- ಎಐ ತಂತ್ರಜ್ಞಾನ ದುರುಪಯೋಗ: ವಿಂಜೋ ಗೇಮಿಂಗ್ ಆ್ಯಪ್‌ನ (ed chargesheet against winzo ) ವಂಚನೆ ಕಥೆ ಬಹಿರಂಗ
- 700 ಕೋಟಿ ರೂ. ನೇರ ವಂಚನೆ ಆರೋಪ, ಸಾವಿರಾರು ಕೋಟಿ ಅಕ್ರಮ ಹಣ ವರ್ಗಾವಣೆ ತನಿಖೆಯಲ್ಲಿ ಪತ್ತೆ
- ಬ್ಯಾಂಕ್ ಖಾತೆ, ಕ್ರಿಪ್ಟೋ ವಾಲೆಟ್ ಸೇರಿ 690 ಕೋಟಿ ರೂ. ಆಸ್ತಿ ಸೀಜ್
Bengaluru: ಆನ್‌ಲೈನ್ ಗೇಮಿಂಗ್ (Online Gaming) ಕ್ಷೇತ್ರದಲ್ಲಿ ಭಾರೀ ಸದ್ದು ಮಾಡುತ್ತಿದ್ದ (ed chargesheet against winzo) ವಿಂಜೋ ಗೇಮಿಂಗ್ ಆ್ಯಪ್ (Winzo Gaming App) ವಿರುದ್ಧ ಜಾರಿ ನಿರ್ದೇಶನಾಲಯ (ಇ.ಡಿ) ಮಹತ್ವದ ಕ್ರಮ ಕೈಗೊಂಡಿದೆ.
ಅಕ್ರಮ ಹಣಕಾಸು ವಹಿವಾಟು ಹಾಗೂ ಬಳಕೆದಾರರಿಗೆ ವಂಚನೆ ನಡೆಸಿದ ಆರೋಪದ ಮೇಲೆ ಇ.ಡಿ ತನ್ನ ತನಿಖೆಯನ್ನು ಪೂರ್ಣಗೊಳಿಸಿ ನ್ಯಾಯಾಲಯಕ್ಕೆ ಚಾರ್ಜ್‌ಶೀಟ್ (Chargesheet) ಸಲ್ಲಿಸಿದೆ.
ತನಿಖೆಯ ವೇಳೆ ಬಹಿರಂಗಗೊಂಡ ಮಾಹಿತಿಗಳು ದೇಶದ ಆನ್‌ಲೈನ್ ಗೇಮಿಂಗ್ ಉದ್ಯಮದಲ್ಲಿ ಪಾರದರ್ಶಕತೆ ಮತ್ತು ನಿಯಂತ್ರಣಗಳ ಅಗತ್ಯವನ್ನು ಮತ್ತೆ ಚರ್ಚೆಗೆ ತಂದಿವೆ.
2021–22ರ ಅವಧಿಯಲ್ಲಿ ಮಾತ್ರವೇ ಸಾವಿರಾರು ಕೋಟಿ ರೂಪಾಯಿ ಮೌಲ್ಯದ ಹಣಕಾಸು ವ್ಯವಹಾರಗಳು ಸಂಶಯಾಸ್ಪದ ರೀತಿಯಲ್ಲಿ ನಡೆದಿರುವುದು ಅಧಿಕಾರಿಗಳ ಗಮನ ಸೆಳೆದಿದೆ.
ಇನ್ನು ಇ.ಡಿ ಅಧಿಕಾರಿಗಳು ತಿಳಿಸಿದಂತೆ, ವಿಂಜೋ ಗೇಮಿಂಗ್ ಆ್ಯಪ್ ಮೂಲಕ ಸುಮಾರು (ed chargesheet against winzo) 3,522 ಕೋಟಿ ರೂಪಾಯಿ ಅಕ್ರಮ ಹಣಕಾಸು ವಹಿವಾಟು ನಡೆದಿದೆ.
ಇದರಲ್ಲಿ ಸುಮಾರು 734 ಕೋಟಿ ರೂಪಾಯಿಯನ್ನು ನೇರವಾಗಿ ಬಳಕೆದಾರರಿಂದ ವಂಚಿಸಿ ಸಂಗ್ರಹಿಸಲಾಗಿದೆ ಎಂಬ ಗಂಭೀರ ಆರೋಪವಿದೆ.
ಆರಂಭದಲ್ಲಿ ಹೆಚ್ಚಿನ ಆದಾಯ, ಸುಲಭ ಗೆಲುವು ಎಂಬ ಭ್ರಮೆಯನ್ನು ಹುಟ್ಟಿಸಿ ಬಳಕೆದಾರರನ್ನು ಆ್ಯಪ್‌ಗೆ ಸೆಳೆಯಲಾಗುತ್ತಿತ್ತು.
ನಂತರ ಕ್ರಮಬದ್ಧವಾಗಿ ಹಣ ಕಳೆದುಕೊಳ್ಳುವಂತೆ ಆಟಗಳ ವಿನ್ಯಾಸ ಮಾಡಲಾಗಿತ್ತು ಎಂದು ತನಿಖೆಯಲ್ಲಿ ತಿಳಿದುಬಂದಿದೆ. ಈ ಎಲ್ಲಾ ಪ್ರಕ್ರಿಯೆಗಳು ಪೂರ್ವಯೋಜಿತವಾಗಿದ್ದು, ವಂಚನೆಯ ಉದ್ದೇಶದಿಂದಲೇ ಪ್ಲಾಟ್‌ಫಾರ್ಮ್ ನಿರ್ಮಾಣಗೊಂಡಿದೆ ಎಂಬುದು ಅಧಿಕಾರಿಗಳ ವಾದವಾಗಿದೆ.
ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬೆಂಗಳೂರು ಸೈಬರ್ ಕ್ರೈಂ (Cyber Crime) ಪೊಲೀಸ್ ಠಾಣೆ ಸೇರಿದಂತೆ ರಾಜಸ್ಥಾನ, ನವದೆಹಲಿ ಮತ್ತು ಗುರುಗ್ರಾಮ್‌ನಲ್ಲಿ ಪ್ರಕರಣಗಳು ದಾಖಲಾಗಿದ್ದವು.
ಇವುಗಳ ಆಧಾರದ ಮೇಲೆ ಇ.ಡಿ ಅಧಿಕಾರಿಗಳು 2025ರ ನವೆಂಬರ್ 18 ಮತ್ತು ಡಿಸೆಂಬರ್ 30ರಂದು ವಿಂಜೋಗೆ ಸಂಬಂಧಿಸಿದ ವಿವಿಧ ಕಚೇರಿಗಳು ಹಾಗೂ ಸ್ಥಳಗಳಲ್ಲಿ ದಾಳಿ ನಡೆಸಿದರು.
ದಾಳಿಯ ವೇಳೆ ಬ್ಯಾಂಕ್ ಖಾತೆಗಳಲ್ಲಿ ಇರಿಸಿದ್ದ ಹಣ, ಮ್ಯೂಚ್ಯುವಲ್ ಫಂಡ್ ಹೂಡಿಕೆಗಳು, ಸ್ಥಿರ ಠೇವಣಿಗಳು ಮತ್ತು ಕ್ರಿಪ್ಟೋ ಕರೆನ್ಸಿ ವಾಲೆಟ್‌ಗಳನ್ನು (Cryptocurrency Wallet) ಪರಿಶೀಲಿಸಲಾಯಿತು. ಈ ಎಲ್ಲದರಿಂದ ಒಟ್ಟಾರೆ ಸುಮಾರು 690 ಕೋಟಿ ರೂಪಾಯಿ ಮೌಲ್ಯದ ಆಸ್ತಿಗಳನ್ನು ಜಪ್ತಿ ಮಾಡಲಾಗಿದೆ ಎಂದು ಇ.ಡಿ ಸ್ಪಷ್ಟಪಡಿಸಿದೆ.
ತನಿಖೆಯಲ್ಲಿ ತಿಳಿದು ಬಂದ ಮತ್ತೊಂದು ಆತಂಕಕಾರಿ ಅಂಶವೆಂದರೆ ಎಐ (ಕೃತಕ ಬುದ್ಧಿಮತ್ತೆ) ತಂತ್ರಜ್ಞಾನ ಬಳಕೆಯಾಗಿದೆ. ವಿಂಜೋ ಆ್ಯಪ್‌ನಲ್ಲಿ 100ಕ್ಕೂ ಹೆಚ್ಚು ಆನ್‌ಲೈನ್ ಗೇಮಿಂಗ್ ಮಾದರಿಗಳನ್ನು ಪರಿಚಯಿಸಿ, ಆಟಗಾರರ ಆಟದ ಪ್ಯಾಟರ್ನ್‌ಗಳನ್ನು ವಿಶ್ಲೇಷಿಸಿ ಅವರನ್ನು ಸೋಲಿಸುವಂತೆ ಅಲ್ಗಾರಿದಮ್‌ಗಳನ್ನು ರೂಪಿಸಲಾಗಿದೆ ಎಂಬ ಆರೋಪವಿದೆ.
ದೇಶಾದ್ಯಂತ ಸುಮಾರು 25 ಕೋಟಿ ಬಳಕೆದಾರರು ಈ ಆ್ಯಪ್ ಬಳಸಿದ್ದಾಗಿ ಅಂದಾಜಿಸಲಾಗಿದ್ದು, ಎಐ ಆಧಾರಿತ ವ್ಯವಸ್ಥಿತ ಸೋಲುಗಳ ಮೂಲಕ ಕೋಟ್ಯಾಂತರ ರೂಪಾಯಿ ಸಂಗ್ರಹಿಸಲಾಗಿದೆ ಎಂದು ತನಿಖೆಯಲ್ಲಿ ಹೊರಬಂದಿದೆ.
ಈ ಅಕ್ರಮ ಹಣದ ಒಂದು ಭಾಗವನ್ನು ಯುಎಸ್ ಮತ್ತು ಸಿಂಗಾಪುರ ಮೂಲದ ಶೆಲ್ ಕಂಪನಿಗಳ ಮೂಲಕ ವಿದೇಶಗಳಿಗೆ ವರ್ಗಾಯಿಸಲಾಗಿದೆ ಎಂಬುದೂ ಪತ್ತೆಯಾಗಿದೆ.
ಸದ್ಯ ಇ.ಡಿ ನ್ಯಾಯಾಲಯಕ್ಕೆ ಚಾರ್ಜ್‌ಶೀಟ್ ಸಲ್ಲಿಸಿದ್ದು, ಮುಂದಿನ ಕಾನೂನು ಪ್ರಕ್ರಿಯೆಗಳು ಕೋರ್ಟ್‌ನಲ್ಲಿ ನಡೆಯಲಿವೆ.
ಈ ಪ್ರಕರಣವು ಆನ್‌ಲೈನ್ ಗೇಮಿಂಗ್ ಕ್ಷೇತ್ರದಲ್ಲಿ ಬಳಕೆದಾರರ ಸುರಕ್ಷತೆ, ಹಣಕಾಸು ಪಾರದರ್ಶಕತೆ ಮತ್ತು ತಂತ್ರಜ್ಞಾನ ಬಳಕೆಯ ಮೇಲ್ವಿಚಾರಣೆ ಎಷ್ಟು ಅಗತ್ಯವೋ ಎಂಬುದನ್ನು ಸ್ಪಷ್ಟವಾಗಿ ತೋರಿಸುತ್ತದೆ. ಸರ್ಕಾರ ಮತ್ತು ನಿಯಂತ್ರಣ ಸಂಸ್ಥೆಗಳು ಇಂತಹ ಪ್ಲಾಟ್‌ಫಾರ್ಮ್‌ಗಳ ಮೇಲೆ ಕಠಿಣ ನಿಗಾ ವಹಿಸಬೇಕೆಂಬ ಒತ್ತಾಯವೂ ಹೆಚ್ಚಾಗಿದೆ.
ಸಾರ್ವಜನಿಕರು ಸಹ ಸುಲಭ ಲಾಭದ ಆಮಿಷಗಳಿಗೆ ಒಳಗಾಗದೆ, ಆನ್‌ಲೈನ್ ಹೂಡಿಕೆ ಮತ್ತು ಗೇಮಿಂಗ್‌ನಲ್ಲಿ ಹೆಚ್ಚಿನ ಎಚ್ಚರಿಕೆ ವಹಿಸುವುದು ಅವಶ್ಯಕವಾಗಿದೆ.
ಇದನ್ನು ಓದಿ : https://vijayatimes.com/karnataka-eight-achievers-for-padma-awards/
