ಕೆಂಪಾದ ಷೇರು ಮಾರುಕಟ್ಟೆ : ಸೆನ್ಸೆಕ್ಸ್ 1,600 (crash in stock market) ಅಂಕ ಕುಸಿತ

ಅಮೆರಿಕಾ–ಇರಾನ್ ಉದ್ವಿಗ್ನತೆ, ಕಚ್ಚಾ ತೈಲ ಬೆಲೆ ಏರಿಕೆ ಹಿನ್ನೆಲೆ ಹೂಡಿಕೆದಾರರಲ್ಲಿ ಆತಂಕ

ಡಾಲಲ್ ಸ್ಟ್ರೀಟ್‌ನಲ್ಲಿ ಭೀತಿ: ಆರಂಭದಲ್ಲೇ ಭಾರೀ ಕುಸಿತ

ಭಾರತೀಯ ಷೇರು ಮಾರುಕಟ್ಟೆ ಸೋಮವಾರ ಭಾರೀ ಕುಸಿತವನ್ನು ಕಂಡಿದೆ. ಜಾಗತಿಕ ಮಟ್ಟದಲ್ಲಿ ಹೆಚ್ಚುತ್ತಿರುವ (crash in stock market) ರಾಜಕೀಯ ಉದ್ವಿಗ್ನತೆ ಮತ್ತು ವಿಶೇಷವಾಗಿ ಅಮೆರಿಕಾ ಹಾಗೂ ಇರಾನ್ ನಡುವಿನ ಬಿಕ್ಕಟ್ಟಿನ ಪರಿಣಾಮವಾಗಿ ಹೂಡಿಕೆದಾರರಲ್ಲಿ ಭೀತಿ ಮೂಡಿದೆ.

ಇದರ ಪರಿಣಾಮವಾಗಿ ಷೇರುಗಳ ಭಾರೀ ಮಾರಾಟ ನಡೆದಿದೆ. ದಿನದ ಆರಂಭದಲ್ಲೇ ಸೆನ್ಸೆಕ್ಸ್ (Sensex) 1,600ಕ್ಕೂ ಹೆಚ್ಚು ಅಂಕಗಳನ್ನು ಕಳೆದುಕೊಂಡು 76,000 ಗಡಿ ಕೆಳಗೆ ಇಳಿದಿದ್ದು, ಮಾರುಕಟ್ಟೆ ಸಂಪೂರ್ಣ ಕೆಂಪು ವಲಯದಲ್ಲಿ ವಹಿವಾಟು ನಡೆಸುತ್ತಿದೆ.

ಇದೇ ವೇಳೆ ನಿಫ್ಟಿಯೂ ಸುಮಾರು 2 ಶೇಕಡಾ ಕುಸಿತ (crash in stock market) ಕಂಡಿದ್ದು, ಹೂಡಿಕೆದಾರರ ಸಂಪತ್ತಿಗೆ ದೊಡ್ಡ ಹೊಡೆತ ಬಿದ್ದಿದೆ.

ಬೆಳಿಗ್ಗೆ ವಹಿವಾಟಿನ ಆರಂಭದಲ್ಲೇ ಬಿಎಸ್‌ಇ ಸೆನ್ಸೆಕ್ಸ್ ಸುಮಾರು 1,613 ಅಂಕಗಳಷ್ಟು ಕುಸಿದು 75,900 ಮಟ್ಟದ ಸುತ್ತಮುತ್ತ ವಹಿವಾಟು ನಡೆಸಿತು.

ಹಿಂದಿನ ದಿನದ ಮುಕ್ತಾಯದೊಂದಿಗೆ ಹೋಲಿಸಿದರೆ ಇದು ಗಣನೀಯ ಇಳಿಕೆಯಾಗಿದೆ. ಇನ್ನೊಂದೆಡೆ ಎನ್‌ಎಸ್‌ಇ ನಿಫ್ಟಿ (NSE Nifty) ಕೂಡ ಸುಮಾರು 480 ಅಂಕಗಳಷ್ಟು

ಇಳಿದು 23,500 ಮಟ್ಟದ ಬಳಿ ತಲುಪಿದೆ. ಮಾರುಕಟ್ಟೆ ‘ಗ್ಯಾಪ್-ಡೌನ್’ ಆರಂಭಗೊಂಡಿರುವುದು ಹೂಡಿಕೆದಾರರಲ್ಲಿ ಆತಂಕವನ್ನು ಹೆಚ್ಚಿಸಿದೆ.

ಬಹುತೇಕ ಎಲ್ಲಾ ಕ್ಷೇತ್ರಗಳ ಷೇರುಗಳು ಮಾರಾಟದ ಒತ್ತಡಕ್ಕೆ ಒಳಗಾಗಿದ್ದು, ಬ್ಯಾಂಕಿಂಗ್ (Banking) , ಐಟಿ ಮತ್ತು ಎನರ್ಜಿ ಷೇರುಗಳು ಹೆಚ್ಚು ನಷ್ಟ ಕಂಡಿವೆ.

ಈ ಭಾರೀ ಕುಸಿತಕ್ಕೆ ಪ್ರಮುಖ ಕಾರಣವೆಂದರೆ ಅಮೆರಿಕಾ ಮತ್ತು ಇರಾನ್ ನಡುವಿನ ಮಾತುಕತೆ ವಿಫಲವಾಗಿರುವುದು. ಎರಡೂ ದೇಶಗಳ ನಡುವಿನ ಉದ್ವಿಗ್ನತೆ ತೀವ್ರಗೊಂಡಿದ್ದು, ಜಾಗತಿಕ ಮಟ್ಟದಲ್ಲಿ ಅಶಾಂತಿ ವಾತಾವರಣ ನಿರ್ಮಾಣವಾಗಿದೆ.

ವಿಶೇಷವಾಗಿ ಹಾರ್ಮುಜ್ ಜಲಸಂಧಿಯಲ್ಲಿ ಸಂಭವಿಸಬಹುದಾದ ನಿರ್ಬಂಧ ಕ್ರಮಗಳು ಜಾಗತಿಕ ಪೂರೈಕೆ ಸರಪಳಿಗೆ ದೊಡ್ಡ ಅಪಾಯವಾಗಿವೆ. ಈ ಬೆಳವಣಿಗೆಗಳು

ಹೂಡಿಕೆದಾರರಲ್ಲಿ ಭವಿಷ್ಯದ ಬಗ್ಗೆ ಅನಿಶ್ಚಿತತೆ ಮೂಡಿಸಿದ್ದು, ಸುರಕ್ಷಿತ ಹೂಡಿಕೆಗಳತ್ತ ಮುಖಮಾಡುವ ಬದಲು ಅವರು ಷೇರುಗಳನ್ನು ಮಾರಾಟ ಮಾಡುವತ್ತ ತಿರುಗಿದ್ದಾರೆ.

ಇದರ ಜೊತೆಗೆ ಕಚ್ಚಾ ತೈಲದ ಬೆಲೆ ತೀವ್ರ ಏರಿಕೆಯಾಗಿರುವುದು ಮತ್ತೊಂದು ಪ್ರಮುಖ ಕಾರಣವಾಗಿದೆ. ಪ್ರತಿ ಬ್ಯಾರೆಲ್‌ಗೆ (Barrel) 100 ಡಾಲರ್ ಗಡಿ

ದಾಟಿರುವ ತೈಲ ಬೆಲೆ ಶೀಘ್ರದಲ್ಲೇ 110 ಡಾಲರ್ ತಲುಪುವ ಸಾಧ್ಯತೆ ಇದೆ ಎಂಬ ಅಂದಾಜು ವ್ಯಕ್ತವಾಗಿದೆ.

ತೈಲ ಆಮದು ಮೇಲೆ ಅವಲಂಬಿತವಾಗಿರುವ ಭಾರತದಂತಹ ದೇಶಗಳಿಗೆ ಇದು ದೊಡ್ಡ ಹೊರೆ ಆಗಬಹುದು.

ಇಂಧನ ವೆಚ್ಚ ಏರಿಕೆಯಿಂದ ದರ ಏರಿಕೆ (ಇನ್ಫ್ಲೇಷನ್) ಹೆಚ್ಚುವ ಭೀತಿ ಇದ್ದು, ಇದು ಮಾರುಕಟ್ಟೆಯ ಮೇಲೂ ನೇರ ಪರಿಣಾಮ ಬೀರುತ್ತಿದೆ.

ಈ ಹಿನ್ನೆಲೆ ಹೂಡಿಕೆದಾರರು ಹೆಚ್ಚು ಜಾಗರೂಕರಾಗಿದ್ದು, ಹೊಸ ಹೂಡಿಕೆಗಳನ್ನು ತಾತ್ಕಾಲಿಕವಾಗಿ ತಡೆಹಿಡಿಯುತ್ತಿದ್ದಾರೆ.

ಜಾಗತಿಕ ಮಾರುಕಟ್ಟೆಗಳ ಕುಸಿತವೂ ಭಾರತೀಯ ಮಾರುಕಟ್ಟೆಗೆ ಪರಿಣಾಮ ಬೀರಿದೆ. ಅಮೆರಿಕದ ಫ್ಯೂಚರ್ಸ್ (Futures) ಮಾರುಕಟ್ಟೆ ಕುಸಿದಿರುವುದರಿಂದ

ಏಷ್ಯಾದ ಪ್ರಮುಖ ಮಾರುಕಟ್ಟೆಗಳಾದ ಜಪಾನ್ ಮತ್ತು ಚೀನಾ ಸೂಚ್ಯಂಕಗಳೂ ಕೆಂಪು ಸೂಚನೆ ನೀಡಿವೆ.

ಗಿಫ್ಟ್ ನಿಫ್ಟಿಯಲ್ಲಿಯೂ ಗಣನೀಯ ಇಳಿಕೆ ಕಂಡುಬಂದಿದ್ದು, ಭಾರತೀಯ ಮಾರುಕಟ್ಟೆ ಕುಸಿತದ ಆರಂಭಕ್ಕೆ ಮುನ್ನವೇ ಸೂಚನೆ ನೀಡಿತ್ತು.

ಇಂತಹ ಅಸ್ಥಿರ ಪರಿಸ್ಥಿತಿಯಲ್ಲಿ ಹೂಡಿಕೆದಾರರು ಎಚ್ಚರಿಕೆಯಿಂದ ಮುಂದುವರಿಯಬೇಕೆಂದು ತಜ್ಞರು ಸಲಹೆ ನೀಡುತ್ತಿದ್ದಾರೆ.

ಮುಂದಿನ ಕೆಲವು ದಿನಗಳು ಮಾರುಕಟ್ಟೆಯ ದಿಕ್ಕು ಜಾಗತಿಕ ಬೆಳವಣಿಗೆಗಳ ಮೇಲೆ ಅವಲಂಬಿತವಾಗಿರಲಿದೆ.

ಇದನ್ನು ಓದಿ : https://vijayatimes.com/trump-confidence-about-war/