Bejieng : ಚೀನಾ(China) ದೇಶಾದ್ಯಂತ ಇತ್ತೀಚಿನ ಕೋವಿಡ್(Covid 19) ಪ್ರಕರಣಗಳ ಹೆಚ್ಚಳದ ಮಧ್ಯೆ, ಚೀನಾದ ನಗರವಾದ ಗುವಾಂಗ್‌ಝೌನಲ್ಲಿ ಕನಿಷ್ಠ 2,50,000 ಜನರಿಗೆ ಅವಕಾಶ ಕಲ್ಪಿಸಲು ಬೃಹತ್ ತಾತ್ಕಾಲಿಕ ಆಸ್ಪತ್ರೆಗಳನ್ನು ನಿರ್ಮಿಸಲಾಗುತ್ತಿದೆ ಎಂದು ವರದಿಯಾಗಿದೆ.
13 ಮಿಲಿಯನ್ ನಿವಾಸಿಗಳ ನಗರವಾದ ಗುವಾಂಗ್‌ಝೌ ಅಕ್ಟೋಬರ್ ಆರಂಭದಿಂದ ಕೋವಿಡ್ ಪ್ರಕರಣಗಳ ಸಂಖ್ಯೆಯಲ್ಲಿ ಹೆಚ್ಚಳವನ್ನು ಎದುರಿಸುತ್ತಿದೆ. ಸುಮಾರು 7,000ಕ್ಕೂ ಹೆಚ್ಚು ಕೋವಿಡ್ ಪ್ರಕರಣಗಳನ್ನು ವರದಿಯಾಗಿವೆ. ಹೀಗಾಗಿ ಕ್ವಾರಂಟೈನ್ ಸೈಟ್‌ಗಳ ನಿರ್ಮಾಣದ ದೃಶ್ಯಗಳನ್ನು ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದೆ.
ಕೋವಿಡ್ ಸೋಂಕಿನ ಪರಿಣಾಮ ನಗರವು ತಾತ್ಕಾಲಿಕ ಆಸ್ಪತ್ರೆಗಳು ಮತ್ತು ಪ್ರತ್ಯೇಕ ತಾಣಗಳ ನಿರ್ಮಾಣವನ್ನು ವೇಗಗೊಳಿಸಿದೆ. 2,46,407 ಹಾಸಿಗೆಗಳಿಗೆ ಸ್ಥಳವನ್ನು ನಿರ್ಮಿಸುವ ಯೋಜನೆ ಇದೆ. ರಾಯಿಟರ್ಸ್ ವರದಿ(Ruters Report) ಮಾಡಿದಂತೆ ಅಧಿಕಾರಿಗಳು ಈಗಾಗಲೇ ನಗರದ ಹೈಜು ಜಿಲ್ಲೆಯಿಂದ 95,300 ಜನರನ್ನು ಕ್ವಾರಂಟೈನ್ ಕೇಂದ್ರಗಳಿಗೆ ಅಥವಾ ಆಸ್ಪತ್ರೆ ಚಿಕಿತ್ಸೆಗೆ ಕಳುಹಿಸಿದ್ದಾರೆ.
ಇದನ್ನೂ ಓದಿ : https://vijayatimes.com/central-govt-to-supremecourt/
ಏತನ್ಮಧ್ಯೆ, ಚೀನಾದ ರಾಜಧಾನಿ ಬೀಜಿಂಗ್ ಮತ್ತು ಇತರ ಮೆಗಾ-ಸಿಟಿಗಳು ಕೋವಿಡ್‌ಸೋಂಕನ್ನು ತಡೆಗಟ್ಟಲು ಹೆಣಗಾಡುತ್ತಿವೆ. ಚಾಂಗ್‌ಕಿಂಗ್ ಮತ್ತು ಗುವಾಂಗ್‌ಝೌ ನಗರಗಳಲ್ಲಿ ಹೊಸ ಸೋಂಕುಗಳ ಪ್ರಕರಣಗಳು ಬಹುಪಾಲು ವರದಿಯಾಗಿವೆ. ವೈರಸ್‌ನ ಸಂಪರ್ಕಕ್ಕೆ ಬಂದಿರುವ ಶಂಕಿತ ಯಾರಿಗಾದರೂ ಲಾಕ್‌ಡೌನ್‌ಗಳು,
ಸಾಮೂಹಿಕ ಪರೀಕ್ಷೆ ಮತ್ತು ಸಂಪರ್ಕತಡೆಯನ್ನು ಕಡ್ಡಾಯಗೊಳಿಸುವ ತನ್ನ ಕಠಿಣ ‘ಶೂನ್ಯ-ಕೋವಿಡ್’ ನೀತಿಗೆ ಚೀನಾ ಅಂಟಿಕೊಳ್ಳಬೇಕು ಎಂದು ಇತ್ತೀಚೆಗೆ ಅಧಿಕಾರಿಗಳು ಪದೇ ಪದೇ ಒತ್ತಾಯಿಸಿದ್ದಾರೆ. ಈ ನೀತಿಯು ದೇಶದ ಆರ್ಥಿಕತೆಯ ಮೇಲೆ ತೀವ್ರ ಪರಿಣಾಮ ಬೀರುವುದನ್ನು ಮುಂದುವರೆಸಿದೆ.
ಈ ಮಧ್ಯೆ ಚೀನಾ 38,645 ಹೊಸ ಕೋವಿಡ್ -19 ಸೋಂಕುಗಳನ್ನು ವರದಿ ಮಾಡಿದೆ. ಅದರಲ್ಲಿ 3,624 ರೋಗ ಲಕ್ಷಣಗಳು ಮತ್ತು 35,021 ಲಕ್ಷಣಗಳಿಲ್ಲ ಎನ್ನಲಾಗಿದೆ.
- ಮಹೇಶ್.ಪಿ.ಎಚ್
