- ಮಧ್ಯಪ್ರದೇಶದಲ್ಲಿ ವಿಷಕಾರಿ ಕೆಮ್ಮಿನ ಸಿರಪ್ ಇಂದಾಗಿ ಮತ್ತೆ 6 ಮಕ್ಕಳು ಸಾ*
- ಸರ್ಕಾರ ಎಚ್ಚರಿಕೆ ಘೋಷಣೆ — ಕೋಲ್ಡ್ರಿಫ್ ನಿಷೇಧಿಸಿದ ಆರು ರಾಜ್ಯಗಳು
- ಸರ್ಕಾರ ತನಿಖೆ ಆರಂಭಿಸಿ, ಕಂಪನಿಗೆ ಶೋ-ಕಾಸ್ ನೋಟಿಸ್ ನೀಡಿದೆ (Cough syrup causes kidney failure in childrens)
Madhya Pradesh: ಮಧ್ಯಪ್ರದೇಶ ರಾಜ್ಯದಲ್ಲಿ ಮತ್ತೊಮ್ಮೆ ಹೃದಯವಿದ್ರಾವಕ ಘಟನೆ ಸಂಭವಿಸಿದೆ. ಕೆಮ್ಮಿನ ಸಿರಪ್ ಸೇವಿಸಿದ ನಂತರ ಮೂತ್ರಪಿಂಡ ವೈಫಲ್ಯಕ್ಕೆ ಒಳಗಾಗಿ ಚಿಕಿತ್ಸೆ ಪಡೆಯುತ್ತಿದ್ದ ಆರು ಮಕ್ಕಳು
ಮೃ*ಪಟ್ಟಿದ್ದಾರೆ, ಇದರಿಂದ ರಾಜ್ಯದ ಒಟ್ಟು ಸಾ*ನ ಸಂಖ್ಯೆ 20ಕ್ಕೆ ಏರಿಕೆಯಾಗಿದೆ. ಈ ಮೊದಲು ಛಿಂದ್ವಾಡ ಜಿಲ್ಲೆಯಲ್ಲಿನ 14 ಮಕ್ಕಳು ವಿಷಕಾರಿ ಕೆಮ್ಮಿನ ಸಿರಪ್ ಸೇವನೆಯಿಂದ ಮೃ*ಪಟ್ಟಿದ್ದರೆ,
ಮಂಗಳವಾರ (ಅಕ್ಟೋಬರ್ 7) ಮತ್ತೆ ಛಿಂದ್ವಾಡದಲ್ಲಿ 4 ಮತ್ತು ಬೇತುಲ್‌ನಲ್ಲಿ 2 ಮಕ್ಕಳು ಪ್ರಾಣ ಕಳೆದುಕೊಂಡಿದ್ದಾರೆ. ಈ ಮಕ್ಕಳು ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು,
ಅವರಲ್ಲಿ ಐದು ಮಂದಿಯ ಸ್ಥಿತಿ ಇನ್ನೂ ಗಂಭೀರವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಸರ್ಕಾರ ಈಗಾಗಲೇ ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ್ದು, ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಮಕ್ಕಳ ವೆಚ್ಚವನ್ನು ಸಂಪೂರ್ಣವಾಗಿ ಸರ್ಕಾರವೇ ಭರಿಸುವುದಾಗಿ ಘೋಷಿಸಿದೆ.
ಪೀಡಿತ ಕುಟುಂಬಗಳಿಗೆ ಅಗತ್ಯ ಸಹಾಯ ಹಾಗೂ ಆರ್ಥಿಕ ನೆರವು ನೀಡಲು ಕ್ರಮ ಕೈಗೊಳ್ಳಲಾಗಿದೆ.ಈ ಘಟನೆಗೆ ಸಂಬಂಧಿಸಿದಂತೆ ವೈದ್ಯಕೀಯ ತನಿಖೆ ನಡೆಸಿದ ತಜ್ಞರು ಕೋಲ್ಡ್ರಿಫ್ (Coldrif) ಹೆಸರಿನ
ಕೆಮ್ಮಿನ ಸಿರಪ್‌ನಲ್ಲಿ ನರಸಂಬಂಧಿ ಕಾಯಿಲೆಗೆ ಕಾರಣವಾಗಬಹುದಾದ ವಿಷಕಾರಿ ಅಂಶಗಳನ್ನು ಪತ್ತೆಹಚ್ಚಿದ್ದಾರೆ. ಈ ಸಿರಪ್‌ನ ಉತ್ಪಾದಕ ಶ್ರೀಸನ್ ಫಾರ್ಮಾಸ್ಯೂಟಿಕಲ್ಸ್ ಕಂಪನಿಗೆ ತಮಿಳುನಾಡು ಸರ್ಕಾರ ಶೋ-ಕಾಸ್ ನೋಟಿಸ್ ನೀಡಿದೆ ಮತ್ತು ಸ್ಪಷ್ಟೀಕರಣ ಕೇಳಿದೆ.
ಇದಕ್ಕೂ ಮೊದಲು ಇದೇ ಕಂಪನಿಯ ಉತ್ಪನ್ನದ ಬಳಕೆಯಿಂದ ಮಕ್ಕಳ ಸಾ*ನ ಪ್ರಕರಣಗಳು ವರದಿಯಾಗಿದ್ದವು. ಇದರಿಂದಾಗಿ ಪಂಜಾಬ್ ಸರ್ಕಾರ ಕೋಲ್ಡ್ರಿಫ್ ಸಿರಪ್‌ನ ಮಾರಾಟ ಮತ್ತು ಬಳಕೆಯನ್ನು ಸಂಪೂರ್ಣ
ನಿಷೇಧಿಸಿದೆ. ಈ ನಿಷೇಧ ಹೇರಿದ ಆರನೇ ರಾಜ್ಯವಾಗಿದ್ದು, ಈಗಾಗಲೇ ಹಿಮಾಚಲ ಪ್ರದೇಶ, ಹರಿಯಾಣ, ಉತ್ತರಾಖಂಡ, ಮತ್ತು ಛತ್ತೀಸಗಢ ರಾಜ್ಯಗಳು ಕೂಡ ಈ ಉತ್ಪನ್ನದ ವಿರುದ್ಧ ಕ್ರಮ
ತೆಗೆದುಕೊಂಡಿವೆ.ಮಧ್ಯಪ್ರದೇಶದಲ್ಲಿ ಮಕ್ಕಳ ಸಾ*ನ ಪ್ರಕರಣಗಳ ಹಿನ್ನೆಲೆಯಲ್ಲಿ ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ICMR) ಹಾಗೂ ಕೇಂದ್ರ ಆರೋಗ್ಯ ಇಲಾಖೆ ವಿಶೇಷ ತಂಡಗಳನ್ನು ಕಳುಹಿಸಿದೆ.
ಈ ತಂಡಗಳು ಛಿಂದ್ವಾಡ ಹಾಗೂ ಬೇತುಲ್ ಜಿಲ್ಲೆಗಳಲ್ಲಿ ಮಾದರಿ ಸಂಗ್ರಹಣೆ ನಡೆಸಿ, ಸಿರಪ್‌ನಲ್ಲಿ ಇರುವ ರಾಸಾಯನಿಕ ಅಂಶಗಳ ಕುರಿತು ಪ್ರಯೋಗಾಲಯ ಪರೀಕ್ಷೆ ನಡೆಸಲಿವೆ.ಆರೋಗ್ಯ ತಜ್ಞರ ಪ್ರಕಾರ,
ಈ ಸಿರಪ್‌ನಲ್ಲಿರುವ ವಿಷಕಾರಿ ಅಂಶಗಳು ಮೂತ್ರಪಿಂಡ ಹಾಗೂ ನರಮಂಡಲದ ಮೇಲೆ ನೇರ ಪರಿಣಾಮ ಬೀರುತ್ತವೆ, ಇದರಿಂದ ಮಕ್ಕಳ ದೇಹದಲ್ಲಿ ವಿಷದ ಅಂಶ ಹೆಚ್ಚಿ ಅಂಗಾಂಗ ವೈಫಲ್ಯ ಉಂಟಾಗುತ್ತದೆ.
ಇದನ್ನು ಓದಿ : ಹಲವೆಡೆ ಮಕ್ಕಳ ಸರಣಿ ಸಾವು: ಕರ್ನಾಟಕದಲ್ಲೂ ಕೆಮ್ಮಿನ ಸಿರಪ್ ನಿಷೇಧಿಸಿದ ಆರೋಗ್ಯ ಇಲಾಖೆ
ಮಕ್ಕಳ ದೇಹದ ತೂಕ ಕಡಿಮೆ ಇರುವುದರಿಂದ ಈ ರೀತಿಯ ವಿಷಕಾರಿ ಔಷಧಿ ತ್ವರಿತ ಪರಿಣಾಮ ಬೀರುತ್ತದೆ ಎಂದು ಹೇಳಿದ್ದಾರೆ. (Cough syrup causes kidney failure in childrens)
