• ಐಟಿ ಉದ್ಯೋಗಿಗಳ ಮಾನಸಿಕ (depression among IT employees ) ಆರೋಗ್ಯಕ್ಕೆ ಹೆಚ್ಚಿನ ಒತ್ತು
• ಟ್ರಾಫಿಕ್, ಡೆಡ್‌ಲೈನ್‌ಗಳು ಮತ್ತು ವರ್ಕ್–ಲೈಫ್ ಬ್ಯಾಲೆನ್ಸ್ ಕೊರತೆಯಿಂದ ಹೆಚ್ಚುತ್ತಿರುವ ಖಿನ್ನತೆ
• ಯೋಗ, ನಿದ್ರೆ, ಸೆಲ್ಫ್ ಕೇರ್ ಮೂಲಕ ಮಾನಸಿಕ ನೆಮ್ಮದಿ ಪಡೆಯುವ ಮಾರ್ಗಗಳು

Bengaluru: ಬೆಂಗಳೂರು ಎಂಬ ಮಹಾನಗರಿ ಇಂದು ಕೇವಲ ತಂತ್ರಜ್ಞಾನ ಮತ್ತು ಉದ್ಯೋಗ (depression among IT employees) ಅವಕಾಶಗಳ ಕೇಂದ್ರವಾಗಿಯೇ ಉಳಿದಿಲ್ಲ; ವೇಗದ ಜೀವನಶೈಲಿ, ಕೆಲಸದ ಒತ್ತಡ ಮತ್ತು ಸಾಮಾಜಿಕ ಒಂಟಿತನದ ಕಾರಣದಿಂದ ಮಾನಸಿಕ ಆರೋಗ್ಯ ಸಮಸ್ಯೆಗಳಿಗೂ ಹೆಸರುವಾಸಿಯಾಗುತ್ತಿದೆ.

ಇತ್ತೀಚೆಗೆ ಬಹಿರಂಗವಾದ ವರದಿಗಳ ಪ್ರಕಾರ, ಕಳೆದ ಒಂದೇ ವರ್ಷದಲ್ಲಿ ನಗರದಲ್ಲಿ ಖಿನ್ನತೆ ಮತ್ತು ಡಿಪ್ರೆಷನ್ (Depression) ಸಂಬಂಧಿತ ಪ್ರಕರಣಗಳು ಶೇಕಡಾ 10 ರಿಂದ 250ರಷ್ಟು ಹೆಚ್ಚಳವಾಗಿವೆ. ಇದು ಕೇವಲ ಸಂಖ್ಯೆಯಲ್ಲ, ಸಮಾಜಕ್ಕೆ ಎಚ್ಚರಿಕೆ ನೀಡುವ ಗಂಭೀರ ಸಂಕೇತವಾಗಿದೆ.

ವಿಶೇಷವಾಗಿ ಸಿಲಿಕಾನ್ ಸಿಟಿ ಎಂದೇ ಗುರುತಿಸಲ್ಪಡುವ ಬೆಂಗಳೂರಿನಲ್ಲಿ ಮಾನಸಿಕ ನೆಮ್ಮದಿ ಕಾಪಾಡಿಕೊಳ್ಳುವುದು ದೊಡ್ಡ ಸವಾಲಾಗಿ ಮಾರ್ಪಟ್ಟಿದೆ.

ಈ ಖಿನ್ನತೆ ಸಮಸ್ಯೆ ಹೆಚ್ಚಾಗಿ 30ರಿಂದ 40 ವರ್ಷದ ವಯೋಮಾನದವರಲ್ಲಿ ಕಂಡುಬರುತ್ತಿರುವುದು ಮತ್ತಷ್ಟು ಆತಂಕಕಾರಿ ವಿಷಯ.

ಈ ವಯಸ್ಸು ಸಾಮಾನ್ಯವಾಗಿ ವೃತ್ತಿಜೀವನದ ತೀವ್ರ (depression among IT employees) ಹಂತವಾಗಿದ್ದು, ಕುಟುಂಬದ ಹೊಣೆಗಾರಿಕೆಗಳು, ಆರ್ಥಿಕ ಒತ್ತಡ, ಉದ್ಯೋಗದ ಭದ್ರತೆ ಕುರಿತ ಆತಂಕಗಳು ಒಂದೇ ಸಮಯದಲ್ಲಿ ಎದುರಾಗುತ್ತವೆ.

ಅದರಲ್ಲೂ ಐಟಿ ಕ್ಷೇತ್ರದಲ್ಲಿ ಕೆಲಸ ಮಾಡುವವರಲ್ಲಿ ಡಿಪ್ರೆಷನ್ ಹೆಚ್ಚು ಕಾಣಿಸಿಕೊಳ್ಳುತ್ತಿದೆ ಎಂಬುದನ್ನು ತಜ್ಞರು ಸೂಚಿಸುತ್ತಿದ್ದಾರೆ.

ದಿನದ ಬಹುಪಾಲು ಸಮಯವನ್ನು ಕಂಪ್ಯೂಟರ್ ಮುಂದೆ ಕಳೆಯುವುದು, ನಿರಂತರ ಡೆಡ್‌ಲೈನ್‌ಗಳು (Deadline) , ರಾತ್ರಿ ಪಾಳಿಗಳು ಮತ್ತು ವರ್ಕ್–ಲೈಫ್ ಬ್ಯಾಲೆನ್ಸ್ (Work-Life Balance) ಕೊರತೆ ಮಾನಸಿಕ ಒತ್ತಡವನ್ನು ಹೆಚ್ಚಿಸುತ್ತಿದೆ.

ಬೆಂಗಳೂರು ನಗರದ ಜೀವನಶೈಲಿಯೂ ಈ ಸಮಸ್ಯೆಗೆ ಇಂಧನ ನೀಡುತ್ತಿದೆ. ಭಾರಿ ಟ್ರಾಫಿಕ್ (Traffic) , ದೀರ್ಘ ಪ್ರಯಾಣ ಸಮಯ, ಸಾಮಾಜಿಕ ಸಂಪರ್ಕಗಳ ಕೊರತೆ, ಅಪಾರ್ಟ್‌ಮೆಂಟ್ ಸಂಸ್ಕೃತಿ ಎಲ್ಲ ಸೇರಿ ಒಂಟಿತನವನ್ನು ಹೆಚ್ಚಿಸುತ್ತಿವೆ.

ಕೆಲಸದ ನಂತರ ವಿಶ್ರಾಂತಿ ಪಡೆಯಲು ಸಮಯವಿಲ್ಲದೆ, ಮನಸ್ಸಿಗೆ ವಿಶ್ರಾಂತಿ ಕೊಡುವ ಚಟುವಟಿಕೆಗಳಿಂದ ಜನರು ದೂರವಾಗುತ್ತಿದ್ದಾರೆ.

ಇದರ ಪರಿಣಾಮವಾಗಿ ಆತಂಕ, ನಿದ್ರಾಹೀನತೆ ಮತ್ತು ಖಿನ್ನತೆ ನಿಧಾನವಾಗಿ ಆವರಿಸುತ್ತಿವೆ. ಈ ಹಿನ್ನೆಲೆಯಲ್ಲಿ ನಗರದಲ್ಲಿ ಸೈಕ್ಯಾಟ್ರಿಕ್ ಕ್ಲಿನಿಕ್‌ಗಳ (Psychiatric Clinic) ಸಂಖ್ಯೆ ಹೆಚ್ಚಾಗುತ್ತಿರುವುದು ಕೂಡ ಗಮನಾರ್ಹ ಸಂಗತಿಯಾಗಿದೆ.

ವೈದ್ಯರು ಹೇಳುವಂತೆ, ಕ್ಲಿನಿಕಲ್ ಡಿಪ್ರೆಷನ್ ಎಂದರೆ ಕೇವಲ ದುಃಖ ಅಥವಾ ಬೇಸರವಲ್ಲ. ಇದು ದೀರ್ಘಕಾಲದ ಮಾನಸಿಕ ಸಮಸ್ಯೆಯಾಗಿದ್ದು, ಸಮಯಕ್ಕೆ ಸರಿಯಾಗಿ ಚಿಕಿತ್ಸೆ ಪಡೆಯದಿದ್ದರೆ ಜೀವನದ ಗುಣಮಟ್ಟವನ್ನು ತೀವ್ರವಾಗಿ ಕುಗ್ಗಿಸಬಹುದು.

ನಿರಂತರ ಒತ್ತಡ, ಅಸಮತೋಲನ ಆಹಾರ, ಜಂಕ್ ಫುಡ್ ಸೇವನೆ, ಮದ್ಯಪಾನ, ದೈಹಿಕ ಚಟುವಟಿಕೆಗಳ ಕೊರತೆ ಇವೆಲ್ಲವೂ ಡಿಪ್ರೆಷನ್‌ಗೆ ಕಾರಣವಾಗುತ್ತವೆ. ಐಟಿ ಉದ್ಯೋಗಿಗಳಲ್ಲಿ ಹೆಚ್ಚಾಗಿ ಕಾಣಿಸಿಕೊಳ್ಳುವ ಈ ಸಮಸ್ಯೆ ಬಗ್ಗೆ ಈಗಲೇ ಎಚ್ಚರ ವಹಿಸುವುದು ಅತ್ಯಗತ್ಯವಾಗಿದೆ.

ಮಾನಸಿಕ ಆರೋಗ್ಯ ಕಾಪಾಡಿಕೊಳ್ಳಲು ವೈದ್ಯರು ಕೆಲವು ಸರಳ ಆದರೆ ಪರಿಣಾಮಕಾರಿ ಸಲಹೆಗಳನ್ನು ನೀಡುತ್ತಿದ್ದಾರೆ.

ಪ್ರತಿದಿನ ಕನಿಷ್ಠ 7–8 ಗಂಟೆಗಳ ನಿದ್ದೆ, ನಿಯಮಿತ ವ್ಯಾಯಾಮ, ಯೋಗ ಮತ್ತು ಧ್ಯಾನ, ಆರೋಗ್ಯಕರ ಆಹಾರ ಪದ್ಧತಿ ಮತ್ತು ಸೆಲ್ಫ್ ಕೇರ್ ರೂಟೀನ್ ಅಳವಡಿಸಿಕೊಳ್ಳುವುದು ಬಹಳ ಮುಖ್ಯ.

ಅಗತ್ಯವಿದ್ದರೆ ತಜ್ಞರ ಸಲಹೆ ಪಡೆಯುವುದನ್ನು ಹಿಂಜರಿಯಬಾರದು. ಖಿನ್ನತೆ ಒಂದು ರೋಗ; ಇದಕ್ಕೆ ಚಿಕಿತ್ಸೆ ಇದೆ ಎಂಬ ಅರಿವು ಸಮಾಜದಲ್ಲಿ ಹೆಚ್ಚಬೇಕು.

ಬೆಂಗಳೂರಿನಂತಹ ವೇಗದ ನಗರದಲ್ಲಿ ಬದುಕುತ್ತಿರುವ ಪ್ರತಿಯೊಬ್ಬರೂ ತಮ್ಮ ಮನಸ್ಸಿನ ಆರೋಗ್ಯಕ್ಕೂ ಸಮಾನ ಮಹತ್ವ ನೀಡಬೇಕಾದ ಸಮಯ ಇದಾಗಿದೆ.