• ಸೆಪ್ಟೆಂಬರ್ 26ರಿಂದ 28ರವರೆಗೆ ರೈತ ದಸರಾ
• ಮೈಸೂರಿನ ಹಬ್ಬಕ್ಕೆ ರೈತರ ಸೊಗಡು
• ಮೆರವಣಿಗೆಯಿಂದ ಹಬ್ಬಕ್ಕೆ ಚಾಲನೆ (Farmers Dussehra from September 26 to 28)

Mysore: ಮೈಸೂರು ದಸರಾ ಉತ್ಸವವನ್ನು(Dussehra Festival) ಜಾಗತಿಕ ಮಟ್ಟದಲ್ಲಿ ಸಂಸ್ಕೃತಿ ಮತ್ತು ಪರಂಪರೆಯ ಪ್ರತೀಕವಾಗಿ ನೋಡಲಾಗುತ್ತದೆ.

ರಾಜಮನೆತನದ ಕಾಲದಿಂದಲೂ ದಸರಾ ಶೋಭಾಯಾತ್ರೆ, ಜಂಬೂಸವಾರಿಗಳು, ಕಲೆ–ಸಾಹಿತ್ಯ–ಸಂಸ್ಕೃತಿ ಕಾರ್ಯಕ್ರಮಗಳು ಜಗತ್ತಿನ ಗಮನ ಸೆಳೆಯುತ್ತ ಬಂದಿವೆ.

ಈ ವೈಭವದ ನಡುವೆ ‘ರೈತ ದಸರಾ’(Farmer’s Dussehra) ವಿಶೇಷ ಸ್ಥಾನ ಪಡೆದಿದ್ದು, ಗ್ರಾಮೀಣ ಬದುಕಿನ ಸೊಗಡು, ಕೃಷಿಯ ಮಹತ್ವ ಹಾಗೂ ರೈತರ ಸಾಧನೆಗಳನ್ನು ಹೇಳುವ ಪ್ರಮುಖ ವೇದಿಕೆಯಾಗಿದೆ.

ಈ ಬಾರಿ ರೈತ ದಸರಾ ಉತ್ಸವವು(Farmers’ Dussehra Festival) ಸೆಪ್ಟೆಂಬರ್ 26ರಿಂದ 28ರವರೆಗೆ ಮೈಸೂರಿನ ಜೆಕೆ ಮೈದಾನದಲ್ಲಿ(JK ground) ನಡೆಯಲಿದೆ.

ರೈತ ದಸರಾ ಕಾರ್ಯಕ್ರಮಗಳ ಅಂಗವಾಗಿ, ಸೆಪ್ಟೆಂಬರ್ 26ರಂದು ಬೆಳಿಗ್ಗೆ 9.30ಕ್ಕೆ ಕೋಟೆ ಆಂಜನೇಯಸ್ವಾಮಿ ದೇವಾಲಯದ ಎದುರು ಭವ್ಯ ಮೆರವಣಿಗೆಯೊಂದಿಗೆ ಉತ್ಸವಕ್ಕೆ ಚಾಲನೆ ಸಿಗಲಿದೆ.

ಕೃಷಿ ಸಚಿವ ಎನ್. ಚೇಲುವರಾಯಸ್ವಾಮಿ(N. Cheluvarayaswamy) ಅವರು ಮೆರವಣಿಗೆಯನ್ನು ಧ್ವಜಾರೋಹಣ ಮಾಡುವ ಮೂಲಕ ಉದ್ಘಾಟಿಸಲಿದ್ದಾರೆ.

ಈ ಮೆರವಣಿಗೆಗೆ ಸಾಂಸ್ಕೃತಿಕ ಕಲಾವಿದರು, ಗ್ರಾಮೀಣ ನೃತ್ಯಪಟುಗಳು ಹಾಗೂ ರೈತರ ಜೀವನದ ಪ್ರತಿಬಿಂಬವನ್ನು ತೋರಿಸುವ ಚಿತ್ರರಥಗಳು ಸಿಂಗಾರಗೊಳ್ಳಲಿವೆ.

ಇದು ಮೈಸೂರು ನಗರದ ದಸರಾ ಸಂಭ್ರಮಕ್ಕೆ ಇನ್ನಷ್ಟು ಮೆರಗು ನೀಡಲಿದೆ.ಕಾರ್ಯಕ್ರಮದಲ್ಲಿ ಸಮಾಜ ಕಲ್ಯಾಣ ಸಚಿವ ಎಚ್.ಸಿ. ಮಹಾದೇವಪ್ಪ(H.C. Mahadevappa),

ಪಶುಸಂಗೋಪನೆ ಮತ್ತು ರೇಷ್ಮೆ ಬೆಳೆಯ ಸಚಿವ ಕೆ. ವೆಂಕಟೇಶ್(K. Venkatesh) ಭಾಗವಹಿಸಲಿದ್ದು, ಮೈಸೂರು ಶಾಸಕ ಟಿ.ಎಸ್. ಶ್ರೀವತ್ಸಾ(T.S. Srivatsa) ಕಾರ್ಯಕ್ರಮಕ್ಕೆ ಅಧ್ಯಕ್ಷತೆ ವಹಿಸಲಿದ್ದಾರೆ.

ಇನ್ನು ರೈತ ದಸರಾದ ಪ್ರಮುಖ ಆಕರ್ಷಣೆಗಳಲ್ಲಿ ಒಂದಾದ ಹಾಲು ದೋಹಣ ಸ್ಪರ್ಧೆ ಸೆಪ್ಟೆಂಬರ್ 27ರಂದು ಬೆಳಿಗ್ಗೆ 6.30ಕ್ಕೆ ಆರಂಭಗೊಳ್ಳಲಿದೆ.

ಮಹಿಳೆಯರು ಹಾಗೂ ಪುರುಷರು ಇಬ್ಬರೂ ಭಾಗವಹಿಸಬಹುದಾದ ಈ ಸ್ಪರ್ಧೆಯು, ಹಸು–ಜಾನುವಾರುಗಳ ನಿರ್ವಹಣೆಯಲ್ಲಿ ರೈತರ ಶ್ರಮ ಹಾಗೂ ನೈಪುಣ್ಯವನ್ನು ತೋರಿಸುವ ವೇದಿಕೆಯಾಗಿದೆ.

ಸಂಜೆ 5.30ಕ್ಕೆ ವಿಜೇತರಿಗೆ ಬಹುಮಾನ ವಿತರಣೆ ಕಾರ್ಯಕ್ರಮ ನಡೆಯಲಿದೆ. ಅಲ್ಲದೆ ಸೆಪ್ಟೆಂಬರ್ 28ರಂದು ಜೆಕೆ ಮೈದಾನವು ಸಂಪೂರ್ಣವಾಗಿ ಮಕ್ಕಳ ನಗು–ಹರ್ಷದಿಂದ ತುಂಬಿ ತುಳುಕಲಿದೆ.

ಏಕೆಂದರೆ, ಆ ದಿನ ನಾಯಿ ಮತ್ತು ಪೇಟ್ಸ್ ಪ್ರದರ್ಶನ ನಡೆಯಲಿದೆ.ವಿವಿಧ ತಳಿಯ ನಾಯಿ, ಬೆಕ್ಕುಗಳು ಹಾಗೂ ಸಾಕು ಪ್ರಾಣಿಗಳ ಪ್ರದರ್ಶನ ನಡೆಯಲಿದ್ದು,

ಸಾಕುಪ್ರಾಣಿಗಳ ಪಾಲನೆ–ಪೋಷಣೆ ಕುರಿತು ಜಾಗೃತಿ ಮೂಡಿಸುವ ಉಪನ್ಯಾಸಗಳೂ ಇರಲಿವೆ.ಸಚಿವ ಕೆ. ವೆಂಕಟೇಶ್ ಅವರು ಪ್ರದರ್ಶನವನ್ನು ಉದ್ಘಾಟಿಸಲಿದ್ದಾರೆ.

ಸಂಜೆ ವಿಜೇತರಿಗೆ ಬಹುಮಾನ ವಿತರಣೆ ಸಮಾರಂಭ ನಡೆಯಲಿದೆ.ಮೈಸೂರಿನ ದಸರಾ ವೈಭವಕ್ಕೆ ರೈತ ದಸರಾ ಹೊಸ ಬಣ್ಣ ತುಂಬುತ್ತಿದೆ.

ಇದನ್ನು ಓದಿ :  ಕೋಲಾರ ತಾಲ್ಲೂಕಿನ 30 ಕೆರೆಗಳಿಗೆ ನೀರು, ಕೆ.ಸಿ.ವ್ಯಾಲಿ 2ನೇ ಹಂತದ ಯೋಜನೆ, ಸಿಎಂ ಸಿದ್ದರಾಮಯ್ಯರಿಂದ ಚಾಲನೆ

ಮೆರವಣಿಗೆ, ಹಾಲು ದೋಹಣ, ನಾಯಿ–ಪೇಟ್ಸ್ ಪ್ರದರ್ಶನ ಮತ್ತು ಕ್ರೀಡಾಕೂಟಗಳು ಸೇರಿ ಮೈಸೂರು ದಸರಾ ಸಂಭ್ರಮವನ್ನು ಇನ್ನಷ್ಟು ಸಮೃದ್ಧಗೊಳಿಸುತ್ತವೆ. (Farmers Dussehra from September 26 to 28)