• ಬೆಂಗಳೂರಿನಲ್ಲಿ ವಿದ್ಯುತ್‌ ಕಳ್ಳರ ಹಾವಳಿ
• 2023-2024 2025 ಆ.2025 ರವರೆಗೆ 11,000 ಕೇಸ್‌
• ಬೆಸ್ಕಾಂ ಆದಾಯಕ್ಕೆ ಕುತ್ತು ತರುತ್ತಿದ್ದಾರೆ ವಿದ್ಯುತ್ ಕಳ್ಳರು (Electricity theft a headache for BESCOM)

Bangalore: ಬೆಂಗಳೂರು ವಿದ್ಯುತ್ ಸರಬರಾಜು ಕಂಪನಿ ಬೆಸ್ಕಾಂ (BESCOM) ಇಡೀ ರಾಜ್ಯದ ಅತಿ ದೊಡ್ಡ ವಿದ್ಯುತ್ ಸರಬರಾಜು ಕಂಪನಿಗಳಲ್ಲಿ ಒಂದಾಗಿದೆ.

ಕರ್ನಾಟಕದ ಶೇಕಡಾ 50 ರಷ್ಟು ಬೇಡಿಕೆಯ ವಿದ್ಯುತ್ ಪೂರೈಕೆ ಮಾಡುತ್ತಾ ಬಂದಿದ್ದು, ನಿರೀಕ್ಷಿತ ಆದಾಯ ಗಳಿಸುವುದು ಅನಿವಾರ್ಯವಾಗಿದೆ.

ಆದರೇ ಇದರ ಮದ್ಯ ವಿದ್ಯುತ್ ಕಳ್ಳತನ ಮಾಡಿ ಬೆಸ್ಕಾಂ ಆದಾಯಕ್ಕೆ ಕುತ್ತು ತರುತ್ತಿದ್ದಾರೆ. ವಿದ್ಯುತ್ ಕಳ್ಳರ ಹಾವಳಿ ಬೆಸ್ಕಾಂಗೆ ಅತೀದೊಡ್ಡ ತಲೆನೋವಾಗಿ ಪರಿಣಮಿಸಿದೆ.

ಬೆಸ್ಕಾಂ ನಿಗಮಕ್ಕೆ ಪ್ರತಿ ವರ್ಷವೂ ವಿದ್ಯುತ್ ಕಳ್ಳತನದ ಪ್ರಕರಣಗಳು ಆದಾಯದ ಸೋರಿಕೆಗೆ ಕಾರಣವಾಗಿದೆ. ಅನಧಿಕೃತವಾಗಿ ವಿದ್ಯುತ್ ಬಳಕೆ ಮಾಡುವವರ ವಿರುದ್ಧ ಕಠಿಣ ಕ್ರಮ,

ದಂಡ ಮತ್ತು ಜಾಗೃತಿ ಮೂಡಿಸಿದರೂ ಪ್ರಕರಣಗಳ ಸಂಖ್ಯೆ ಮಾತ್ರ ಕಡಿಮೆಯಾಗುತ್ತಿಲ್ಲ. 2023-24 ರ ಆರ್ಥಿಕ ವರ್ಷದಿಂದ ಈ ವರ್ಷದ ಆಗಸ್ಟ್ ವರೆಗೆ

ಬರೋಬ್ಬರಿ 11,193 ವಿದ್ಯುತ್ ಕಳ್ಳತನದ ಪ್ರಕರಣಗಳು ದಾಖಲಾಗಿವೆ ಎಂದು ಬೆಸ್ಕಾಂ ಮಾಹಿತಿ ನೀಡಿದೆ.

2023-24 ಆರ್ಥಿಕ ವರ್ಷದಲ್ಲಿ 28,573 ಪ್ರಕರಣಗಳನ್ನು ಪರಿಶೀಲನೆ ಮಾಡಲಾಗಿದ್ದು, ಅದರಲ್ಲಿ 4,748 ಪ್ರಕರಣಗಳು ದೃಢಪಟ್ಟಿವೆ. ಅವರ ಬಳಿ 12.20 ಕೋಟಿ ರೂ. ದಂಡವನ್ನು ವಸೂಲಿ ಮಾಡಲಾಗಿದೆ.

2024-25 ಆರ್ಥಿಕ ವರ್ಷದಲ್ಲಿ 25,921 ಪ್ರಕರಣಗಳ ಪರಿಶೀಲನೆ ಮಾಡಲಾಗಿದ್ದು, ಅದರಲ್ಲಿ 4,579 ಕಳ್ಳತನದ ಪ್ರಕರಣಗಳು ದೃಢಪಟ್ಟಿವೆ. ಅವರ ಬಳಿ 12.81 ಕೋಟಿ ರೂ. ದಂಡ ವಸೂಲಿ ಮಾಡಲಾಗಿದೆ.

2025-26(ಆಗಸ್ಟ್ ವರೆಗೆ) 9,853 ಪ್ರಕರಣಗಳ ಪರಿಶೀಲನೆ ಮಾಡಲಾಗಿದ್ದು, ಅದರಲ್ಲಿ 1,866 ಕಳ್ಳತನದ ಪ್ರಕರಣಗಳು ದೃಢಪಟ್ಟಿದ್ದು,

ಅವರ ಬಳಿ 4.95 ಕೋಟಿ ರೂ. ದಂಡವನ್ನು ವಸೂಲಿ ಮಾಡಲಾಗಿದೆ ಎಂದು ಬೆಸ್ಕಾಂ ವರದಿಮಾಡಿದೆ.

2023-24 ರಿಂದ 2025 ಆಗಸ್ಟ್ ವರೆಗೆ 64,347 ಕಡೆಗಳಲ್ಲಿ ಪರಿಶೀಲನೆ ನಡೆಸಿದ್ದ ಬೆಸ್ಕಾಂ ಜಾಗೃತ ದಳದ ಅಧಿಕಾರಿಗಳು, 11,193 ಕೇಸ್ ಗಳನ್ನ ದಾಖಲಿಸಿ 29.95 ಕೋಟಿ ರೂಪಾಯಿ ವಸೂಲಿ ಮಾಡಿರುವುದು

ಅಂಕಿ ಅಂಶದಿಂದ ದೃಎಪಟ್ಟಿದೆ. ಬೆಳಕಿಗೆ ಬಂದಿರುವ ಪ್ರಕರಣಗಳು ಒಂದೆಡೆಯಾದರೆ, ಬೆಳಕಿಗೆ ಬಾರದ ಪ್ರಕರಣಗಳು ಇನ್ನೂಎಷ್ಟು ಎಂಬುದು ಈಗ ಇಂಧನ ಇಲಾಖೆಯ ಕಳವಳಕ್ಕೆ ಕಾರಣವಾಗಿದೆ.

ಇದನ್ನು ಓದಿ : ಗೃಹಜ್ಯೋತಿ ಫಲಾನುಭವಿಗಳಿಗೆ ಬೆಸ್ಕಾಂ ಪರಿಷ್ಕೃತ ಬಿಲ್ ಭರವಸೆ

ಬೆಸ್ಕಾಂ ಆದಾಯವು ಕೂಡ ಈ ಕಳ್ಳತನದ ರೂಪದಲ್ಲಿ ಸೋರಿಕೆಯಾಗುತ್ತಿರುವುದು ದೃಢವಾಗಿದ್ದು. ಬೆಸ್ಕಾಂ ಜಾಗೃತರಾಗುವುದು ಉತ್ತಮವಾಗಿದೆ. (Electricity theft a headache for BESCOM)