ರಾಜ್ಯದಲ್ಲಿ ಕೋಲಾಹಲವಾಗಿರುವ ಪೊಲೀಸ್ ಸಬ್ ಇನ್ಸ್‌ಪೆಕ್ಟರ್(Police SubInspector) ಪಿಎಸ್ಐ(PSI) ನೇಮಕಾತಿ ಪರೀಕ್ಷೆ ಹಗರಣಕ್ಕೆ ಸಂಬಂಧಿಸಿದಂತೆ ಬೆಂಗಳೂರಿನ ಕೇಂದ್ರಗಳಲ್ಲಿ ಪರೀಕ್ಷೆ ಬರೆದ ವಂಚಕರನ್ನು ಪತ್ತೆ ಹಚ್ಚಿದ ಸಿಐಡಿ ವಾರಾಂತ್ಯದಲ್ಲಿ ಮತ್ತಷ್ಟು ಆರೋಪಿಗಳನ್ನು ಬಂಧಿಸಿದೆ.

ಕಲಬುರಗಿ(Kalburgi) ಹೊರತುಪಡಿಸಿ ಇತರ ಕೇಂದ್ರಗಳಲ್ಲಿ ಕಳೆದ ವರ್ಷದ ಪೊಲೀಸ್ ಸಬ್‌ಇನ್‌ಸ್ಪೆಕ್ಟರ್ ನೇಮಕಾತಿ ಪರೀಕ್ಷೆಯಲ್ಲಿ ದೊಡ್ಡ ಪ್ರಮಾಣದ ನಕಲು ನಡೆದಿರುವುದು ಬೆಳಕಿಗೆ ಬಂದ ಬೆನ್ನಲ್ಲೇ, ಹಗರಣದ ತನಿಖೆ ನಡೆಸುತ್ತಿರುವ ಅಪರಾಧ ತನಿಖಾ ದಳ (ಸಿಐಡಿ) ಶನಿವಾರ ಬೆಂಗಳೂರಿನಲ್ಲಿ 12 ಜನರನ್ನು ಬಂಧಿಸಿದೆ. 12 ವ್ಯಕ್ತಿಗಳು ಪಿಎಸ್‌ಐ ನೇಮಕಾತಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದು, ಪ್ರಸ್ತುತ 10 ದಿನಗಳನ್ನು ಪೊಲೀಸ್ ಕಸ್ಟಡಿಯಲ್ಲಿ ಕಳೆಯುತ್ತಿದ್ದಾರೆ ಎಂದು ಹೇಳಲಾಗಿದೆ.

ಸಿಐಡಿ ಅಧಿಕಾರಿ ಪಿ. ನರಸಿಂಹಮೂರ್ತಿ ಅವರು ಹೈಗ್ರೌಂಡ್ಸ್ ಪೊಲೀಸ್ ಠಾಣೆಯಲ್ಲಿ ಹೊಸ ಎಫ್‌ಐಆರ್ ದಾಖಲಿಸಿದ ನಂತರ, ಪಿಎಸ್ಐ ಹಗರಣದಲ್ಲಿ ಬೆಂಗಳೂರಿನ 22 ಅಭ್ಯರ್ಥಿಗಳನ್ನು ಆರೋಪಿಗಳೆಂದು ಪಟ್ಟಿ ಮಾಡಲಾಗಿದೆ. ಈ ಅಭ್ಯರ್ಥಿಗಳೆಲ್ಲರೂ ಬೆಂಗಳೂರಿನ ಮೂರು ವಿವಿಧ ಕೇಂದ್ರಗಳಲ್ಲಿ ಹಗರಣ-ಕಳಂಕಿತ ಪರೀಕ್ಷೆಯನ್ನು ತೆಗೆದುಕೊಂಡಿದ್ದಾರೆ ಎಂದು ಹೇಳಲಾಗಿದೆ. ಎಫ್‌ಐಆರ್‌ನಲ್ಲಿ ದಾಖಲಾಗಿರುವ 22 ಅಭ್ಯರ್ಥಿಗಳನ್ನು ಜಾಗೃತ್ ಎಸ್, ಗಜೇಂದ್ರ ಬಿ, ಸೋಮನಾಥ ಮಲ್ಲಿಕಾರ್ಜುನ ಹಿರೇಮಠ, ರಘುವೀರ್ ಎಚ್ ಯು, ಚೇತನ್ ಕುಮಾರ ಎಂಸಿ, ವೆಂಕಟೇಶ್ ಗೌಡ ಬಿ ಸಿ,

ಮನೋಜ್ ಎ ಪಿ, ಮನುಕುಮಾರ್ ಜಿ ಆರ್, ಸಿದ್ದಲಿಂಗಪ್ಪ ಪಡಶವಗಿ, ಮಮತೇಶಗೌಡ ಎಸ್, ಯಶವಂತಗೌಡ ಎಚ್, ನಾರಾಯಣ ಗೌಡ ಎಂದು ಗುರುತಿಸಲಾಗಿದೆ. ಸಿ ಎಂ, ನಾಗೇಶ್ ಗೌಡ ಸಿ ಎಸ್, ಮಧು ಆರ್, ಯಶವಂತ್ ದೀಪ್ ಸಿ, ದಿಲೀಪ್ ಕುಮಾರ್ ಸಿ ಕೆ, ರಚನಾ ಹಣಮಂತ್, ಶಿವರಾಜ ಜಿ, ಪ್ರವೀಣ್ ಕುಮಾರ್ ಹೆಚ್ ಆರ್, ಸೂರಿನಾರಾಯಣ ಕೆ, ನಾಗರಾಜ್ ಸಿ ಎಂ ಮತ್ತು ರಾಘವೇಂದ್ರ ಜಿ ಸಿ ವರದಿ ಪ್ರಕಾರ 172 ಅಭ್ಯರ್ಥಿಗಳು ಕಣಕ್ಕಿಳಿದಿದ್ದರು ಎಂದು ಸಿಐಡಿ ಅಧಿಕಾರಿ ತಿಳಿಸಿದ್ದಾರೆ.

ಸದ್ಯ ಪಿಎಸ್‍ಐ ಪ್ರಕರಣದಲ್ಲಿ ಕೇಳಿಬರುತ್ತಿರುವ ಆರೋಪಗಳನ್ನು ಉದ್ದೇಶಿಸಿ ಮಾತನಾಡಿದ ಕೆಪಿಸಿಸಿ ಅಧ್ಯಕ್ಷ(KPCC President), ಕಾಂಗ್ರೆಸ್ ರಾಜ್ಯಾಧ್ಯಕ್ಷ(Congress President) ಡಿ.ಕೆ ಶಿವಕುಮಾರ್(DK Shivkumar) ಅವರು, ಮಂತ್ರಿಗಳ ತಮ್ಮನ ವಿರುದ್ಧ ಆರೋಪವೂ ಕೇಳಿಬಂದಿದೆ. ತನಿಖೆಗೆ ಬಂದಾಗ ಮಂತ್ರಿಗಳೇ ಕರೆಮಾಡಿ ತನಿಖೆ ನಿಲ್ಲಿಸುವಂತೆ ಅಧಿಕಾರಿಗಳಿಗೆ ಕರೆ ಮಾಡಿ ತಿಳಿಸಿದ್ದಾರೆ. ಸಿಎಂಗೆ ಬದ್ದತೆ ಇದ್ರೆ, ನಿರ್ದಾಕ್ಷಿಣ್ಯವಾಗಿ ಕ್ರಮ ಕೈಗೊಳ್ಳಲ್ಲಿ!

ಪಿಎಸ್‍ಐ ಅಕ್ರಮದಲ್ಲಿ ಸಿಐಡಿ ಅವರ ತನಿಖೆಯಲ್ಲಿ ಆ ಮಂತ್ರಿಗಳ ಹೆಸರು ಕೂಡ ಕೇಳಿಬಂದಿದೆ. ಮಂತ್ರಿಯೊಬ್ಬರು ನಾವು ಗಂಡಸರಲ್ಲ ಅಂತಾರೇ…ಆಯ್ತು ಬಿಡಿ ನಾವು ಗಂಡಸರಲ್ಲ, ರಾಮನಗರದವರೆಲ್ಲಾ ಹೆಂಗಸರು ಎಂದು ಪರೋಕ್ಷವಾಗಿ `ಆ’ ಮಂತ್ರಿ ಎಂದು ಉಲ್ಲೇಖಿಸುವ ಮೂಲಕ ಡಿಕೆಶಿ ಪರೋಕ್ಷವಾಗಿ ಟಾಂಗ್ ನೀಡಿದ್ದಾರೆ.