Bengaluru : ರಾಜ್ಯದಲ್ಲಿ ಕಾಂಗ್ರೆಸ್ (Congress) ನೇತೃತ್ವದ ಸರ್ಕಾರವು ಪ್ರತಿ ಮನೆಗೆ ಶುಲ್ಕವಿಲ್ಲದೆ 200 ಯೂನಿಟ್ ವಿದ್ಯುತ್ (200 units of electricity) ನೀಡುವ ‘ಗೃಹ ಜ್ಯೋತಿ’ ಯೋಜನೆಗೆ ಅನುಮೋದನೆ ನೀಡಿದೆ. ಇದರ ಬೆನ್ನಲ್ಲೇ ಈಗ ಗ್ರಾಹಕರಿಗೆ ವಿದ್ಯುತ್‌ ಬೆಲೆ ಏರಿಕೆಯ (Electricity price increase) ಶಾಕ್‌ ಕೂಡ ನೀಡಿದೆ. ಮೇ ತಿಂಗಳಲ್ಲಿ ಕರ್ನಾಟಕ ವಿದ್ಯುಚ್ಛಕ್ತಿ ನಿಯಂತ್ರಣ ಆಯೋಗವು ರಾಜ್ಯದಲ್ಲಿ ವಿದ್ಯುತ್ ದರವನ್ನು ಪ್ರತಿ ಯೂನಿಟ್‌ಗೆ 70 ಪೈಸೆ ಹೆಚ್ಚಿಸಿತ್ತು.

ಇದೀಗ ಮತ್ತೆ ಆಯೋಗವು ‘ಇಂಧನ ಮತ್ತು ವಿದ್ಯುತ್ ಖರೀದಿ ವೆಚ್ಚ ಹೊಂದಾಣಿಕೆ ಶುಲ್ಕ’ (FPPCA) ನೆಪವೊಡ್ಡಿ ಹೊಸ ಆದೇಶವನ್ನು ಹೊರಡಿಸಿದೆ. ಇದರ ಪ್ರಕಾರ ESKOM ಗಳಲ್ಲಿ ಪ್ರತಿ ಯೂನಿಟ್‌ಗೆ 51 ಪೈಸೆ ಹೆಚ್ಚಿಸಿದೆ. ಈ ಪರಿಷ್ಕೃತ ದರವನ್ನು ಜುಲೈನಿಂದ ವಿಧಿಸಲಾಗುವುದು, ಆದರೆ ‘ಗೃಹ ಜ್ಯೋತಿ’ಯ ಫಲಾನುಭವಿಗಳು ಈ ವಿದ್ಯುತ್ ದರ ಏರಿಕೆಉ ಆಘಾತದಿಂದ ಪಾರಾಗಿದ್ದಾರೆ.

ಚುನಾವಣೆ ಹಿನ್ನೆಲೆ ಮುಂದೂಡಿಕೆ :

ಪ್ರತಿ ಯೂನಿಟ್‌ಗೆ 70 ಪೈಸೆ ದರ ಏರಿಕೆಯನ್ನು ಏಪ್ರಿಲ್ 1 ರಿಂದ ಪೂರ್ವಾನ್ವಯವಾಗಿ ಪರಿಚಯಿಸಲಾಗಿದೆ ಮತ್ತು ಆದ್ದರಿಂದ, ಏಪ್ರಿಲ್ ಮತ್ತು ಮೇ ಹೆಚ್ಚುವರಿ (Electricity price increase) ಶುಲ್ಕಗಳನ್ನು ಜೂನ್‌ನಲ್ಲಿ ವಿಧಿಸಲಾಗುತ್ತದೆ. ಚುನಾವಣೆ ಕಾರಣ ಕೆಇಆರ್‌ಸಿ ಈ ಪ್ರಕ್ರಿಯೆಯನ್ನು ಮುಂದೂಡಿತ್ತು. ಸಾಮಾನ್ಯವಾಗಿ, ದರ ಏರಿಕೆ ಏಪ್ರಿಲ್ 1 ರಿಂದ ಜಾರಿಗೆ ಬರುತ್ತಿತ್ತು. ESKOM ಎದುರಿಸುತ್ತಿರುವ ಆದಾಯದ ಕೊರತೆಯನ್ನು ಪರಿಹರಿಸಲು, ಘಟಕಗಳನ್ನು 70 ಪೈಸೆ ಹೆಚ್ಚಿಸಲು ಪರಸ್ಪರ ನಿರ್ಧರಿಸಲಾಯಿತು.

ಇದನ್ನೂ ಓದಿ :  https://vijayatimes.com/congress-grulahakshmi-yojana/

2023ರ ಮಾ.13ರಂದು ಕೆಇಆರ್‌ಸಿ ಅನುಮೋದನೆ ನೀಡಿರುವ ಪ್ರಕಾರ,ಬೆಂಗಳೂರು (Bengaluru) ವಿದ್ಯುತ್‌ ಸರಬರಾಜು ನಿಗಮ ಏಪ್ರಿಲ್‌ನಿಂದ ಜೂನ್‌ವರೆಗೆ 1 ರೂ 1 ಪೈಸೆ, ಮೈಸೂರಿನ ಸೆಸ್ಕ್‌ 82 ಪೈಸೆ, ಮಂಗಳೂರಿನ ಮೆಸ್ಕಾಂ 93 ಪೈಸೆ, ಕಲಬುರಗಿಯ ಜೆಸ್ಕಾಂ 67 ಪೈಸೆ,ಹುಬ್ಬಳ್ಳಿಯ ಹೆಸ್ಕಾಂ 1 ರೂ ಯಷ್ಟು ದರ ಹೆಚ್ಚಳ ಮಾಡಬಹುದಿತ್ತು.

ಏಪ್ರಿಲ್‌ 1ರಿಂದ ಜೂನ್‌ 30ರವರೆಗೆ ಸಂಗ್ರಹಿಸುವ ಬದಲು 2023ರ ಜುಲೈ 1ರಿಂದ 2023ರ ಡಿ.31ರವರೆಗೆ ಈ ಹೊರೆಯನ್ನು ಆರು ತಿಂಗಳಿಗೆ ಹಂಚಿರುವುದರಿಂದ ವಸೂಲಿ ಮಾಡಲು ಅವಕಾಶ ನೀಡಲಾಗಿದೆ. ಮೊದಲ ಹಂತದಲ್ಲಿ ಜುಲೈನಿಂದ ಹೀಗಾಗಿ ಬೆಸ್ಕಾಂ (Bescom) ಗ್ರಾಹಕರಿಗೆ ಪ್ರತಿ ಯೂನಿಟ್‌ಗೆ 51 ಪೈಸೆ, ಸೆಸ್ಕ್‌ 41 ಪೈಸೆ, ಮೆಸ್ಕಾಂ (Mescom) 47 ಪೈಸೆ, ಹೆಸ್ಕಾಂ (Hescom) 50 ಪೈಸೆ,ಮತ್ತು ಜೆಸ್ಕಾಂ (Gescom) ವ್ಯಾಪ್ತಿಯಲ್ಲಿ 34 ಪೈಸೆಯಷ್ಟು ಶುಲ್ಕ ಹೆಚ್ಚಳ ಆಗಲಿದೆ.

ಇದನ್ನೂ ಓದಿ : https://vijayatimes.com/jailer-shooting-ends/

ವಿದ್ಯುತ್‌ ದರ ಹೆಚ್ಚಳ ಪಟ್ಟಿ (ದರ ಪೈಸೆಗಳಲ್ಲಿ)
ಎಸ್ಕಾಂ ಎಫ್‌ಪಿಪಿಸಿಎ (FPPCA) ಶುಲ್ಕ (ಜುಲೈ-ಸೆಪ್ಟೆಂಬರ್‌ವರೆಗೆ)

ಬೆಸ್ಕಾಂ 51
ಸೆಸ್ಕ್‌ 41
ಮೆಸ್ಕಾಂ 47
ಜೆಸ್ಕಾಂ 34
ಹೆಸ್ಕಾಂ 50

ವಿದ್ಯುತ್‌ ದರ ಹೆಚ್ಚಳ ಪಟ್ಟಿ (ದರ, ಯೂನಿಟ್‌ಗೆ ಪೈಸೆಗಳಲ್ಲಿ)
ಎಸ್ಕಾಂ ಎಫ್‌ಪಿಪಿಸಿಎ ಶುಲ್ಕ (ಅಕ್ಟೋಬರ್‌-ಡಿಸೆಂಬರ್‌)

ಬೆಸ್ಕಾಂ 50
ಸೆಸ್ಕ್‌ 41
ಮೆಸ್ಕಾಂ 46
ಜೆಸ್ಕಾಂ 33
ಹೆಸ್ಕಾಂ 50

• ರಶ್ಮಿತಾ ಅನೀಶ್