ಓಲಾ, ಉಬರ್ ಸೇರಿ ಎಲ್ಲಾ ಕ್ಯಾಬ್‌ಗಳಿಗೆ ಹೊಸ ರೂಲ್ಸ್: ಡಿಜಿಟಲ್ ಮೀಟರ್ ಕಡ್ಡಾಯ

ಕ್ಯಾಬ್‌ಗಳಲ್ಲಿ ಮನಬಂದಂತೆ ಹಣ (Digital meter in cab) ಕೇಳುವಂತಿಲ್ಲ; ಕರ್ನಾಟಕದಲ್ಲಿ ಡಿಜಿಟಲ್ ಫೇರ್ ಮೀಟರ್ ಕಡ್ಡಾಯ

ಟ್ಯಾಕ್ಸಿ, ಮೋಟರ್ ಕ್ಯಾಬ್‌ಗಳಿಂದ ಆ್ಯಪ್ ಆಧಾರಿತ ವಾಹನಗಳವರೆಗೆ ಹೊಸ ನಿಯಮ ಅನ್ವಯ

ಮೊದಲ 4 ಕಿ.ಮೀಗೆ ನಿಗದಿತ ದರ, ಬಳಿಕ ಪ್ರತಿ ಕಿ.ಮೀಗೆ ನಿಗದಿತ ಶುಲ್ಕ; ವೈಟಿಂಗ್‌ಗೂ ಹೊಸ ನಿಯಮ

Bengaluru : ರಾಜ್ಯದಲ್ಲಿ ಟ್ಯಾಕ್ಸಿ ಹಾಗೂ ಕ್ಯಾಬ್‌ಗಳಲ್ಲಿ ಪ್ರಯಾಣಿಸುವ ಪ್ರಯಾಣಿಕರಿಗೆ (Digital meter in cab) ಇನ್ನು ಮುಂದೆ ದರದ ವಿಚಾರದಲ್ಲಿ ಹೆಚ್ಚಿನ ಪಾರದರ್ಶಕತೆ ಸಿಗುವ ಸಾಧ್ಯತೆ ಇದೆ.

ಕರ್ನಾಟಕ ಸರ್ಕಾರವು ರಾಜ್ಯದಲ್ಲಿ ಸಂಚರಿಸುವ ಟ್ಯಾಕ್ಸಿ ಮತ್ತು ಆ್ಯಪ್ ಆಧಾರಿತ ಕ್ಯಾಬ್‌ಗಳಿಗೆ ಡಿಜಿಟಲ್ ಫೇರ್ ಮೀಟರ್ ಅಳವಡಿಸುವುದನ್ನು ಕಡ್ಡಾಯಗೊಳಿಸಿ ಅಧಿಕೃತ ಆದೇಶ

ಹೊರಡಿಸಿದೆ. ಪ್ರಯಾಣಿಕರಿಂದ ನಿಗದಿತ ದರಕ್ಕಿಂತ ಹೆಚ್ಚಿನ ಹಣ ವಸೂಲಿ ಮಾಡುವ ದೂರುಗಳು ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಸಾರಿಗೆ ಇಲಾಖೆ ಈ ಮಹತ್ವದ ಕ್ರಮ ಕೈಗೊಂಡಿದೆ.

ವಿಶೇಷವಾಗಿ ಬೆಂಗಳೂರು ನಗರದಲ್ಲಿ ಕ್ಯಾಬ್ ಸೇವೆ ಬಳಸುವವರ ಸಂಖ್ಯೆ ಹೆಚ್ಚಿದ್ದು, ಕೆಲ ಸಂದರ್ಭಗಳಲ್ಲಿ (Digital meter in cab) ಪ್ರಯಾಣದ ದೂರಕ್ಕೆ ಅನುಗುಣವಾಗಿರದ ದರ ವಸೂಲಿ ಮಾಡಲಾಗುತ್ತಿದೆ ಎಂಬ ಆರೋಪಗಳು ಕೇಳಿಬಂದಿದ್ದವು.

ಈ ಹಿನ್ನೆಲೆಯಲ್ಲಿ ಪ್ರಯಾಣಿಕರಿಗೆ ನಿಗದಿತ ದರದಲ್ಲಿ ಸೇವೆ ದೊರೆಯುವಂತೆ ಮಾಡಲು ಡಿಜಿಟಲ್ ಮೀಟರ್ (Digital Meter) ವ್ಯವಸ್ಥೆಯನ್ನು ಕಡ್ಡಾಯಗೊಳಿಸಲಾಗಿದೆ.

ಸಾರಿಗೆ ಇಲಾಖೆಯ ಈ ನಿರ್ಧಾರವು ಟ್ಯಾಕ್ಸಿ ಸೇವೆಯಲ್ಲಿ ದರ ನಿಗದಿ ಮತ್ತು ವಸೂಲಾತಿಗೆ ಹೆಚ್ಚು ನಿಯಂತ್ರಣ ತರುವ ನಿರೀಕ್ಷೆ ಮೂಡಿಸಿದೆ.

ಬೆಂಗಳೂರು ನಗರದಲ್ಲಿ ಪ್ರಸ್ತುತ ಸುಮಾರು 70ರಿಂದ 80 ಸಾವಿರ ಟ್ಯಾಕ್ಸಿಗಳು ಸಂಚರಿಸುತ್ತಿವೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ನಗರದಲ್ಲಿ ಪ್ರತಿದಿನ ಸಾವಿರಾರು ಮಂದಿ

ಕಚೇರಿ, ವಿಮಾನ ನಿಲ್ದಾಣ, ರೈಲು ನಿಲ್ದಾಣ ಸೇರಿದಂತೆ ವಿವಿಧ ಸ್ಥಳಗಳಿಗೆ ತೆರಳಲು ಟ್ಯಾಕ್ಸಿ ಮತ್ತು ಆ್ಯಪ್ ಆಧಾರಿತ ಕ್ಯಾಬ್‌ಗಳನ್ನು ಅವಲಂಬಿಸಿದ್ದಾರೆ.

ಆದರೆ ಕೆಲವೊಮ್ಮೆ ಪ್ರಯಾಣದ ಆರಂಭಕ್ಕೂ ಮುನ್ನವೇ ಹೆಚ್ಚಿನ ದರ ತೋರಿಸುವುದು, ಪ್ರಯಾಣ ಮುಗಿದ ಬಳಿಕ ನಿರೀಕ್ಷೆಗಿಂತ ಹೆಚ್ಚಿನ ಮೊತ್ತ ಕೇಳುವುದು ಸೇರಿದಂತೆ ವಿವಿಧ ರೀತಿಯ ದೂರುಗಳು ಕೇಳಿಬರುತ್ತಿದ್ದವು.

ಈ ಹಿನ್ನೆಲೆಯಲ್ಲಿ ಪ್ರಯಾಣಿಕರ ಹಿತ ಕಾಪಾಡುವ ಉದ್ದೇಶದಿಂದ ಸಾರಿಗೆ ಇಲಾಖೆ ನಿಗದಿಪಡಿಸಿರುವ ದರದ ಆಧಾರದ ಮೇಲೆ ಹಣ ವಸೂಲಿ ಮಾಡುವ ವ್ಯವಸ್ಥೆ ಜಾರಿಗೆ ತರಲಾಗಿದೆ.

ಡಿಜಿಟಲ್ ಮೀಟರ್ ಅಳವಡಿಕೆಯಿಂದ ಪ್ರಯಾಣದ ದೂರ ಮತ್ತು ಅನ್ವಯವಾಗುವ ದರವನ್ನು ಸ್ಪಷ್ಟವಾಗಿ ತಿಳಿದುಕೊಳ್ಳಲು ಸಾಧ್ಯವಾಗಲಿದೆ. ಇದರಿಂದ ಗ್ರಾಹಕರಿಗೂ ಚಾಲಕರಿಗೂ ದರದ ಬಗ್ಗೆ ಗೊಂದಲ ಕಡಿಮೆಯಾಗುವ ನಿರೀಕ್ಷೆಯಿದೆ.

ಸಾರಿಗೆ ಇಲಾಖೆ ನಿಗದಿಪಡಿಸಿರುವ ದರ ವಾಹನದ ಮೌಲ್ಯಕ್ಕೆ ಅನುಗುಣವಾಗಿ ಬದಲಾಗುತ್ತದೆ. ₹10 ಲಕ್ಷಕ್ಕಿಂತ ಕಡಿಮೆ ಮೌಲ್ಯದ ವಾಹನಗಳಿಗೆ ಮೊದಲ 4 ಕಿಲೋಮೀಟರ್‌ಗೆ ಕನಿಷ್ಠ ₹100 ದರ ನಿಗದಿಪಡಿಸಲಾಗಿದೆ.

ನಂತರದ ಪ್ರತಿ ಕಿಲೋಮೀಟರ್‌ಗೆ ₹24 ಪಾವತಿಸಬೇಕಾಗುತ್ತದೆ. ₹10 ಲಕ್ಷದಿಂದ ₹15 ಲಕ್ಷದವರೆಗೆ ಮೌಲ್ಯ ಹೊಂದಿರುವ ವಾಹನಗಳಿಗೆ ಮೊದಲ 4 ಕಿಲೋಮೀಟರ್‌ವರೆಗೆ ಕನಿಷ್ಠ ₹115 ದರ ಇರಲಿದೆ. ಬಳಿಕ ಪ್ರತಿ ಕಿಲೋಮೀಟರ್‌ಗೆ ₹28 ದರ ನಿಗದಿಯಾಗಿದೆ.

ಅದೇ ರೀತಿ ₹15 ಲಕ್ಷಕ್ಕಿಂತ ಹೆಚ್ಚಿನ ಮೌಲ್ಯದ ವಾಹನಗಳಿಗೆ ಮೊದಲ 4 ಕಿಲೋಮೀಟರ್‌ಗೆ ₹130 ಹಾಗೂ ನಂತರದ ಪ್ರತಿ ಕಿಲೋಮೀಟರ್‌ಗೆ ₹32 ದರ ನಿಗದಿಪಡಿಸಲಾಗಿದೆ.

ಹೀಗಾಗಿ ಪ್ರಯಾಣಿಕರು ಯಾವ ರೀತಿಯ ವಾಹನದಲ್ಲಿ ಸಂಚರಿಸುತ್ತಿದ್ದಾರೆ ಎಂಬುದರ ಆಧಾರದ ಮೇಲೆ ಅನ್ವಯವಾಗುವ ದರವನ್ನು ತಿಳಿದುಕೊಳ್ಳಬಹುದಾಗಿದೆ.

ವೈಟಿಂಗ್ ಚಾರ್ಜ್‌ಗೂ ಸಾರಿಗೆ ಇಲಾಖೆ ಸ್ಪಷ್ಟ ನಿಯಮವನ್ನು ಪ್ರಕಟಿಸಿದೆ. ಟ್ಯಾಕ್ಸಿ ಕಾಯುತ್ತಿರುವ ಸಂದರ್ಭದಲ್ಲಿ ಮೊದಲ 5 ನಿಮಿಷಗಳವರೆಗೆ ಯಾವುದೇ ವೈಟಿಂಗ್

ಚಾರ್ಜ್ (Waiting charge) ವಿಧಿಸುವಂತಿಲ್ಲ. ಐದು ನಿಮಿಷಗಳ ನಂತರ ಪ್ರತಿ ಒಂದು ನಿಮಿಷಕ್ಕೆ ₹1ರಂತೆ ಶುಲ್ಕ ವಿಧಿಸಲು ಅವಕಾಶ ನೀಡಲಾಗಿದೆ.

ಇದಲ್ಲದೆ, ರಾತ್ರಿ 12 ಗಂಟೆಯಿಂದ ಬೆಳಗ್ಗೆ 6 ಗಂಟೆಯವರೆಗೆ ಸಂಚರಿಸುವ ಟ್ಯಾಕ್ಸಿಗಳಿಗೆ ಶೇ.10ರಷ್ಟು ಹೆಚ್ಚುವರಿ ದರ ನಿಗದಿಪಡಿಸಲಾಗಿದೆ. ಈ ನಿಯಮಗಳ ಮೂಲಕ ಪ್ರಯಾಣಿಕರಿಗೆ ದರದ ಬಗ್ಗೆ ಮುಂಚಿತವಾಗಿ ಸ್ಪಷ್ಟತೆ ದೊರೆಯಲಿದೆ.

ಸಾರಿಗೆ ಇಲಾಖೆಯ ಈ ಹೊಸ ನಿಯಮವು ಸಾಮಾನ್ಯ ಟ್ಯಾಕ್ಸಿಗಳಷ್ಟೇ ಅಲ್ಲದೆ, ಕಾಂಟ್ರಾಕ್ಟ್ ಕ್ಯಾರೇಜ್ (Contract Carriage) ಅಥವಾ ಮೋಟರ್ ಕ್ಯಾಬ್‌ಗಳು (Motor Cab) ಮತ್ತು ಓಲಾ, ಉಬರ್‌ನಂತಹ ಆ್ಯಪ್ ಆಧಾರಿತ ಅಗ್ರಿಗೇಟರ್ ಸೇವೆಗಳಿಗೂ ಅನ್ವಯವಾಗಲಿದೆ ಎಂದು ತಿಳಿಸಲಾಗಿದೆ.

ಸರ್ಕಾರ ನಿಗದಿಪಡಿಸಿರುವ ದರಕ್ಕಿಂತ ಹೆಚ್ಚಿನ ಹಣವನ್ನು ವಸೂಲಿ ಮಾಡುವುದನ್ನು ತಡೆಯುವುದು ಹಾಗೂ ಪ್ರಯಾಣಿಕರಿಗೆ ಪಾರದರ್ಶಕ ಸೇವೆ ಒದಗಿಸುವುದು ಈ ಕ್ರಮದ ಪ್ರಮುಖ ಉದ್ದೇಶವಾಗಿದೆ.

ಡಿಜಿಟಲ್ ಮೀಟರ್ ಕಡ್ಡಾಯದಿಂದ ಇನ್ನು ಮುಂದೆ ಪ್ರಯಾಣಿಕರು ಎಷ್ಟು ದೂರ ಸಂಚರಿಸಿದ್ದಾರೆ ಮತ್ತು ಅದಕ್ಕೆ ಎಷ್ಟು ದರ ಪಾವತಿಸಬೇಕು ಎಂಬುದನ್ನು ಸ್ಪಷ್ಟವಾಗಿ ತಿಳಿದುಕೊಳ್ಳಲು ಸಾಧ್ಯವಾಗಲಿದೆ.

ಟ್ಯಾಕ್ಸಿ ಸೇವೆಯಲ್ಲಿ ದರದ ವಿಚಾರವಾಗಿ ನಡೆಯುತ್ತಿದ್ದ ಗೊಂದಲ ಮತ್ತು ಹೆಚ್ಚುವರಿ ಹಣ ವಸೂಲಿ ಕುರಿತ ದೂರುಗಳಿಗೆ ಈ ಕ್ರಮ ಕಡಿವಾಣ ಹಾಕುವ ನಿರೀಕ್ಷೆಯಿದೆ.

ಇದನ್ನು ಓದಿ : https://vijayatimes.com/cylinder-booking-rules-relaxed/