ನಾವೆಲ್ಲರೂ ಸಂತೆ ಅಥವಾ ಮಾರ್ಕೆಟ್ ಗೆ ಹೋಗುತ್ತಲೇ ಇರುತ್ತೇವೆ. ಸಾಮಾನ್ಯವಾಗಿ ಒಂದು ಸಂತೆ ಅಥವಾ ಮಾರ್ಕೆಟ್ ಎಂದರೆ ಬಟ್ಟೆ, ಬರೆ, ಹಣ್ಣು, ತರಕಾರಿ, ಮಾಂಸ, ಮುಂತಾದ ವಸ್ತುಗಳನ್ನು ಮಾರಾಟ ಮಾಡುವಂತ ಸ್ಥಳ. ಆದರೆ ಇಲ್ಲೊಂದು ಸಂತೆಯಲ್ಲಿ ಯುವತಿಯರನ್ನು ಮಾರಾಟ ಮಾಡಲಾಗುತ್ತದೆ!
ಹೌದು, ಇಂತಹ ಒಂದು ಸಂತೆ ಯುರೋಪಿನ(Europe) ಬಲ್ಗೇರಿಯಾದಲ್ಲಿ(Bulgeria) ಇದೆ. ಇಲ್ಲಿ ಪ್ರತಿ ವಸಂತ ಕಾಲದಲ್ಲಿ ಕನ್ಯೆಯರನ್ನು ಮಾರಾಟ ಮಾಡುವ ವರ್ಜಿನ್ ಸಂತೆ ನಡೆಯುತ್ತದೆ. ಇದು ಅಲ್ಲಿನ ಸಂಪ್ರದಾಯವಂತೆ! ಹೌದು, ಯುರೋಪ್ ಅನ್ನುವುದು ತುಂಬಾ ಮುಂದುವರಿದ ರಾಷ್ಟ್ರ. ಅಲ್ಲೂ ಇಂತಹ ಸಂಪ್ರದಾಯ ಇದೆ ಅಂದರೆ ವಿಚಿತ್ರವೇ ಸರಿ. ಇದು ಅಲ್ಲಿನ ಕಲೆಂಜಿ ಜನಾಂಗದವರು ಪರಂಪರೆಯಿಂದ ನಡೆಸಿಕೊಂಡ ಬಂದಂತಹ ಒಂದು ಸಂಪ್ರದಾಯ. ಯುರೋಪಿನ ಸ್ಟಾರಾ ಜವಾರ ಸಿಟಿಯಲ್ಲಿ ಪ್ರತಿ ವಸಂತ ಕಾಲದ ಸಮಯದಲ್ಲಿ, ಅಲ್ಲಿನ ಸ್ಠಳಿಯ ಕಲೆಂಜಿ ಜನಾಂಗದವರಿಂದ ಭವ್ಯವಾದ ಪೆರಡಲ್ ಮಾರ್ಕೆಟ್ ನಡೆಯುತ್ತದೆ.
ಈ ಮಾರ್ಕೆಟ್ ನಲ್ಲಿ ಆಕರ್ಷಕ ಬಟ್ಟೆ ಹಾಕಿರುವ ಸುಂದರವಾದ 18 ರಿಂದ 23 ವರ್ಷದ ಒಳಗಿನ ಯುವತಿಯರನ್ನು ಬಿಡ್ ಮಾಡಿ ಖರೀದಿ ಮಾಡಲಾಗುತ್ತದೆ. ಇಲ್ಲಿ ಡಿಮಾಂಡ್ ಇರುವುದು 18 ರಿಂದ 23 ವರ್ಷದ ಒಳಗಿನ ಯುವತಿಯರಿಗೆ ಮಾತ್ರ. 23 ದಾಟಿದರೆ ಅವರಿಗೆ ವಯಸ್ಸಾಗಿದೆ ಎಂದರ್ಥ. ಇನ್ನು ಇಲ್ಲಿ ಅತೀ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಹೆಣ್ಣು ಗ್ರೇಟ್ ಅನ್ನಿಸಿಕೊಳ್ಳುತ್ತಾಳೆ. ಇಲ್ಲಿ ವಯಸ್ಸಿಗೆ ಬಂದ ಹೆಣ್ಣು ಮಕ್ಕಳನ್ನು ಅತ್ಯಂತ ಮುತುವರ್ಜಿಯಿಂದ ಸಾಕುತ್ತಾರೆ, ಅವರ ಕನ್ಯತ್ವ ಹಾಳಾಗದಂತೆ ನೋಡಿಕೊಳ್ಳುತ್ತಾರೆ. ಅಲ್ಲಿನ ಹೆಣ್ಣು ಮಕ್ಕಳಿಗೆ ಮುಕ್ತವಾಗಿ ಬದುಕುವ ಸ್ವಾತಂತ್ರ್ಯ ಇರುವುದಿಲ್ಲ.
ಸಂತೆ ನಡೆಯುವ ಒಂದು ದಿನ ಮುನ್ನ ಇವರಿಗೆ ಬೇಕಾದಂತಹ ಎಲ್ಲಾ ವಸ್ತುಗಳನ್ನು ಕೊಟ್ಟು ಮಾರಾಟಕ್ಕೆ ನಿಲ್ಲಿಸಲಾಗುತ್ತದೆ. ಇಲ್ಲಿ ನವ ಯುವಕರು ಬಂದು ತಮಗೆ ಇಷ್ಟವಾದ ಹೆಣ್ಣನ್ನು ದುಬಾರಿ ಮೌಲ್ಯ ಕೊಟ್ಟು ಖರೀದಿ ಮಾಡಿ ಮದುವೆ ಆಗುತ್ತಾರೆ. ಈ ಜನಾಂಗದ ಹೆಣ್ಣು ಮಕ್ಕಳ ಮದುವೆ ಈ ರೀತಿ ಸಂತೆಯಲ್ಲಿ ಮಾರಾಟ ಮಾಡುವ ಮೂಲಕ ಮಾಡಲಾಗುತ್ತದೆ. ಈ ಕಲೆಂಜಿ ಜನಾಂಗವು ಯುರೋಪಿಗೆ 12 ಹಾಗೂ 14ನೇ ಶತಮಾನದಲ್ಲಿ ವಲಸೆ ಬಂದವರು. ಪ್ರಸ್ತುತ ಈ ಜನಾಂಗವು ಅಲ್ಲಿ ಕೇವಲ 4 ರಿಂದ 5 ಶೇಖಡದಷ್ಟು ಮಾತ್ರ ಇದೆ.
ಜಗತ್ತು ಮುಂದುವರಿದಂತೆ ಹೆಣ್ಣು ಮಕ್ಕಳು ಕೂಡ ಈಗಿನ ಆಧುನಿಕತೆಗೆ ತಕ್ಕನಾಗಿ ಬದಲಾಗಿ, ತಮಗಿಷ್ಟವಾದ ಹುಡುಗನನ್ನು ಸಂತೆಗೆ ಬರಲು ಹೇಳಿ ಅವರಿಂದಲೇ ಬಿಡ್ ಮಾಡಿಸಿಕೊಂಡು ಮದುವೆ ಆಗುತ್ತಿದ್ದಾರೆ! ಆದರೆ ಎಲ್ಲಾ ರಂಗಗಳಲ್ಲೂ ಪುರುಷರಿಗೆ ಸಮಾನವಾಗಿ ಸಾಧನೆ ಮಾಡುತ್ತಿರುವ ಹೆಣ್ಣನ್ನು, ಒಂದು ಮಾರಾಟದ ವಸ್ತುವಿನ ರೀತಿ ಪರಿಗಣಿಸುತ್ತಿರುವುದು ನಿಜಕ್ಕೂ ವಿಪರ್ಯಾಸವೇ ಸರಿ!
- ಪವಿತ್ರ ಸಚಿನ್
