ಇಂದಿನ ದಿನದಲ್ಲಿ ಒತ್ತಡ ಯಾರಿಗಿಲ್ಲ ಹೇಳಿ. ಬೆಳಗಾದರೆ ಕೆಲಸದ ಒತ್ತಡದಿಂದಾಗಿ ಅರೋಗ್ಯ ಕೆಡುತ್ತಿದೆ. ಅದರಲ್ಲೂ ಇಂದಿನ ಯುವ ಜನತೆಯರಲ್ಲಿ ಈಗಾಗಲೇ ಮಂಡಿ ನೋವು, ಕೀಲು ನೋವು, ಮೂಳೆಗಳ ಬಾಧೆ, ಮೈಕೈ ನೋವು (Knee Pain, Joint Pain, Bone Pain) ಇತ್ಯಾದಿ ಸಮಸ್ಯೆಗಳು ಸಣ್ಣ ವಯಸ್ಸಿನಲ್ಲಿಯೇ ಕಂಡು ಬರುತ್ತಿದೆ.
ಇದಕ್ಕೆ ಪ್ರಮುಖ ಕಾರಣ ಇಂದಿನ ಆಧುನಿಕ ಜೀವನ ಶೈಲಿ ಆಹಾರ ಪದ್ಧತಿ ಹಾಗೂ ಕೆಲವರಿಗೆ ಅನುವಂಶೀಯವಾಗಿ ಕೂಡ, ಈ ಸಮಸ್ಯೆ ಕಂಡು ಬರುತ್ತಿದೆ. ಆದರೆ ಹೆಚ್ಚಿನವರು ಸರಿಯಾದ ರೀತಿಯಲ್ಲಿ ಆಹಾರಕ್ರಮ, ಜಡ ಜೀವನಶೈಲಿ ಅನುಸರಿಸದೆ ಇರುವುದರಿಂದ ಕೂಡ ಸಣ್ಣ ವಯಸ್ಸಿಗೆ, ಈ ಸಮಸ್ಯೆಗೆ ಗುರಿಯಾಗುತ್ತಾರೆ.
ದೇಹದ ಮೂಳೆಗಳು ಬಲವಾಗಿರವುದು ನಾವು ಮಾಡುವ ದೈಹಿಕ ಚಟುವಟಿಕೆ ಹಾಗೂ ಮುಖ್ಯವಾಗಿ, ನಾವು ಪ್ರತಿದಿನ ಸೇವಿಸುವ ಆಹಾರ ಪದಾರ್ಥಗಳಿಂದ!
ಹೀಗಾಗಿ ದೇಹದ ಮೂಳೆಗಳು ಸದೃಢವಾಗಿರಬೇಕು ಎಂದರೆ ಕ್ಯಾಲ್ಸಿಯಂ (Calcium) ಅಂಶ ಹೆಚ್ಚಿರುವ ಆಹಾರಗಳನ್ನು ಹೆಚ್ಚಾಗಿ ಸೇವನೆ ಮಾಡಬೇಕು. ಅಂದರೆ ಕ್ಯಾಲ್ಸಿಯಂ ಅಂಶ ಹೆಚ್ಚಿರುವ ಹಣ್ಣುಗಳು, ತರಕಾರಿ ಗಳು, ಡೈರಿ ಉತ್ಪನ್ನಗಳು (Dairy Products) ಹಾಗೂ ಕ್ಯಾಲ್ಸಿಯಂ ಅಂಶ ಸಮೃದ್ಧ ವಾಗಿರುವ ದ್ವಿದಳ ಧಾನ್ಯಗಳನ್ನು ತಮ್ಮ ಆಹಾರಕ್ರಮದಲ್ಲಿ ಸೇರಿಸಿಕೊಳ್ಳಬೇಕು.
ಮೂಳೆಗಳಿಗೆ ಟಾನಿಕ್ (Tonic) ಎಂದೇ ಕರೆಸಿಕೊಳ್ಳುವ ಸಬ್ಬಸಿಗೆ ಸೊಪ್ಪಿನಲ್ಲಿ ವಿಟಮಿನ್ ಸಿ, ವಿಟಮಿನ್ ಬಿ ಕಾಂಪ್ಲೆಕ್ಸ್ (Vitamin C, Vitamin B, Complex) ಫ್ಲೇವನಾಯ್ಡ್ ಎಂಬ ಆಂಟಿ ಆಕ್ಸಿಡೆಂಟ್ ಅಂಶಗಳು ಹಾಗೂ ಕ್ಯಾಲ್ಸಿಯಂ ಅಂಶ ಹೆಚ್ಚಾಗಿ ಕಂಡು ಬರುತ್ತದೆ. ಹೀಗಾಗಿ ಇಂತಹ ಆರೋಗ್ಯಕಾರಿ ಸೊಪ್ಪನ್ನು ತಮ್ಮ ಆಹಾರ ಪದ್ಧತಿ ಯಲ್ಲಿ ಬಳಸಿಕೊಳ್ಳುವುದರಿಂದ, ಮೂಳೆಗಳಿಗೆ ಸಂಬಂಧಪಟ್ಟ ಸಮಸ್ಯೆಗಳು, ಕಾಲ ಕ್ರಮೇಣ ನಿಯಂತ್ರಣಕ್ಕೆ ಬರುತ್ತದೆ.
ಇವೆಲ್ಲಾದರ ಜೊತೆಗೆ, ನೋವು ನಿವಾರಕ ಗುಣಲಕ್ಷಣ ಗಳು ಕೂಡ ಹೆಚ್ಚಾಗಿವೆ. ಪ್ರಮುಖವಾಗಿ ವಯಸ್ಸಾದ ಬಳಿಕ ಕಾಡುವ, ಹಳೆಯ ಕೀಲುನೋವು ಹಾಗೂ ಮೂಳೆ ಗಳಿಗೆ ಸಂಬಂಧಪಟ್ಟ ಸಮಸ್ಯೆಗಳನ್ನು ದೂರ ಮಾಡಲು ಈ ಸೊಪ್ಪು ನೆರವಾಗುತ್ತದೆ.ಇನ್ನು ಸಬ್ಬಸಿಗೆ ಎಲೆಗಳು ಜೀರ್ಣಾಂಗ ವ್ಯವಸ್ಥೆಗೆ ಸಹಾಯ ಮಾಡುತ್ತದೆ. ಫೈಬರ್ (Fiber) ಅಂಶಗಳಿಂದ ಸಮೃದ್ಧವಾಗಿದೆ. ಇದು ಮಲಬದ್ಧತೆ ಸಮಸ್ಯೆಯನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಜೀರ್ಣಾಂಗ ವ್ಯವಸ್ಥೆಯನ್ನು ಸುಧಾರಿಸುವ ಮೂಲಕ ವಾಯು ಸಮಸ್ಯೆ ತೊಡೆದು ಹಾಕುತ್ತದೆ.
