ಹುಳಿ ಹಾಗೂ ಸಿಹಿ ಮಿಶ್ರಿತ ಚಕೋತ ಹಣ್ಣಿನಲ್ಲಿದೆ ಉತ್ತಮ ಆರೋಗ್ಯವರ್ಧಕ ಗುಣಗಳು. ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆಯಾದಾಗ ಹಲವಾರು ಕಾಯಿಲೆಗಳು ನಮ್ಮ ದೇಹವನ್ನು ದಾಳಿಮಾಡಲು ಆರಂಬಿಸುತ್ತವೆ. ಈ ಸಂದರ್ಭದಲ್ಲಿ ಇದು ನಮ್ಮ ಆರೋಗ್ಯಕ್ಕೆ ಸಹಕಾರಿಯಾಗಿರುತ್ತದೆ.
ಶೀತ ಕೆಮ್ಮು ಜ್ವರ ಅಲರ್ಜಿ ಮುಂತಾದ ಕಾಯಿಲೆಗಳು ದೂರವಾಗಬೇಕಾದರೆ ಪ್ರತೀ ದಿನ ಚಕೋತ ಹಣ್ಣನ್ನು ತಿನ್ನಬೇಕು. ಇದರಲ್ಲಿ ರೋಗ ನಿರೋಧಕ ಶಕ್ತಿ ಅಧಿಕ ಪ್ರಮಾಣದಲ್ಲಿದ್ದು, ದೇಹವನ್ನ ಆರೋಗ್ಯಕರವಾಗಿಡಲು ಸಹಾಯಕವಾಗುತ್ತದೆ.
ತೂಕ ಇಳಿಸಲು ಕೂಡಾ ಈ ಹಣ್ಣು ಸೇವನೆ ಒಳ್ಳೆಯದು ಯಾಕೆಂದರೆ ಇದರಲ್ಲಿ ಸಾಕಷ್ಟು ನಾರಿನಂಶವಿದೆ. ನೈಸರ್ಗಿಕವಾಗಿ ಕೊಬ್ಬನ್ನು ಕರಗಿಸುವ ಶಕ್ತಿ ಈ ಹಣ್ಣಿನಲ್ಲಿದ್ದು ಜೀರ್ಣಕ್ರಿಯೆ ಸರಾಗವಾಗುತ್ತದೆ. ಪ್ರತೀ ದಿನ ಇದನ್ನು ಸೇವಿಸಿದರೆ ಮೂತ್ರನಾಳದ ಸೋಂಕು ನಿವಾರಣೆಯಾಗಲು ಒಳ್ಳೆಯ ಮನೆ ಮದ್ದು ಇದಾಗಿದೆ.
