Asad Rauf passes away: ಅಂತಾರಾಷ್ಟ್ರೀಯ ಕ್ರಿಕೆಟ್‌ನ ಒಟ್ಟು 231 ಪಂದ್ಯಗಳಲ್ಲಿ ಅಸದ್ ರೌಫ್ ಅಂಪೈರಿಂಗ್ ಮಾಡಿದ್ದಾರೆ.

ಇದರಲ್ಲಿ 64 ಟೆಸ್ಟ್, 28 ಟಿ20 ಮತ್ತು 139 ಏಕದಿನ ಪಂದ್ಯಗಳು ಸೇರಿವೆ.

Lahore : ಪಾಕಿಸ್ತಾನದ (Pakistan) ಮಾಜಿ ಅಂಪೈರ್ ಅಸದ್ ರೌಫ್ (Asad Rauf) ಅವರು ಹಠಾತ್‌ ಹೃದಯ ಸ್ತಂಭನದಿಂದ (Heart Attack) ನಿಧನರಾಗಿದ್ದಾರೆ.

ಅಸದ್‌ ರೌಫ್ ಅವರಿಗೆ 66 ವಯಸ್ಸಾಗಿದ್ದು, ಲಾಹೋರ್‌ನಲ್ಲಿ(Lahore) ಅವರು ನಿಧನರಾಗಿದ್ದಾರೆ ಎಂದು ಪಾಕಿಸ್ತಾನದ ಮಾದ್ಯಮಗಳು ವರದಿ ಮಾಡಿವೆ.

ಲೆಜೆಂಡರಿ ಅಂಪೈರ್ (Umpire) ಅಸದ್‌ ರೌಫ್ ಕುರಿತು ಅವರ ಸಹೋದರ ತಾಹಿರ್ ಮಾತನಾಡಿ, ಲಾಹೋರ್ನ ಲಾಂಡಾ ಬಜಾರ್ನಲ್ಲಿ ತನ್ನ ಬಟ್ಟೆ ಅಂಗಡಿಯನ್ನು ಮುಚ್ಚಿ,

ರಾತ್ರಿ ಮನೆಗೆ ಹಿಂದಿರುಗುತ್ತಿದ್ದಾಗ ಹಠಾತ್‌ ಹೃದಯ ಸ್ತಂಭನ ಸಂಭವಿಸಿದ್ದರಿಂದ, ಅವರನ್ನು ಖಾಸಗಿ ಆಸ್ಪತ್ರೆಗೆ ಸಾಗಿಸುತ್ತಿದ್ದಾಗ ಮಾರ್ಗ ಮಧ್ಯೆದಲ್ಲಿ ರೌಫ್‌ ನಿಧನರಾದರು ಎಂದು ತಾಹಿರ್ ಹೇಳಿದ್ದಾರೆ.

ಅಸದ್‌ ರೌಫ್ ಅವರು ಅಲೀಮ್ ದಾರ್ ಅವರಂತಹ ಅಂಪೈರ್ಗಳೊಂದಿಗೆ ಕಾರ್ಯನಿರ್ವಹಿಸಿದ್ದು, 2006ರಲ್ಲಿ ಅಸದ್‌ ರೌಫ್ ಅವರನ್ನು ಐಸಿಸಿಯ ಎಲೈಟ್ ಪ್ಯಾನೆಲ್ ಆಫ್ ಅಂಪೈರ್ಗಳ ಪಟ್ಟಿಗೆ ಸೇರಿಸಲಾಯಿತು,

ನಂತರ ಅಸದ್‌ ರೌಫ್ ಅವರು 47 ಟೆಸ್ಟ್, 98 ಏಕದಿನ ಪಂದ್ಯಗಳು ಮತ್ತು 23 ಟಿ-20 ಪಂದ್ಯಗಳಲ್ಲಿ ಅಂಪೈರ್ ಆಗಿ ಕಾರ್ಯನಿರ್ವಹಿಸಿದರು.

https://youtu.be/U56Q90vPhl0 ಹಿಂದಿ ನಿಷೇಧಾಜ್ಞೆ !

2013 ರಲ್ಲಿ ಅಂಪೈರ್ಗಳ ಗಣ್ಯರ ಸಮಿತಿಯಿಂದ ಅವರನ್ನು ಕೈಬಿಡುವ ಮೊದಲು ಅವರು ಏಳು ವರ್ಷಗಳ ಕಾಲ ಅಗ್ರಸ್ಥಾನದಲ್ಲಿ ಸೇವೆ ಸಲ್ಲಿಸಿದ್ದರು. ಅಸದ್‌ ರೌಫ್ ಅವರು 1998 ರಲ್ಲಿ ತಮ್ಮ ಅಂಪೈರಿಂಗ್ ಪ್ರಯಾಣವನ್ನು ಪ್ರಾರಂಭಿಸಿದರು.

2000 ರಲ್ಲಿ ಪಾಕಿಸ್ತಾನ ಮತ್ತು ಶ್ರೀಲಂಕಾ ನಡುವಿನ ಏಕದಿನ ಪಂದ್ಯದಲ್ಲಿ ತಮ್ಮ ಅಂತರಾಷ್ಟ್ರೀಯ ಚೊಚ್ಚಲ ಪಂದ್ಯಕ್ಕೆ ಅಂಪೈರಿಂಗ್‌ ಮಾಡಿದರು.

ನಂತರ 2004 ರಲ್ಲಿ ಅಸದ್‌ ರೌಫ್ ಅವರನ್ನು ಮೊದಲ ಬಾರಿಗೆ ಅಂತರಾಷ್ಟ್ರೀಯ ಅಂಪೈರ್ಗಳ ಸಮಿತಿಗೆ ಸೇರಿಸಲಾಯಿತು. ಅಸದ್‌ ರೌಫ್ ಅವರು ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ (Indian Premier League) ಅಂಪೈರಿಂಗ್‌ ಮಾಡಿದರು.

ಆದರೆ 2013ರ ಐಪಿಎಲ್‌ನ ಸ್ಪಾಟ್ ಫಿಕ್ಸಿಂಗ್ ಪ್ರಕರಣದಲ್ಲಿ ಅವರ ಹೆಸರು ಕಾಣಿಸಿಕೊಂಡ ನಂತರ,

ರೌಫ್ ಅವರ ವೃತ್ತಿಜೀವನವು ಅವನತಿಗೆ ಹೋಯಿತು. ದಕ್ಷ ಅಂಪೈರ್ ಆಗಿದ್ದಲ್ಲದೆ, ರೌಫ್ ಪಾಕಿಸ್ತಾನದಲ್ಲಿ ಹೆಸರಾಂತ ಪ್ರಥಮ ದರ್ಜೆ ಕ್ರಿಕೆಟಿಗರಾಗಿದ್ದರು. 71 ಪ್ರಥಮ ದರ್ಜೆ ಮತ್ತು 40 ಲಿಸ್ಟ್ ಎ ಪಂದ್ಯಗಳಲ್ಲಿ, ರೌಫ್ ಮೂರು ಶತಕ ಮತ್ತು 26 ಅರ್ಧ ಶತಕಗಳೊಂದಿಗೆ ಕ್ರಮವಾಗಿ 3423 ಮತ್ತು 611 ರನ್ ಗಳಿಸಿದರು.

ಇದನ್ನೂ ಓದಿ : https://vijayatimes.com/dalit-teens-raped-and-hanged/

ಲಾಹೋರ್, ನ್ಯಾಷನಲ್ ಬ್ಯಾಂಕ್ ಆಫ್ ಪಾಕಿಸ್ತಾನ್, ಪಾಕಿಸ್ತಾನ್ ರೈಲ್ವೇಸ್ ಮತ್ತು ಪಾಕಿಸ್ತಾನ್ ವಿಶ್ವವಿದ್ಯಾಲಯಗಳ ಪರ ರೌಫ್‌ಆಡಿದ್ದರು.