- ರಿಮ್ಸ್ ಆಸ್ಪತ್ರೆಯ ರೋಗಿಗಳನ್ನೇ ಟಾರ್ಗೆಟ್ ಮಾಡಿರುವ ಖದೀಮರು
- ಸರ್ಕಾರದಿಂದ ಹಣ ಮಂಜೂರಾಗಿದೆ ಎಂದು ನಂಬಿಸಿ ವಂಚನೆ
- ಹೆರಿಗೆ ಅಥವಾ ಇತರೆ ಯಾವುದೇ ಚಿಕಿತ್ಸೆ ತೆಗೆದುಕೊಂಡವರೇ ಇವರ ಟಾರ್ಗೆಟ್
ರಾಯಚೂರು: ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದ ರೋಗಿಗಳನ್ನು ಬಿಡುತ್ತಿಲ್ಲ ಸೈಬರ್ ವಂಚಕರು(Cyber fraudsters), ಜಿಲ್ಲೆಯ ರಿಮ್ಸ್ ಆಸ್ಪತ್ರೆಯ(RIMS Hospital) ರೋಗಿಗಳನ್ನೇ
ಟಾರ್ಗೆಟ್ ಮಾಡಿರುವ ವಂಚಕರು ಸರ್ಕಾರದಿಂದ ಹಣ ಮಂಜೂರಾಗಿದೆ ಎಂದು ನಂಬಿಸಿ ಹಣ ಲಪಟಾಯಿಸಿ ಮೋಸ ಮಾಡುತ್ತಿದ್ದಾರೆ. ತಮಗೆ ಬಂದಿರುವ ಆರೋಗ್ಯ ಸಮಸ್ಯೆಗೆ(health problem)
ಸಾಲ ಮಾಡಿ ಹಣ ಹೊಂದಿಸಿಕೊಂಡು ಚಿಕಿತ್ಸೆ ಪಡೆದುಕೊಂಡಿರುತ್ತಾರೆ, ಅಂಥವರನ್ನೂ ಬಿಡುತ್ತಿಲ್ಲ ಈ ನೀಚರು.
ಜಿಲ್ಲೆಯ ರಿಮ್ಸ್ ಆಸ್ಪತ್ರೆಯಲ್ಲಿ ಹೆರಿಗೆ ಅಥವಾ ಇತರೆ ಯಾವುದೇ ಚಿಕಿತ್ಸೆ ತೆಗೆದುಕೊಂಡಿದ್ದರೇ ಅವರನ್ನು ಕಿರಾತಕರು ಟಾರ್ಗೆಟ್ ಮಾಡಿ ಸರ್ಕಾರದಿಂದ ಹಣ ಮಂಜೂರಾಗಿದೆ ಎಂದು ನಂಬಿಸಿ ವಂಚಕರು ಮೋಸ ಮಾಡುತ್ತಿದ್ದಾರೆ.
ಇದೆಲ್ಲಾ ನಡೆಯತ್ತಿರುವುದು ಒಂದು ಎರಡು ತಿಂಗಳಿನಿಂದ ಅಲ್ಲ, ಕಳೆದ 1 ವರ್ಷದಿಂದ ರೋಗಿಗಳಿಗೆ ವಂಚಿಸುತ್ತಲೇ ಬಂದಿದ್ದಾರೆ.
ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದ ರೋಗಿಗಳ ಸ್ಕ್ಯಾನಿಂಗ್, ಔಷಧ ಹಾಗೂ ಎಕ್ಸ್ರೇ ವಿಭಾಗಗಳಲ್ಲಿ ರೋಗಿಗಳ ಹೆಸರು, ವಿಳಾಸ ಮತ್ತು ಮೊಬೈಲ್ ಸಂಖ್ಯೆ ಪಡೆಯುತ್ತಾರೆ,
ನಂತರ ಚಿಕಿತ್ಸೆ ಪಡೆದ ಕೆಲ ದಿನಗಳ ನಂತರ ರೋಗಿಗಳಿಗೆ ಕರೆ ಮಾಡಿ ನಾವು ರಿಮ್ಸ್ ಆಸ್ಪತ್ರೆಯಿಂದ ಕರೆ ಮಾಡುತ್ತಿದ್ದೇವೆ ನಿಮಗೆ ಸರ್ಕಾರದಿಂದ 25,750 ರೂಪಾಯಿ ಮಂಜೂರಾಗಿದೆ.
ಈ ಹಣ ಪಡೆಯಲು ಆಧಾರ್ ಕಾರ್ಡ್, ಬ್ಯಾಂಕ್ ಪಾಸ್ಬುಕ್ ವಾಟ್ಸಾಪ್ ಮಾಡಿ, ಜೊತೆಗೆ 2,200 ರೂಪಾಯಿ ನೋಂದಣಿ ಶುಲ್ಕ ಪಾವತಿಸಿ ಎಂದು ಆಸ್ಪತ್ರೆಯ ರೋಗಿಗಳಿಗೆ ವಂಚಿಸುತ್ತಾ ಬಂದಿದ್ದಾರೆ.
ರೋಗಿಗಳು ಸಹ ಇವರ ಮಾತನ್ನು ನಂಬಿ ವಂಚನೆಗೊಳಗಾಗಿದ್ದಾರೆ, ಈ ವಂಚನೆಯ ಅರಿವಿಲ್ಲದ ರೋಗಿಗಳು ಅವರು ಕೇಳಿದ ದಾಖಲೆಯ ಜೊತೆ 2,200 ರೂಪಾಯಿ ನೋಂದಣಿ ಶುಲ್ಕ ಪಾವತಿಸಿ
ನಂತರ ವಾಪಸ್ ಫೋನ್ ಮಾಡಿದರೆ ಮೊಬೈಲ್ ಸ್ವಿಚ್ಡ್ ಆಫ್ ಆಗಿರುತ್ತದೆ. ಇಲ್ಲಿಯವರೆಗು ಸರಿಸುಮಾರು 60ಕ್ಕೂ ಹೆಚ್ಚು ಪ್ರಕರಣಗಳಲ್ಲಿ ಸುಮಾರು 1.20 ಲಕ್ಷ ರೂಪಾಯಿ ಮೋಸ ಮಾಡಿದ್ದಾರೆ.
ಇದನ್ನು ಓದಿ : ವೈದ್ಯಕೀಯ ವಿದ್ಯಾರ್ಥಿಗಳಿಗೆ ಸಿಹಿ ಸುದ್ದಿ: ಕರ್ನಾಟಕಕ್ಕೆ 400 ಹೆಚ್ಚುವರಿ MBBS ಸೀಟು ನೀಡಲು NMC ಅನುಮೋದನೆ
ಸೈಬರ್ ವಂಚನೆ(Cyber fraud) ಪ್ರಕರಣಗಳು ನಿರಂತರ ಹೆಚ್ಚಾಗುತ್ತಿರುವ ಕಾರಣ ರಾಯಚೂರಿನ ಮಾರ್ಕೆಟ್ ಯಾರ್ಡ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಲಾಗಿದೆ.
