New Delhi: ರಾಷ್ಟ್ರ ರಾಜಧಾನಿಯಲ್ಲಿ ದಾಖಲೆ ಮಟ್ಟದ ಶಾಖದ ತಾಪಮಾನಕ್ಕೆ ಸಾಕ್ಷಿಯಾಗಿದೆ. ನಗರದ ನಜಫ್ಗರ್, ನರೆಲಾ ಮತ್ತು ಮಂಗೇಶ್ಪುರ್ (Najafgarh, Narela and Mangeshpur)ನ ರಾಜಧಾನಿಯಲ್ಲಿ ಇದೇ ಮೊದಲ ಬಾರಿಗೆ 50 ಡಿಗ್ರಿ ಸೆಲ್ಸಿಯಸ್ ತಾಪಮಾನ ದಾಖಲಾಗಿದೆ. ನರೇಲಾ ಮತ್ತು ಮಂಗೇಶ್ಪುರದಲ್ಲಿ 49.9 ಡಿಗ್ರಿ ತಾಪಮಾನ ದಾಖಲಾದರೆ, ನಜಫ್ಗರ್ನಲ್ಲಿ 49.5 ಡಿಗ್ರಿ ತಾಪಮಾನ ದಾಖಲಾಗಿದೆ. ಹವಾಮಾನ ಇಲಾಖೆ ಪ್ರಕಾರ, ದೆಹಲಿ (Dehli) ಯಲ್ಲಿ ಇದೇ ಮೊದಲ ಬಾರಿಗೆ ಗರಿಷ್ಠ ತಾಪಮಾನ ದಾಖಲಾಗಿದೆ. ಈ ಪ್ರಮಾಣವು ಸಾಧಾರಣಕ್ಕಿಂತ 2.8 ಡಿಗ್ರಿ ಸೆಲ್ಸಿಯಸ್ ಅಷ್ಟು ಹೆಚ್ಚಾಗಲಿದೆ.
ದೆಹಲಿಯ ಗೀತಾ ಕಾಲೋನಿಯಂತಹ ಪ್ರದೇಶಗಳು ಮತ್ತು ಚಾಣಕ್ಯಪುರಿಯ ಕೆಲವು ಭಾಗಗಳಿಗೆ ಟ್ಯಾಂಕರ್‌ಗಳ (Tanker) ಮೂಲಕ ಸೀಮಿತ ನೀರು ಸರಬರಾಜು ಮಾಡಲಾಗುತ್ತಿದೆ. ಜನರು ನೀರಿನ ಟ್ಯಾಂಕರ್ ಅನ್ನು ಸುತ್ತುವರೆದು ತಮ್ಮ ದೈನಂದಿನ ಪೂರೈಕೆಗೆ ನೀರು ಸಂಗ್ರಹಿಸಲು ಪರಸ್ಪರ ಜಗಳ ಮಾಡುವ ದೃಶ್ಯಗಳು ಸಾಮನ್ಯವಾಗಿ ನೋಡಬಹುದಾಗಿದೆ. ದೆಹಲಿ ಸರ್ಕಾರವು ಇದೀಗ ನಿವಾಸಿಗಳಿಗೆ ನೀರನ್ನು ಮಿತವಾಗಿ ಬಳಸುವಂತೆ ಮನವಿ ಮಾಡಿದೆ.
ನೀರು ವ್ಯರ್ಥವಾಗುತ್ತಿರುವ ಪ್ರಕರಣಗಳನ್ನು ಗುರುತಿಸಲು ಮತ್ತು ಪರಿಶೀಲಿಸಲು 200 ಜನರ ತಂಡಗಳನ್ನು ರಚಿಸಲಾಗಿದೆ. ಕಾರುಗಳನ್ನು ತೊಳೆಯುವುದು, ನೀರಿನ ಟ್ಯಾಂಕ್‌ಗಳನ್ನು ತುಂಬಿ ಹರಿಸುವುದು ಮತ್ತು ವಾಣಿಜ್ಯ ಉದ್ದೇಶಗಳಿಗಾಗಿ ಕುಡಿಯುವ ನೀರನ್ನು ಬಳಸುವುದು ಮುಂತಾದ ಚಟುವಟಿಕೆಗಳಿಗೆ 2000 ರೂಪಾಯಿ ದಂಡ ವಿಧಿಸಲಾಗುತ್ತಿದೆ.
ಇನ್ನು ಒಂದು ತಿಂಗಳ ಮಟ್ಟಿಗೆ ಹರ್ಯಾಣ, ಉತ್ತರ ಪ್ರದೇಶ (Haryana, Uttar Pradesh) ಹಾಗೂ ಹಿಮಾಚಲ ಪ್ರದೇಶದಿಂದ ರಾಷ್ಟ್ರ ರಾಜಧಾನಿಗೆ ಹೆಚ್ಚುವರಿ ನೀರು ಪೂರೈಸಲು ನಿರ್ದೇಶನ ನೀಡಬೇಕು ಎಂದು ದಿಲ್ಲಿಯ ಆಪ್ ಸರಕಾರ ಸುಪ್ರೀಂ ಕೋರ್ಟ್ (Supreme Court) ಮೆಟ್ಟಿಲೇರಿದೆ.ಶಾಖದ ಅಲೆ ಹೆಚ್ಚುತ್ತಿದ್ದು, ಮಧ್ಯಾಹ್ನದ ಬಿಸಿಲು ಕಾದ ಕೆಂಡಂತಿರುತ್ತದೆ. ಈ ಸಮಯದಲ್ಲಿ ಆರೋಗ್ಯ ಸಂಬಂಧಿ ಸಮಸ್ಯೆಗಳು ಹೆಚ್ಚುವ ಸಾಧ್ಯತೆ ಇದೆ. ರಾಷ್ಟ್ರ ರಾಜಧಾನಿಯಲ್ಲಿ ತೀವ್ರ ಸ್ವರೂಪದ ಧಗೆ ಇರುವುದರಿಂದ ನೀರಿಗಾಗಿನ ಬೇಡಿಕೆ ಹೆಚ್ಚಳಗೊಂಡಿದೆ ಎಂದು ದಿಲ್ಲಿ ಸರಕಾರವು ಸುಪ್ರೀಂ ಕೋರ್ಟ್ ಗೆ ಮನವಿಯನ್ನು ಸಲ್ಲಿಸಿದೆ.
