- ನೀರಿನ ದರ ಇಳಿಕೆ ಮಾಡಿದ BWSSB
- ಅಪಾರ್ಟ್ಮೆಂಟ್, ಪಿಜಿ ಮಾಲೀಕರಿಗೆ 60% ಶುಲ್ಕ ಕಡಿತ (BWSSB reduces water rates)
- ಅಪಾರ್ಟ್ಮೆಂಟ್ ಹಾಗೂ ಪಿಜಿ ನಿವಾಸಿಗಳ ಮನವಿಗೆ ಸ್ಪಂದಿಸಿದ BWSSB
Bengaluru: ಬೆಂಗಳೂರು ಜಲಮಂಡಳಿ (BWSSB) ಇದೀಗ ಅಪಾರ್ಟ್‌ಮೆಂಟ್‌ಗಳು ಹಾಗೂ ಪಿಜಿಗಳಲ್ಲಿ ವಾಸಿಸುವವರಿಗೆ ಸಂತಸದ ಸುದ್ದಿಯನ್ನು ನೀಡಿದೆ.
ಏಪ್ರಿಲ್ ತಿಂಗಳಲ್ಲಿ ಹೆಚ್ಚಿಸಿದ್ದ ನೀರಿನ ದರವನ್ನು ಇದೀಗ ತಿದ್ದುಪಡಿ ಮಾಡಿ ಇಳಿಕೆ ಮಾಡಲಾಗಿದೆ. ವಿಶೇಷವಾಗಿ 2,000 ಮನೆಗಳಿಗಿಂತ ಕಡಿಮೆ ಫ್ಲ್ಯಾಟ್ಸ್ ಇರುವ ವಸತಿ ಸಮುಚ್ಚಯಗಳು ಹಾಗೂ ಪಿಜಿ ಮಾಲೀಕರಿಗೆ ಈ ನಿರ್ಧಾರ ದೊಡ್ಡ ಮಟ್ಟದಲ್ಲಿ ಸಂತೋಷ ನೀಡಲಿದೆ.
ಈ ವರ್ಷದ ಏಪ್ರಿಲ್‌ನಲ್ಲಿ ನೀರಿನ ದರವನ್ನು ಹೆಚ್ಚಿಸಲಾಗಿತ್ತು. ಇದರ ಪರಿಣಾಮವಾಗಿ ಅಪಾರ್ಟ್ಮೆಂಟ್(Apartment) ನಿವಾಸಿಗಳು ಹಾಗೂ ಪಿಜಿ ಮಾಲೀಕರು(PG Owner) ಹೆಚ್ಚುವರಿ ವೆಚ್ಚವನ್ನು ಭರಿಸಬೇಕಾಗಿತ್ತು.
ಹಲವು ಮನವಿಗಳು ಜಲಮಂಡಳಿಗೆ ತಲುಪಿದ್ದರಿಂದ, ದರವನ್ನು ಮರು ಪರಿಶೀಲನೆ ಮಾಡಿ ಇಳಿಕೆ ಮಾಡುವ ತೀರ್ಮಾನ ಕೈಗೊಂಡಿದೆ. ಇದರೊಂದಿಗೆ ಸಾವಿರಾರು ಮನೆಗಳಿಗೆ ಹಾಗೂ ಪಿಜಿ ಮಾಲೀಕರಿಗೆ ಹಿತಕರ ನಿರ್ಧಾರ ಜಾರಿಯಾಗಿದೆ.
ಅಪಾರ್ಟ್‌ಮೆಂಟ್‌ಗಳಿಗೆ ಹೊಸ ದರ
200 ಫ್ಲ್ಯಾಟ್ಸ್‌ಗಿಂತ ಕಡಿಮೆ ಮನೆಗಳನ್ನು ಹೊಂದಿರುವ ಅಪಾರ್ಟ್‌ಮೆಂಟ್‌ಗಳ ನೀರಿನ ದರವನ್ನು ಹಂತ ಹಂತವಾಗಿ ಕಡಿತ ಮಾಡಲಾಗಿದೆ.
- 0-200 ಕಿ.ಲೀ. ಬಳಕೆಗೆ – ₹25
- 200-500 ಕಿ.ಲೀ. ಬಳಕೆಗೆ – ₹28
- 500-1000 ಕಿ.ಲೀ. ಬಳಕೆಗೆ – ₹32
- 1000 ಕಿ.ಲೀ.ಗೂ ಹೆಚ್ಚು ಬಳಕೆಗೆ – ₹55
- 20 ಕೊಠಡಿಗಳವರೆಗೆ ಇರುವ ಪಿಜಿಗಳು: ಮೊದಲು ಮಾಸಿಕ ಸ್ವಚ್ಛತಾ ಶುಲ್ಕ ₹5000 ಆಗಿದ್ದು, ಇದೀಗ ₹2000ಕ್ಕೆ ಇಳಿಸಲಾಗಿದೆ.
- 20ಕ್ಕಿಂತ ಹೆಚ್ಚು ಕೊಠಡಿಗಳ ಪಿಜಿಗಳು: ಮೊದಲು ₹7500 ಶುಲ್ಕ ವಿಧಿಸಲಾಗುತ್ತಿತ್ತು, ಈಗ ಅದನ್ನು ₹3000ಕ್ಕೆ ಕಡಿತಗೊಳಿಸಲಾಗಿದೆ.
ಇದು ಮೊದಲು ಹೋಲಿಸಿದರೆ ಕೊಂಚ ಮಟ್ಟಿಗೆ ಇಳಿಕೆ ಕಂಡಿದೆ.ಏಪ್ರಿಲ್‌ನಲ್ಲಿ ಹೆಚ್ಚಿದ್ದ ದರದ ಹಿನ್ನಲೆಯಲ್ಲಿ ತಿಂಗಳಿಗೆ ನೀರಿನ ಬಿಲ್(Water bill) ಭಾರೀ ಹೆಚ್ಚಾಗಿತ್ತು.
ಈಗಿನ ಪರಿಷ್ಕೃತ ದರವು ಅಪಾರ್ಟ್ಮೆಂಟ್ ಪಿಜಿ ಮಾಲೀಕರಿಗೆ ನೆಮ್ಮದಿ ನೀಡಲಿದೆ.ಅಪಾರ್ಟ್‌ಮೆಂಟ್‌ಗಳೊಂದಿಗೆ ಪಿಜಿಗಳಿಗೂ ಇದೇ ರೀತಿ ರಿಯಾಯಿತಿ ನೀಡಲಾಗಿದೆ. ವಿಶೇಷವಾಗಿ ಸ್ವಚ್ಛತಾ ಶುಲ್ಕದಲ್ಲಿ ಭಾರೀ ಕಡಿತ ಮಾಡಲಾಗಿದೆ.
ಇದರೊಂದಿಗೆ ಪಿಜಿ ಮಾಲೀಕರಿಗೆ 60% ರಷ್ಟು ಬಾಧ್ಯತೆ ಕಡಿಮೆಯಾಗಿದೆ. ಪಿಜಿಯಲ್ಲಿ ವಾಸಿಸುವ ವಿದ್ಯಾರ್ಥಿಗಳು ಹಾಗೂ ಉದ್ಯೋಗಿಗಳು ತಮಗೆ ಬರುತ್ತಿದ್ದ ಹೆಚ್ಚುವರಿ ವೆಚ್ಚದಿಂದ ಮುಕ್ತರಾಗಬಹುದಾಗಿದೆ.
ಈ ತೀರ್ಮಾನವನ್ನು ಅಪಾರ್ಟ್ಮೆಂಟ್ ಅಸೋಸಿಯೇಶನ್‌ಗಳು ಹಾಗೂ ಪಿಜಿ ಮಾಲೀಕರ ಸಂಘ ಸ್ವಾಗತಿಸಿವೆ. “ಹೆಚ್ಚಿದ ದರದಿಂದ ಸಾಮಾನ್ಯ ಜನರು ಸಂಕಷ್ಟ ಅನುಭವಿಸುತ್ತಿದ್ದರು.
ಇದೀಗ ಜಲಮಂಡಳಿ ನೀಡಿದ ರಿಯಾಯಿತಿ ಜನರ ಹೊರೆ ಕಡಿತಗೊಳಿಸಿದೆ” ಎಂದು ಅಸೋಸಿಯೇಶನ್ ಪ್ರತಿನಿಧಿಗಳು ತಿಳಿಸಿದ್ದಾರೆ.ಕೆಲವರು ನಿವಾಸಿಗಳು ಹೇಳುವಂತೆ,
ಇದನ್ನು ಓದಿ : ಬದುಕನ್ನು ಬದಲಾಯಿಸುತ್ತಿರುವ ಕೃತಕ ಬುದ್ಧಿಮತ್ತೆ
ನೀರಿನ ದರ ಹೆಚ್ಚಳದಿಂದ ತಿಂಗಳಿಗೆ 20-30% ಹೆಚ್ಚುವರಿ ವೆಚ್ಚ ಆಗುತ್ತಿತ್ತು. ಈಗ ಕಡಿತಗೊಂಡಿರುವುದರಿಂದ ಬಿಲ್ ಮೊತ್ತದಲ್ಲಿ ಸ್ಪಷ್ಟವಾದ ಕಡಿತ ಕಾಣಬಹುದು ಎಂದು ಅವರು ತಿಳಿಸಿದ್ದಾರೆ. (BWSSB reduces water rates)
