Gujarat : ಗುಜರಾತಿನ ದಂಪತಿಗಳು ನರಬಲಿ ಆಚರಣೆಗಾಗಿ ಗಿಲ್ಲೊಟಿನ್ (Guillotine) ಮಾದರಿಯ ಸಾಧನವನ್ನು ಬಳಸಿ ತಮ್ಮ ತಲೆಯನ್ನು ತಾವೇ ಕಡಿದುಕೊಳ್ಳುವ ಮೂಲಕ (Couple beheaded by guillotine) ಸಾವನ್ನಪ್ಪಿದ್ದಾರೆ.
ಗುಜರಾತ್‌ನ ರಾಜ್‌ಕೋಟ್ ಜಿಲ್ಲೆಯಲ್ಲಿ ಈ ವಿಚಿತ್ರ ತ್ಯಾಗದ ವಿಧಿವಿಧಾನಕ್ಕಾಗಿ ತಮ್ಮ ತಲೆಗಳನ್ನು ಅರ್ಪಿಸಲು ಗಿಲ್ಲೊಟಿನ್ ಮಾದರಿಯ ಸಾಧನವನ್ನು ಬಳಸಿ ದಂಪತಿಗಳು ತಮ್ಮ ಶಿರಚ್ಛೇದ (Couple beheaded by guillotine) ಮಾಡಿಕೊಳ್ಳುವ ಮೂಲಕ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಆರೋಪಿಸಲಾಗಿದೆ.
ಗುಜರಾತ್‌ನ ರಾಜ್‌ಕೋಟ್ (Rajkot) ಜಿಲ್ಲೆಯ ವಿಂಚಿಯಾ ಗ್ರಾಮದ ದಂಪತಿಗಳು ತಮ್ಮ ಜಮೀನಿನಲ್ಲಿ ಗಿಲ್ಲೊಟಿನ್ ಮಾದರಿಯ ಸಾಧನವನ್ನು ಬಳಸಿ ಶಿರಚ್ಛೇದನ ಮಾಡಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಆತ್ಮಹತ್ಯೆಗೆ ಬಲಿಯಾದ ಹೇಮುಭಾಯ್ ಮಕ್ವಾನಾ (Hemubhai Markwana) (38) ಮತ್ತು ಅವರ ಪತ್ನಿ ಹಂಸಾಬೆನ್ (Hansaben) (35) ಎಂದು
ಗುರುತಿಸಲಾದ ದಂಪತಿಗಳು ತಮ್ಮ ತಲೆಯನ್ನು ತ್ಯಾಗಕ್ಕಾಗಿ ಅರ್ಪಿಸಲು ಮನೆಯಲ್ಲಿಯೇ ಸಾಧನವನ್ನು ರಚಿಸಿದ್ದರು ಎಂದು ಸ್ಥಳೀಯ ವರದಿಯಲ್ಲಿ ಉಲ್ಲೇಖವಾಗಿದೆ.
ವಿಂಚಿಯಾ ಪೊಲೀಸ್ ಠಾಣೆಯ ಸಬ್ ಇನ್ಸ್‌ಪೆಕ್ಟರ್ ಇಂದ್ರಜೀತ್‌ಸಿಂಗ್ ಜಡೇಜಾ (Indrajeet Singh Jadeja) ಅವರು ನೀಡಿರುವ ಮಾಹಿತಿ ಪ್ರಕಾರ,
ದಂಪತಿಗಳು ತಮ್ಮ ತಲೆಯನ್ನು ಕಡಿದುಕೊಂಡ ನಂತರ ಬೆಂಕಿಯ ಬಲಿಪೀಠಕ್ಕೆ ಉರುಳಿಸುವ ರೀತಿಯಲ್ಲಿ ಯೋಜನೆಯನ್ನು ಕಾರ್ಯಗತಗೊಳಿಸಿದ್ದಾರೆ.
ದಂಪತಿಗಳು ಮೊದಲು ತಮ್ಮ ತಲೆಯನ್ನು ಹಗ್ಗದಿಂದ ಹಿಡಿದಿರುವ ಗಿಲ್ಲೊಟಿನ್ (Guillotine) ತರಹದ ಕಾರ್ಯವಿಧಾನದ ಅಡಿಯಲ್ಲಿ ಇರಿಸುವ ಮೊದಲು ಬೆಂಕಿಯ ಬಲಿಪೀಠವನ್ನು ಸಿದ್ಧಪಡಿಸಿದ್ದಾರೆ.
ಅವರು ಹಗ್ಗವನ್ನು ಹಿಡಿದು ಏಕಾಏಕಿ ಬಿಡುಗಡೆ ಮಾಡಿದ್ದಾರೆ. ಕಬ್ಬಿಣದ ಬ್ಲೇಡ್ ಅವರ ತಲೆ ಮೇಲೆ ಬಿದ್ದು, ಅವರ ತಲೆಯನ್ನು ತುಂಡರಿಸಿದೆ. ತುಂಡಾದ ಕೂಡಲೇ ಅದು ಬೆಂಕಿಗೆ ಉರುಳಿದೆ ಎಂದು ಜಡೇಜಾ ಅವರು ಹೇಳಿದ್ದಾರೆ ಎಂದು ಪಿಟಿಐ ತನ್ನ ವರದಿಯಲ್ಲಿ ತಿಳಿಸಿದೆ.
ನರಬಲಿ ನಡೆಸುವ ಮುನ್ನ ತಮ್ಮ ಸಾವಿನ ಬಗ್ಗೆ ಖಚಿತಪಡಿಸಿಕೊಂಡ ದಂಪತಿಗಳು ತಮ್ಮ ಕುಟುಂಬದವರಿಗೆ ಮನವಿ ಪತ್ರವೊಂದನ್ನು ಬರೆದಿದ್ದಾರೆ.
ಸೂಸೈಡ್ ನೋಟ್ (Suicide Note) ಅನ್ನು ಸ್ಥಳದಿಂದ ವಶಪಡಿಸಿಕೊಂಡ ಪೊಲೀಸರು,
ಅದರಲ್ಲಿ ಅವರು ತಮ್ಮ ಪೋಷಕರು ಮತ್ತು ಮಕ್ಕಳನ್ನು ನೋಡಿಕೊಳ್ಳುವಂತೆ ತಮ್ಮ ಸಂಬಂಧಿಕರನ್ನು ಒತ್ತಾಯಿಸಿದ್ದಾರೆ. ದಂಪತಿಗಳು ಇಬ್ಬರು ಮಕ್ಕಳು, ಪೋಷಕರು ಮತ್ತು ಹತ್ತಿರದ ಇತರ ಸಂಬಂಧಿಕರನ್ನು ಅಗಲಿದ್ದಾರೆ.
ಕಳೆದ ವರ್ಷದಿಂದ ಇಬ್ಬರೂ ಪ್ರತಿದಿನ ಗುಡಿಸಲಿನಲ್ಲಿ ಪ್ರಾರ್ಥನೆ ಸಲ್ಲಿಸುತ್ತಿದ್ದರು ಎಂದು ದಂಪತಿಯ ಕುಟುಂಬ ಸದಸ್ಯರು ಮಾಹಿತಿಯನ್ನು ಬಹಿರಂಗಪಡಿಸಿದ್ದಾರೆ.
ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದ್ದು, ಆಕಸ್ಮಿಕ ಸಾವು ಎಂದು ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಹೇಳಲಾಗಿದೆ.
