ಬೆಂಗಳೂರಿನಲ್ಲಿ ಆಟೋ ಬಾಡಿಗೆ (digital meters for autos) ವಿವಾದಕ್ಕೆ ಡಿಜಿಟಲ್ ಪರಿಹಾರ

ಸವಾರಿ ನಿರಾಕರಣೆ ಮಾಡದಂತೆ ತಡೆಯಲು ಪಾರದರ್ಶಕ ಡಿಜಿಟಲ್ ಮೀಟರ್ ಅಳವಡಿಕೆ

ಮೀಟರ್ ದರವನ್ನು ನೇರವಾಗಿ ಪರಿಶೀಲಿಸುವ ಸೌಲಭ್ಯ; ಪ್ರಯಾಣಿಕರ ವಿಶ್ವಾಸ ಹೆಚ್ಚಿಸಲು ಹೊಸ ಪ್ರಯತ್ನ

Bengaluru : ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಆಟೋ ಪ್ರಯಾಣಿಕರು ವರ್ಷಗಳಿಂದ (digital meters for autos) ಎದುರಿಸುತ್ತಿರುವ ಎರಡು ಪ್ರಮುಖ ಸಮಸ್ಯೆಗಳಾದ ಸವಾರಿ ನಿರಾಕರಣೆ ಹಾಗೂ ಮೀಟರ್‌ಗಿಂತ ಹೆಚ್ಚು ಬಾಡಿಗೆ ವಸೂಲಿಗೆ ಈಗ ಹೊಸ ತಂತ್ರಜ್ಞಾನ ಪರಿಹಾರ ನೀಡುವತ್ತ ಹೆಜ್ಜೆಯಿಡಲಾಗಿದೆ.

‘ನಗರ ಮೀಟರ್ ಆಟೋ’ ಎಂಬ ಡಿಜಿಟಲ್ (Digital) ವೇದಿಕೆ ಹೊಸ ಮೀಟರ್ ವ್ಯವಸ್ಥೆಯನ್ನು ಪರಿಚಯಿಸಿದ್ದು, ಇನ್ಮುಂದೆ ರಸ್ತೆಯಲ್ಲಿ ನೇರವಾಗಿ ಆಟೋ ನಿಲ್ಲಿಸಿ

ಪ್ರಯಾಣ ಆರಂಭಿಸಿದರೂ ಸರ್ಕಾರ ನಿಗದಿಪಡಿಸಿರುವ ಅಧಿಕೃತ ಮೀಟರ್ ದರದಲ್ಲೇ ಪಾರದರ್ಶಕವಾಗಿ ಬಾಡಿಗೆ ಪಾವತಿಸುವ ಅವಕಾಶ ದೊರೆಯಲಿದೆ.

ಇದರಿಂದ ಪ್ರಯಾಣಿಕರಿಗೆ ನ್ಯಾಯಯುತ ದರದಲ್ಲಿ ಸೇವೆ ಸಿಗುವುದರ ಜೊತೆಗೆ ಆಟೋ ಚಾಲಕರಿಗೂ ಸುಲಭ ಹಾಗೂ ವಿಶ್ವಾಸಾರ್ಹ ವ್ಯವಸ್ಥೆ ಲಭ್ಯವಾಗಲಿದೆ.

ಈ ಹೊಸ ವ್ಯವಸ್ಥೆಯ ವಿಶೇಷತೆ ಎಂದರೆ ಯಾವುದೇ ಮೊಬೈಲ್ ಆಪ್ ಮೂಲಕ (digital meters for autos) ಮುಂಗಡ ಬುಕ್ಕಿಂಗ್ ಮಾಡುವ ಅಗತ್ಯವಿಲ್ಲ. ಪ್ರಯಾಣಿಕರು ರಸ್ತೆಯಲ್ಲಿ ಸಂಚರಿಸುತ್ತಿರುವ ಆಟೋವನ್ನು ನೇರವಾಗಿ ನಿಲ್ಲಿಸಿ ಹತ್ತಬಹುದು.

ಚಾಲಕರು ತಮ್ಮ ಮೊಬೈಲ್‌ನಲ್ಲಿರುವ ಡಿಜಿಟಲ್ ಮೀಟರ್ ಅಪ್ಲಿಕೇಶನ್ (Application) ಮೂಲಕ ಪ್ರಯಾಣ ಆರಂಭಿಸಿದ ಕೂಡಲೇ ಬಾಡಿಗೆಯ ಲೆಕ್ಕಾಚಾರ ಆರಂಭವಾಗುತ್ತದೆ.

ಆಟೋದಲ್ಲಿರುವ ಕ್ಯೂಆರ್ ಕೋಡ್ ಅನ್ನು ಸ್ಕ್ಯಾನ್ ಮಾಡುವ ಮೂಲಕ ಅಥವಾ ಪ್ರಯಾಣಿಕರಿಗೆ ಕಳುಹಿಸಲಾಗುವ ಎಸ್‌ಎಂಎಸ್ ಅಥವಾ ವಾಟ್ಸಾಪ್ ಲಿಂಕ್

(Whatsapp Link) ಮೂಲಕ ಪ್ರಯಾಣದ ಸಂಪೂರ್ಣ ವಿವರ ಹಾಗೂ ಬಾಡಿಗೆ ಎಷ್ಟು ಆಗುತ್ತಿದೆ ಎಂಬುದನ್ನು ಕ್ಷಣಕ್ಷಣಕ್ಕೂ ಲೈವ್‌ನಲ್ಲಿ ವೀಕ್ಷಿಸಬಹುದು.

ಸರ್ಕಾರ ನಿಗದಿಪಡಿಸಿರುವ ಅಧಿಕೃತ ಮೀಟರ್ ದರದ ಆಧಾರದ ಮೇಲೆಯೇ ಲೆಕ್ಕಾಚಾರ ನಡೆಯುವುದರಿಂದ ಹೆಚ್ಚುವರಿ ಹಣ ಕೇಳುವ ಅವಕಾಶವೇ ಇರುವುದಿಲ್ಲ.

ಬೆಂಗಳೂರಿನಲ್ಲಿ ವಿಶೇಷವಾಗಿ ಮೆಟ್ರೋ ನಿಲ್ದಾಣಗಳು, ಬಸ್ ನಿಲ್ದಾಣಗಳು, ಐಟಿ ಪಾರ್ಕ್‌ಗಳು ಹಾಗೂ ಜನಸಂದಣಿ ಹೆಚ್ಚಿರುವ ಪ್ರದೇಶಗಳಲ್ಲಿ ಆಟೋ ಚಾಲಕರು

ಮೀಟರ್‌ನಲ್ಲಿ ಬರಲು ನಿರಾಕರಿಸುವುದು ಅಥವಾ ಗಮ್ಯಸ್ಥಾನ ಕೇಳಿ ಹೆಚ್ಚಿನ ಹಣಕ್ಕೆ ಬೇಡಿಕೆ ಇಡುವುದು ಸಾಮಾನ್ಯ ದೂರು ಆಗಿತ್ತು.

ಹೊಸ ಡಿಜಿಟಲ್ ಮೀಟರ್ ವ್ಯವಸ್ಥೆ ಜಾರಿಯಾದರೆ ಈ ರೀತಿಯ ಚೌಕಾಸಿ ಹಾಗೂ ವಾಗ್ವಾದಗಳಿಗೆ ಅಂತ್ಯ ಸಿಗುವ ನಿರೀಕ್ಷೆ ಇದೆ. ಪ್ರಯಾಣಿಕರಿಗೆ ಮೊದಲೇ ದರದ ಸ್ಪಷ್ಟ ಮಾಹಿತಿ ಸಿಗುವುದರಿಂದ ಸೇವೆಯ ಮೇಲಿನ ವಿಶ್ವಾಸವೂ ಹೆಚ್ಚಲಿದೆ.

ಪಾರದರ್ಶಕತೆ ಹೆಚ್ಚುವುದರಿಂದ ಆಟೋ ಸೇವೆಯ ಗುಣಮಟ್ಟ ಸುಧಾರಿಸುವ ಸಾಧ್ಯತೆಯಿದೆ ಎಂದು ಸಾರಿಗೆ ಕ್ಷೇತ್ರದ ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ.

‘ನಗರ ಮೀಟರ್ ಆಟೋ’ ಸಂಸ್ಥೆಯ ಸಂಸ್ಥಾಪಕರು ಈ ಕುರಿತು ಮಾತನಾಡುತ್ತಾ, ಬೆಂಗಳೂರಿನ ಬಹುತೇಕ ಪ್ರಯಾಣಿಕರು ಸವಾರಿ ನಿರಾಕರಣೆ ಮತ್ತು ದುಬಾರಿ ಬಾಡಿಗೆ ಬಗ್ಗೆ ನಿರಂತರವಾಗಿ ದೂರು ನೀಡುತ್ತಿರುವ ಹಿನ್ನೆಲೆಯಲ್ಲಿ ಈ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಲಾಗಿದೆ ಎಂದು ತಿಳಿಸಿದ್ದಾರೆ.

ಈ ವ್ಯವಸ್ಥೆಯ ಪ್ರಮುಖ ಉದ್ದೇಶ ಪ್ರಯಾಣಿಕರಿಗೆ ನ್ಯಾಯಸಮ್ಮತ ದರದಲ್ಲಿ ಸೇವೆ ಒದಗಿಸುವುದರ ಜೊತೆಗೆ ಆಟೋ ಚಾಲಕರಿಗೂ ನೇರವಾಗಿ ಸಿಗುವ ಗ್ರಾಹಕರಿಂದ ಆದಾಯ ಗಳಿಸಲು ಅನುಕೂಲ ಕಲ್ಪಿಸುವುದಾಗಿದೆ.

ಆನ್‌ಲೈನ್ ಬುಕ್ಕಿಂಗ್‌ಗಾಗಿ ಕಾಯುವ ಅವಶ್ಯಕತೆ ಇಲ್ಲದೆ, ರಸ್ತೆಯಲ್ಲೇ ಸಿಗುವ ಪ್ರಯಾಣಿಕರನ್ನು ಅಧಿಕೃತ ಮೀಟರ್ ದರದಲ್ಲೇ ಕರೆದೊಯ್ಯಲು ಚಾಲಕರಿಗೆ ಅವಕಾಶ ದೊರೆಯುತ್ತದೆ.

ಈಗಾಗಲೇ ನೂರಾರು ಆಟೋಗಳು ಈ ವ್ಯವಸ್ಥೆಗೆ ಸೇರ್ಪಡೆಯಾಗಿದ್ದು, ಪ್ರತಿದಿನದ ಸವಾರಿಗಳ ಸಂಖ್ಯೆಯೂ ಗಣನೀಯವಾಗಿ ಹೆಚ್ಚುತ್ತಿದೆ ಎಂದು ಸಂಸ್ಥೆ ಮಾಹಿತಿ ನೀಡಿದೆ.

ಒಟ್ಟಾರೆ, ಡಿಜಿಟಲ್ ಮೀಟರ್ ವ್ಯವಸ್ಥೆ ಬೆಂಗಳೂರಿನ ಆಟೋ ಸೇವೆಯಲ್ಲಿ ಮಹತ್ವದ ಬದಲಾವಣೆಗೆ ಕಾರಣವಾಗುವ ಸಾಧ್ಯತೆ ಇದೆ. ಪ್ರಯಾಣಿಕರು ಸರ್ಕಾರದ ಅಧಿಕೃತ

ದರದಲ್ಲೇ ಸುರಕ್ಷಿತ ಹಾಗೂ ಪಾರದರ್ಶಕ ಸೇವೆ ಪಡೆಯುವಂತಾಗುವುದರ ಜೊತೆಗೆ ಆಟೋ ಚಾಲಕರಿಗೂ ವಿಶ್ವಾಸಾರ್ಹ ತಂತ್ರಜ್ಞಾನ ದೊರೆಯಲಿದೆ.

ಸವಾರಿ ನಿರಾಕರಣೆ, ಹೆಚ್ಚುವರಿ ಹಣದ ಬೇಡಿಕೆ ಹಾಗೂ ಬಾಡಿಗೆ ವಿವಾದಗಳಿಗೆ ಕಡಿವಾಣ ಹಾಕುವ ಉದ್ದೇಶದಿಂದ ಪರಿಚಯವಾಗಿರುವ ಈ ಹೊಸ ವ್ಯವಸ್ಥೆ ಯಶಸ್ವಿಯಾದರೆ, ಮುಂದಿನ ದಿನಗಳಲ್ಲಿ ರಾಜ್ಯದ ಇತರ ನಗರಗಳಿಗೂ ವಿಸ್ತರಿಸುವ ಸಾಧ್ಯತೆ ಇದೆ. ಸಾರ್ವಜನಿಕ ಸಾರಿಗೆಯಲ್ಲಿ ಡಿಜಿಟಲ್ ತಂತ್ರಜ್ಞಾನ ಬಳಕೆಗೆ ಇದು ಮತ್ತೊಂದು ಮಹತ್ವದ ಹೆಜ್ಜೆಯಾಗಲಿದೆ.

ಇದನ್ನು ಓದಿ : https://vijayatimes.com/permission-mandatory-for-rss-route-marches/