ಬೆಂಗಳೂರು ಜ 11 : ಭಾರತದಾದ್ಯಂತ 15 ವರ್ಷ ಮೇಲ್ಪಟ್ಟ ಮಕ್ಕಳಿಗೆ ಲಸಿಕೆ ನೀಡುವ ಕಾರ್ಯಕ್ರಮ ಜಾರಿಯಲ್ಲಿದ್ದು ಈ ಹಿನ್ನಲೆಯಲ್ಲಿ ರಾಜ್ಯದಲ್ಲೂ ಮಕ್ಕಳಿಗೆ 15-17 ವರ್ಷ ವಯಸ್ಸಿನ  ಜನಸಂಖ್ಯೆಯ 50% ಜನರಿಗೆ ಕೋವಿಡ್ -19 ಲಸಿಕೆಯ ಮೊದಲ ಡೋಸ್‌ ಲಸಿಕೆ ನೀಡಲಾಗಿದೆ ಎಂದು ರಾಜ್ಯ ಸರ್ಕಾರ ಸೋಮವಾರ ಹೇಳಿದೆ.

ಆರೋಗ್ಯ ಸಚಿವ ಕೆ ಸುಧಾಕರ್ ಈ ಬಗ್ಗೆ ಮಾಹಿತಿ ನೀಡಿದ್ದು, “ರಾಜ್ಯದಲ್ಲಿ 15-17 ವಯೋಮಾನದ ಅಂದಾಜು ಒಟ್ಟು 31. 7 ಲಕ್ಷ ಮಕ್ಕಳಲ್ಲಿ, ನಾವು ರಾಜ್ಯಾದ್ಯಂತ 15.6 ಲಕ್ಷ ಮಕ್ಕಳಿಗೆ ಮೊದಲ ಡೋಸ್ ಅನ್ನು ನೀಡಿದ್ದೇವೆ” ಎಂದಿದ್ದಾರೆ.

ಕೊಡಗು ಅತಿ ಹೆಚ್ಚು ಲಸಿಕೆ ಅಂದರೆ 70% ಮಕ್ಕಳಿಗೆ ಲಸಿಕೆಯನ್ನು ನೀಡಿದೆ. ರಾಜ್ಯದ ಹದಿನೆಂಟು ಜಿಲ್ಲೆಗಳು  50% ಕ್ಕಿಂತ ಹೆಚ್ಚು ಲಸಿಕೆ ವ್ಯಾಪ್ತಿಯನ್ನು ಹೊಂದಿವೆ. ಬೆಂಗಳೂರು 153,458 ಮಕ್ಕಳಿಗೆ ಅಥವಾ  ಒಟ್ಟು 35% ಮಂದಿಗೆ ಲಸಿಕೆ ನೀಡಿದೆ. ಯಾದಗಿರಿ ಕಡಿಮೆ ಅಂದರೆ 29% ಮಂದಿಗೆ ಲಸಿಕೆ ನೀಡಿದೆ. ಸರ್ಕಾರದ ಅಂಕಿಅಂಶಗಳ ಪ್ರಕಾರ  ರಾಜ್ಯದಾದ್ಯಂತ 15-17 ವಯೋಮಾನದ 3,175,010 ಜನರಿದ್ದಾರೆ.

ರಾಜ್ಯ ಆರೋಗ್ಯ ಇಲಾಖೆಯು ಇಂದಿರಾ ಗಾಂಧಿ ಆರೋಗ್ಯ ಸಂಸ್ಥೆಯನ್ನು ಕೋವಿಡ್-19 ಪೀಡಿತ ಮಕ್ಕಳು ಮತ್ತು ಗರ್ಭಿಣಿಯರಿಗೆ ಚಿಕಿತ್ಸೆ ನೀಡಲು ಮೀಸಲು ಕೇಂದ್ರವಾಗಿ ಗುರುತಿಸಲಾಗಿದೆ.