ಬಾಲಿವುಡ್(Bollywood) ನಿರೂಪಕ(Anchor), ನಟ ಕರಣ್ ಜೋಹರ್(Karan Johar) ಅವರು ಕಾಫಿ ವಿಥ್ ಕರಣ್‌ನ(Coffee with Karan) ಹೊಸ ಸೀಸನ್‌ನೊಂದಿಗೆ ಹಿಂದಿರುಗುವುದಿಲ್ಲ ಎಂದು ಅಧಿಕೃತವಾಗಿ, ಭಾವನಾತ್ಮಕವಾಗಿ ಇನ್ಸ್ಟಾಗ್ರಾಂನಲ್ಲಿ(Instagram) ಬರೆದು ಪೋಸ್ಟ್ ಮಾಡಿದ್ದಾರೆ.
ಕೆಲವು ವಾರಗಳ ಹಿಂದೆ, ಕಾಫಿ ವಿತ್ ಕರಣ್ ಅನ್ನು ಹೊಸ ಸೀಸನ್ ಮೂಲಕ ಮತ್ತೆ ತೆರೆಯ ಮೇಲೆ ತರಲಿದ್ದಾರೆ ಎಂಬ ವದಂತಿಗಳು ಕೇಳಿಬಂದಿದ್ದವು. ಆದಾಗ್ಯೂ, ಕರಣ್ ಜೋಹಾರ್ ವದಂತಿಗಳಿಗೆಲ್ಲಾ ತೆರೆಎಳೆದಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಅಧಿಕೃತವಾಗಿ ಬಹಳ ನೋವಿನಿಂದ ಹೇಳುತ್ತಿದ್ದೇನೆ, ಇನ್ಮುಂದೆ ಕಾಫಿ ವಿತ್ ಕರಣ್ ಸೆಲೆಬ್ರಿಟಿ ಶೋ ಹೊಸ ಸಂಚಿಕೆಗಳೊಂದಿಗೆ ಬರುವುದಿಲ್ಲ. ಈ ಪೋಸ್ಟ್ ಓದಿದ ಅವರ ಅಭಿಮಾನಿಗಳು ನಿರಾಶೆಗೊಂಡಿದ್ದಾರೆ.
ತಮ್ಮ ಇಷ್ಟದ ನಟ-ನಟಿಯರು, ಕಲಾವಿದರು ಬರುತ್ತಿದ್ದ ಕಾಫಿ ವಿತ್ ಕರಣ್ ಶೋ ಇನ್ಮುಂದೆ ಬರುವುದಿಲ್ಲ ಎಂಬ ಬೇಸರವನ್ನು ಕಮೆಂಟ್ ಮಾಡುವ ಮೂಲಕ ಹೊರಹಾಕಿದ್ದಾರೆ. ಸದ್ಯ ಕಾಫಿ ವಿತ್ ಕರಣ್ ಶೋಗೆ ಕರಣ್ ಜೋಹರ್ ಗುಡ್ಬೈ ಸೂಚಿಸಿದ್ದು, ತಮ್ಮ ಮುಂದಿನ ಸಿನಿಮಾಗಳ ಚಿತ್ರೀಕರಣದತ್ತ ಮುಖ ಮಾಡಿದ್ದಾರೆ ಎನ್ನಲಾಗಿದೆ. ನಿಮ್ಮ ಸಿನಿಮಾ ಪಯಣಕ್ಕೆ ಒಳಿತಾಗಲಿ ಎಂದು ಅವರ ಅಭಿಮಾನಿಗಳು ಶುಭಹಾರೈಸಿದ್ದಾರೆ.
