕಿಂಗ್ ಖಾನ್ ಶಾರೂಖ್ ಖಾನ್(ShahRukh khan) ಬಾಲಿವುಡ್‌ ಬಾಯಿಜಾನ್‌(Bollywood Baijaan) ಸಲ್ಮಾನ್ ಖಾನ್‌(Salman Khan), ಬಾಲಿವುಡ್‌ನ ಮಿಸ್ಟರ್ ಫರ್ಫೆಕ್ಟ್‌(Mister Perfect) ಅಮೀರ್‌ ಖಾನ್(Amir Khan), ಬಾಲಿವುಡ್‌ ಸಾಮ್ರಾಜ್ಯವನ್ನ ಮೂರು ದಶಕಗಳ ಆಳಿದ ಖಾನ್‌(Khan) ಕಲಿಗಳು.

ತಮ್ಮ ಪ್ರತಿಭೆ, ಮ್ಯಾನರಿಸಂ ಮೂಲಕ ಚಿತ್ರರಸಿಕರ ಮನಗೆದ್ದು ಅನಭಿಷಿಕ್ತ ದೊರೆಗಳಾಗಿ ಸಿನೆಮಾ ಲೋಕವನ್ನ ಆಳಿದವರು. ಮಕ್ಕಳು, ಮುದುಕರೆನ್ನದೆ ಎಲ್ಲರ ಹೃದಯ ಕದ್ದವರು.

amir khan - Bollywood khan

ಇವರು ನಟಿಸಿರುವ ಕೆಲ ಚಿತ್ರಗಳು ಹತ್ತಾರು ವರ್ಷ ಥಿಯೇಟರ್‌ಗಳಲ್ಲಿ ಪ್ರದರ್ಶನ ಕಂಡು ದಾಖಲೆ ಬರೆದಿದ್ದಾವೆ. ದೇಶ ಮಾತ್ರವಲ್ಲ, ವಿದೇಶದಲ್ಲೂ ಲಕ್ಷಾಂತರ ಅಭಿಮಾನಿಗಳನ್ನು ಪಡೆದಿರುವ ಈ ಖಾನ್ ಪ್ರತಿಭೆಗಳು, ಇತ್ತೀಚಿನ ದಿನಗಳಲ್ಲಿ ಮಂಕಾದಂತೆ ಕಂಡು ಬರ್ತಿದ್ದಾರೆ. ಇವರ ಕಣ್ಮರೆಗೆ ಕಾರಣಗಳಾದ್ರೂ ಏನು? ಯಾಕೆ ಇವರ ಸಿನಿಮಾ ಹೆಚ್ಚು ಯಶಸ್ಸು ಕಾಣುತ್ತಿಲ್ಲ? ಇವರ ಸೋಲಿನ ಹಿಂದೆದಿಯಾ ಕಾಣದ ಕೈಗಳ ಕೈವಾಡ?

salman khan era


ಕೊನೆಯಾಯ್ತಾ ಖಾನ್ ಎರಾ ? ಬಾಲಿವುಡ್ ಅಂದಾಕ್ಷಣ ನಮ್ಮ ಕಣ್ಣಿಗೆ ಅಮೀತಾಬ್ ಬಚ್ಚನ್ ನಂತ್ರ ಬರೋದೇ ಶಾರೂಕ್‌ ಖಾನ್‌, ಸಲ್ಮಾನ್‌ ಖಾನ್‌, ಆಮೀರ್‌ ಖಾನ್‌ ಮುಖಗಳು. ಅಷ್ಟೊಂದು ಸಿನಿಪ್ರಿಯರನ್ನು ಆವರಿಸಿ ಬಿಟ್ಟಿದ್ದಾರೆ. ಈ ಖಾನತ್ರಯರು. 30 ವರ್ಷ ಪ್ರಪಂಚದ ಅತೀ ದೊಡ್ಡ ಸಿನೆಮಾ ಇಂಡಸ್ಟ್ರಿಯನ್ನು ಆಳಿದ ಖ್ಯಾತಿ ಇವರದ್ದು. ಆದ್ರೆ ಕಳೆದ ಐದು ವರ್ಷಗಳ ಬೆಳವಣಿಗೆಗಳನ್ನು ಗಮನಿಸಿದ್ರೆ, ಇವರ ಯಾವ ಚಿತ್ರವು ಕೂಡ ಯಶಸ್ವಿ ಪ್ರದರ್ಶನ ಕಂಡಿಲ್ಲ ಹಾಗೂ ನೂರು ಕೋಟಿ ಕ್ಲಬ್ ನಲ್ಲೂ ಕೂಡ ಜಾಗ ಪಡೆದುಕೊಂಡಿಲ್ಲ.

ಯಾಕೆ ಅನ್ನೋ ಪ್ರಶ್ನೆ ಸಹಜವಾಗಿಯೇ ಜನರನ್ನು ಕಾಡುತ್ತಿದೆ. ಇದಕ್ಕೆ ಕೆಲವು ಕಾರಣಗಳನ್ನು ಕೊಡಬಹುದು. ಆಮೀರ್‌, ಸಲ್ಮಾನ್‌ ಹಾಗೂ ಶಾರೂಕ್‌ ಖಾನ್‌ ಇವರು ಇತ್ತೀಚೆಗೆ ಹಣ ಗಳಿಕೆಗೆ ಹೆಚ್ಚಿನ ಒತ್ತು ಕೊಟ್ಟು, ಅಬ್ಬರಕ್ಕೆ ಹೆಚ್ಚಿನ ಒತ್ತು ಕೊಟ್ಟಿದ್ದೇ ಸೋಲಿಗೆ ಕಾರಣವಾಯ್ತಾ? ಅಥವಾ ಒಳ್ಳೆ ಸಿನೆಮಾಗಳನ್ನು ಆಯ್ಕೆ ಮಾಡಿಕೊಳ್ಳುವಲ್ಲಿ ಎಡವುತ್ತಿದ್ದಾರಾ? 
bollywood khan

ಇಲ್ಲಾ ಈ ಮೂರೂ ನಟರಿಗೆ ವಯಸ್ಸಿನ ಸಮಸ್ಯೆ ಕಾಡ್ತಿದೆಯಾ? ಮೂರೂ ನಟರು ಐವತ್ತೈದರ ಗಡಿ ದಾಟಿದ್ದಾರೆ. ಹಾಗಾಗಿ ಇವರು ಹೀರೋ ಪಾತ್ರಗಳನ್ನು ಮಾಡಿದಾಗ ಅದನ್ನು ಸ್ವೀಕರಿಸುವ ಮನಸ್ಥಿತಿಯಲ್ಲಿಲ್ವಾ? ಇವರು ವಯಸ್ಸಿಗೆ ತಕ್ಕಂತೆ ಪಾತ್ರವನ್ನು ಆರಿಸಿಕೊಳ್ಳುವಲ್ಲಿ ತಪ್ಪು ಮಾಡ್ತಿದ್ದಾರಾ? ಅಥವಾ ಹೊಸ ಪ್ರತಿಭೆಗಳು ಇವರಿಗೆ ಪ್ರಬಲ ಸ್ಪರ್ಧೆ ಒಡ್ಡುತ್ತಿವೆಯಾ? ಇವೆಲ್ಲಾ ಕಾರಣಗಳಿಂದ ಖಾನ್ಸ್ ಬಾಲಿವುಡ್ ನಿಂದ ಕಣ್ಮರೆ ಯಾಗುತ್ತಿದ್ದಾರಾ?

ಜನ ಚೇಂಜ್‌ ಬಯಸುತ್ತಿದ್ದಾರಾ? 90ರ ದಶಕವನ್ನು ಗಮನಿಸುವುದಾದರೆ ಖಾನ್ಸ್ ಗಳ ಅಬ್ಬರ ಬಹಳ ಜೋರಾಗಿತ್ತು. ಶಾರುಖ್ ಖಾನ್ರವರ ಡಿಡಿಎಲ್ ಜೆ , ಡರ್, ಬಾಜಿಗರ್, ಕುಚ್ ಕುಚ್‌ ಹೋತಾ ಹೈ ಹೀಗೆ ಒಂದರ ಮೇಲೊಂದು ಸಿನಿಮಾಗಳು ಸಿನಿ ರಸಿಕರನ್ನು ಹುಚ್ಚೆದ್ದು ಕುಣಿಸಿತ್ತು.

aamir khan era
ಇದಕ್ಕೆ ಕಮ್ಮಿ ಇಲ್ಲದ ಹಾಗೆ ಅಮೀರ್ ಖಾನ್ ಹಾಗೂ ಸಲ್ಮಾನ್ ಖಾನ್ರ ಸಿನಿಮಾಗಳಾದ ಹಮ್ ಆಪ್ ಕೆ ಹೆ ಕೌನ್, ಕಯಾಮತ್‌ ಸೇ ಕಯಾಮತ್‌ ತಕ್‌, ರಂಗದೇ ಬಸಂತಿ, ಫನಾ, ಲಗಾನ್, , ಹಮ್ ಸಾತ್ ಸಾತ್ ಹೇ ,ಕರಣ್ ಅರ್ಜುನ್ ಹೀಗೆ ಸಾಲು ಸಾಲು ಸಿನಿಮಾಗಳು ಕೂಡ ಅಂದು ಕೋಟಿ ಕೋಟಿ ಕಮಾಯಿ ಮಾಡಿ ಕೋಟಿಗಳ ಕ್ಲಬ್ ಸೇರಿಕೊಂಡಿದ್ದವು. ಆದರೆ ಇಂದು ಇವರ ಸಿನೆಮಾಗಳು ಆಟಕ್ಕುಂಟು ಲೆಕ್ಕಕ್ಕಿಲ್ಲದಂತಾಗಿವೆ.ಇದಕ್ಕೆ ಮುಖ್ಯ ಕಾರಣ ಜನ ಹೊಸತನ ಬಯಸುತ್ತಿದ್ದಾರೆ. 

ಹೊಸ ವಿಕಿ ಕೌಶಲ್, ರಾಜ್ ಕುಮಾರ್ ರಾವ್, ಆಯುಷ್ಮಾನ್ ಖುರಾನಾ ಇವರ ಸಿನಿಮಾ ನೂರು ಕೋಟಿ ಕ್ಲಬ್ ಸೇರಿ ಯಶಸ್ವಿ ಪ್ರದರ್ಶನ ಕಾಣುತ್ತಿವೆ. ಉದಾಹರಣೆಗೆ ಹೇಳುವುದಾದರೆ, ವಿಕಿ ಕೌಶಲ್ ರವರ ಉರಿ ದಿ ಸರ್ಜಿಕಲ್ ಸ್ಟ್ರೈಕ್ ಸಿನಿಮಾ ಯಶಸ್ವಿಯಾಗಿ ಪ್ರದರ್ಶನ ಕಂಡು 338 ಕೋಟಿ ಬಾಚಿಕೊಂಡಿತ್ತು. ಕಾರ್ತಿಕ್ ಆರ್ಯನ್ ಅವರ ಪತಿ ಪತ್ನಿ ಔರ್ ವೋ ಸಿನಿಮಾವು 14.51 ಕೋಟಿ ಗಳಿಸಿಕೊಂಡಿತ್ತು.ಹೀಗೆ ಹೊಸಬರು ಬಾಲಿವುಡ್ ಅಂಗಳವನ್ನು ಆಳುತ್ತಿದ್ದಾರೆ. ಜನರಿಗೆ ಹತ್ತಿರವಾಗಿ ಅವರ ಮೆಚ್ಚುಗೆಯನ್ನು ಪಡೆದುಕೊಂಡು ಖಾನ್ಸ್ ಗಳಿಗೆ ಗುಡ್ ಬೈ ಹೇಳುತ್ತಿದ್ದಾರೆ.

bollywood khan

ಮತ್ತೆ ಕಮಾಲ್ ಮಾಡ್ತಾರಾ ಖಾನ್‌ಗಳು? ಸಾಲು ಸಾಲು ಸೋಲಿನ ನಂತ್ರ ಮತ್ತೆ ಫಿನಿಕ್ಸ್‌ ನಂತೆ ಎದ್ದು ಬಂದು ಗೆಲುವಿನ ಗದ್ದುಗೆ ಏರ್ತಾರಾ? ಆಗಸ್ಟ್‌ನಲ್ಲಿ ಬಿಡುಗಡೆಯಾಗಿರುವ ಆಮೀರ್‌ ಖಾನ್ ಚಿತ್ರ ಲಾಲ್ ಸಿಂಗ್ ಚಡ್ಡಾ ಮತ್ತೆ ಕಮಾಲ್ ಮಾಡಲಿದೆಯಾ? ಸಲ್ಮಾನ್ ಖಾನ್ ಅವರ ‘ ಕಬಿ ಈದ್‌ ಕಬಿ ದಿವಾಲಿ’ ಹಾಗೂ ಟೈಗರ್‌ 3 ಬಾಕ್ಸ್ ಆಫೀಸ್‌ ಚಿಂದಿ ಮಾಡುತ್ತಾ. ಮುಂದಿನ ವರ್ಷ ತೆರೆ ಕಾಣಲಿರುವ ಶಾರೂಖ್‌ ಖಾನ್ ಅವರ ಪಠಾಣ್‌ ಮತ್ತೊಂದು ದಾಖಲೆ ಬರೆಯುತ್ತಾ ಕಾದು ನೋಡೋಣ.
  • ಪ್ರೀತು ಮಹೇಂದರ್

Latest News

Aadhar Card
ಡಿಜಿಟಲ್ ಜ್ಞಾನ

ಕೇಂದ್ರದಿಂದ ರಾಜ್ಯಗಳಿಗೆ ಮಹತ್ವದ ಸುತ್ತೋಲೆ ; ಸರ್ಕಾರಿ ಸವಲತ್ತುಗಳು ಹಾಗೂ ಸಬ್ಸಿಡಿಯನ್ನು ಪಡೆಯಲು ಆಧಾರ್ ಕಡ್ಡಾಯ!

UIDAI ಒಂದು ಮಹತ್ವದ ಸುತ್ತೋಲೆಯನ್ನು ಹೊರಡಿಸಿದ್ದು, ಇತ್ತೀಚಿನ ಸುತ್ತೋಲೆಯಂತೆ ಇನ್ನು ಮುಂದೆ ಸರ್ಕಾರಿ ಸಬ್ಸಿಡಿಗಳು(Subsidy) ಮತ್ತು ಪ್ರಯೋಜನಗಳನ್ನು ಪಡೆಯಲು ಆಧಾರ್ ಸಂಖ್ಯೆ ಕಡ್ಡಾಯವಾಗಿದೆ!

bsy
ರಾಜಕೀಯ

ಬಿಜೆಪಿಯ ಸಂಸದೀಯ ಮಂಡಳಿಗೆ ಯಡಿಯೂರಪ್ಪ ; ರಾಜಕೀಯವಾಗಿ ಮತ್ತಷ್ಟು ಬಲಗೊಂಡ ಬಿಎಸ್‌ವೈ

ಇನ್ನು ಸಂಸದೀಯ ಮಂಡಳಿಯಲ್ಲಿ ಉತ್ತರಪ್ರದೇಶ(UttarPradesh) ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌(Yogi Adityanath) ಅವರಿಗೆ ಸ್ಥಾನ ನೀಡಲಾಗುತ್ತದೆ ಎನ್ನಲಾಗಿತ್ತು. ಆದರೆ ಅವರಿಗೆ ಸ್ಥಾನ ಲಭಿಸಿಲ್ಲ.

bjp
ರಾಜಕೀಯ

ಡಿಕೆಶಿ ಸ್ವಾತಂತ್ರ್ಯದ ನಡಿಗೆಯ ಉದ್ದೇಶ, ಸಿದ್ದರಾಮಯ್ಯ ಕಿರುಕುಳದಿಂದ ಸ್ವಾತಂತ್ರ್ಯ ಪಡೆಯುವುದೋ? : ಬಿಜೆಪಿ

ಸಿದ್ದರಾಮಯ್ಯ(Siddaramaiah) ಕಿರುಕುಳದಿಂದ ಸ್ವಾತಂತ್ರ್ಯ ಪಡೆಯುವುದೋ ಅಥವಾ ಕಾಂಗ್ರೆಸ್(Congress) ಹಿರಿಯ ನಾಯಕರು ಡಿಕೆಶಿ(DKS) ಸುತ್ತ ಹೆಣೆದಿರುವ ಜಾಲದಿಂದ ಸ್ವಾತಂತ್ರ್ಯ ಪಡೆಯುವುದೋ?

Ghee
ಆರೋಗ್ಯ

ತುಪ್ಪದ ಬಗ್ಗೆ ತಪ್ಪು ಕಲ್ಪನೆ ಬೇಡ! ; ತಪ್ಪದೇ ತುಪ್ಪ ಸೇವಿಸಿ, ಈ ಆರು ಪ್ರಯೋಜನಗಳನ್ನು ಪಡೆದುಕೊಳ್ಳಿ

ತುಪ್ಪವು ರೋಗನಿರೋಧಕ ಶಕ್ತಿಯನ್ನು ವೃದ್ದಿಸುತ್ತದೆ, ಮೂಳೆಯ ಆರೋಗ್ಯವನ್ನು ಉತ್ತೇಜಿಸುತ್ತದೆ, ಜೀರ್ಣಾಂಗ ವ್ಯವಸ್ಥೆಯನ್ನು ಸುಧಾರಿಸುತ್ತದೆ.