• ಪರವಾನಗಿ ಇಲ್ಲದೇ ಮಾರಾಟ (fine on illegal sale of walkie-talkies) ಮಾಡಿದ ಆರೋಪ; ಅಮೆಜಾನ್, ಫ್ಲಿಪ್‌ಕಾರ್ಟ್, ಮೀಶೋ ಸೇರಿ ಪ್ರಮುಖ ಕಂಪನಿಗಳಿಗೆ ನೋಟಿಸ್
• ಗ್ರಾಹಕ ರಕ್ಷಣಾ ಕಾಯ್ದೆ ಉಲ್ಲಂಘನೆ ಆರೋಪದಲ್ಲಿ ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರದ ಸ್ವಯಂಪ್ರೇರಿತ ತನಿಖೆ
• 16,970ಕ್ಕೂ ಹೆಚ್ಚು ನೋಂದಣಿಯಾಗದ ಉತ್ಪನ್ನ ಪತ್ತೆ; ಗ್ರಾಹಕರ ಸುರಕ್ಷತೆ ಕುರಿತು ಆತಂಕ

New Delhi: ಪರವಾನಗಿ ಇಲ್ಲದೇ ವಾಕಿ-ಟಾಕಿಗಳನ್ನು (Walkie-Talkies) ಆನ್‌ಲೈನ್‌ನಲ್ಲಿ ಮಾರಾಟ ಮಾಡುತ್ತಿದ್ದ (fine on illegal sale of walkie-talkies) ಪ್ರಕರಣಕ್ಕೆ ಸಂಬಂಧಿಸಿ ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರ (Central Consumer Protection Authority – CCPA) ಕಠಿಣ ಕ್ರಮ ಕೈಗೊಂಡಿದೆ.

ಗ್ರಾಹಕ ರಕ್ಷಣಾ ಕಾಯ್ದೆ 2019 ಹಾಗೂ ದೂರಸಂಪರ್ಕ ಸಂಬಂಧಿತ ಕಾನೂನುಗಳನ್ನು ಉಲ್ಲಂಘಿಸಿದ್ದ ಆರೋಪದಡಿ ದೇಶದ ಪ್ರಮುಖ 13 ಇ-ಕಾಮರ್ಸ್ (E-Commerce) ವೆಬ್‌ಸೈಟ್‌ಗಳಿಗೆ ದಂಡ ವಿಧಿಸಲಾಗಿದೆ. ಕೆಲವು ಪ್ರಮುಖ ಪ್ಲಾಟ್‌ಫಾರ್ಮ್‌ಗಳಿಗೆ ತಲಾ 10 ಲಕ್ಷ ರೂ. ದಂಡ ವಿಧಿಸಲಾಗಿದ್ದು, ಇನ್ನು ಕೆಲವು ಕಂಪನಿಗಳಿಗೆ ತಲಾ 1 ಲಕ್ಷ ರೂ. ದಂಡ ವಿಧಿಸಲಾಗಿದೆ.

ಅಕ್ರಮ ಮಾರಾಟದ ಮೂಲಕ ಗ್ರಾಹಕರ ಸುರಕ್ಷತೆ ಹಾಗೂ ರಾಷ್ಟ್ರೀಯ ಭದ್ರತೆಗೆ ಅಪಾಯ ಉಂಟಾಗುವ (fine on illegal sale of walkie-talkies) ಸಾಧ್ಯತೆ

ಇದೆ ಎಂಬ ಹಿನ್ನೆಲೆಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರ ಸ್ವಯಂಪ್ರೇರಿತವಾಗಿ ನಡೆಸಿದ ತನಿಖೆಯಲ್ಲಿ, 16,970ಕ್ಕೂ ಹೆಚ್ಚು ನೋಂದಣಿಯಾಗದ ಹಾಗೂ ಪರವಾನಗಿ ರಹಿತ ವಾಕಿ-ಟಾಕಿ ಉತ್ಪನ್ನಗಳು ವಿವಿಧ ಇ-ಕಾಮರ್ಸ್ ವೇದಿಕೆಗಳಲ್ಲಿ ಮಾರಾಟವಾಗುತ್ತಿರುವುದು ಪತ್ತೆಯಾಗಿದೆ.

ಚಿಮಿಯಾ, ಜಿಯೋಮಾರ್ಟ್ (Geomart) , ಟಾಕ್ ಪ್ರೊ, ಮೀಶೋ, ಮಾಸ್ಕ್ಮ್ಯಾನ್ ಟಾಯ್ಸ್, ಟ್ರೇಡ್‌ಇಂಡಿಯಾ (TradeIndia) , ಆಂಟ್ರಿಕ್ಷ್ ಟೆಕ್ನಾಲಜೀಸ್, ವರ್ದಾನ್‌ಮಾರ್ಟ್, ಇಂಡಿಯಾಮಾರ್ಟ್, ಮೆಟಾ ಪ್ಲಾಟ್‌ಫಾರ್ಮ್ಸ್ ಇಂಕ್ (Meta Platforms Inc) (ಫೇಸ್‌ಬುಕ್ ಮಾರ್ಕೆಟ್‌ಪ್ಲೇಸ್), ಫ್ಲಿಪ್‌ಕಾರ್ಟ್, ಕೃಷ್ಣ ಮಾರ್ಟ್ ಹಾಗೂ ಅಮೆಜಾನ್ ಸೇರಿದಂತೆ ಒಟ್ಟು 13 ಕಂಪನಿಗಳಿಗೆ ನೋಟಿಸ್ ಜಾರಿ ಮಾಡಲಾಗಿದೆ.

ಈ ಸಂಸ್ಥೆಗಳು ವಾಕಿ-ಟಾಕಿಗಳ ಬಳಕೆಗೆ ಅಗತ್ಯವಿರುವ ಪರವಾನಗಿ ಮಾಹಿತಿ ಅಥವಾ ಕಾನೂನು ಬಾಧ್ಯತೆಗಳ ಬಗ್ಗೆ ಗ್ರಾಹಕರಿಗೆ ಸ್ಪಷ್ಟ ಮಾಹಿತಿ ನೀಡದೆ

ಉತ್ಪನ್ನಗಳನ್ನು ಮಾರಾಟ ಮಾಡುತ್ತಿದ್ದವು ಎಂಬುದು ತನಿಖೆಯಲ್ಲಿ ಬೆಳಕಿಗೆ ಬಂದಿದೆ.

ಗ್ರಾಹಕ ವ್ಯವಹಾರಗಳ ಕಾರ್ಯದರ್ಶಿ ನಿಧಿ ಖರೆ ಅವರ ಮಾಹಿತಿ ಪ್ರಕಾರ, ವಾಕಿ-ಟಾಕಿಗಳು ಸಾಮಾನ್ಯ ಎಲೆಕ್ಟ್ರಾನಿಕ್ ಸಾಧನಗಳಲ್ಲ.

ಅವು ರೇಡಿಯೋ ತರಂಗಗಳನ್ನು ಬಳಸುವ ಸಂವಹನ ಸಾಧನಗಳಾಗಿದ್ದು, ದೂರಸಂಪರ್ಕ ಇಲಾಖೆಯಿಂದ ನಿರ್ದಿಷ್ಟ ಪರವಾನಗಿ ಪಡೆದ ಬಳಿಕವೇ ಅವುಗಳನ್ನು ಬಳಸುವಂತಿದೆ.

ಆದರೆ ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್‌ಗಳು ಯಾವುದೇ ನಿಯಂತ್ರಣವಿಲ್ಲದೇ, “ಸುಲಭವಾಗಿ ಬಳಸಿ” ಎಂಬ ರೀತಿಯಲ್ಲಿ ಜಾಹೀರಾತು ನೀಡುತ್ತಾ ಗ್ರಾಹಕರನ್ನು ದಾರಿತಪ್ಪಿಸುತ್ತಿದ್ದವು.

ಇದು ಕೇವಲ ಗ್ರಾಹಕ ಹಕ್ಕುಗಳ ಉಲ್ಲಂಘನೆಯಷ್ಟೇ ಅಲ್ಲ, ದೂರಸಂಪರ್ಕ ಕಾನೂನುಗಳ ಸ್ಪಷ್ಟ ಉಲ್ಲಂಘನೆಯೂ ಆಗಿದೆ ಎಂದು ಅವರು ತಿಳಿಸಿದ್ದಾರೆ.

ಈ ಹಿನ್ನೆಲೆಯಲ್ಲಿ, ಗ್ರಾಹಕರನ್ನು ದಾರಿತಪ್ಪಿಸುವ ಜಾಹೀರಾತುಗಳು ಹಾಗೂ ಅಕ್ರಮ ವ್ಯಾಪಾರದ ಆರೋಪದಡಿ ಮೀಶೋ, ಮೆಟಾ ಪ್ಲಾಟ್‌ಫಾರ್ಮ್ಸ್ ಇಂಕ್

(ಫೇಸ್‌ಬುಕ್ ಮಾರ್ಕೆಟ್‌ಪ್ಲೇಸ್), ಫ್ಲಿಪ್‌ಕಾರ್ಟ್ ಮತ್ತು ಅಮೆಜಾನ್‌ಗೆ (Amazon) ತಲಾ 10 ಲಕ್ಷ ರೂ. ದಂಡ ವಿಧಿಸಲಾಗಿದೆ.

ಜೊತೆಗೆ ಚಿಮಿಯಾ, ಜಿಯೋಮಾರ್ಟ್, ಟಾಕ್ ಪ್ರೊ ಮತ್ತು ಮಾಸ್ಕ್ಮ್ಯಾನ್ ಟಾಯ್ಸ್‌ಗೆ ತಲಾ 1 ಲಕ್ಷ ರೂ. ದಂಡ ವಿಧಿಸಲಾಗಿದೆ. ಈಗಾಗಲೇ ಮೀಶೋ, ಮೆಟಾ, ಚಿಮಿಯಾ, ಜಿಯೋಮಾರ್ಟ್ ಹಾಗೂ ಟಾಕ್ ಪ್ರೊ ಕಂಪನಿಗಳು ತಮ್ಮ ದಂಡದ ಮೊತ್ತವನ್ನು ಪಾವತಿಸಿದ್ದು, ಉಳಿದ ಇ-ಕಾಮರ್ಸ್ ವೇದಿಕೆಗಳು ಶೀಘ್ರದಲ್ಲೇ ದಂಡ ಪಾವತಿಸಬೇಕಿದೆ ಎಂದು ಸಿಸಿಪಿಎ ಸ್ಪಷ್ಟಪಡಿಸಿದೆ.

ನಿಯಮ ಉಲ್ಲಂಘನೆ ಮುಂದುವರಿದರೆ ಇನ್ನಷ್ಟು ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂಬ ಎಚ್ಚರಿಕೆಯನ್ನೂ ನೀಡಲಾಗಿದೆ.

ಈ ಪ್ರಕರಣ ಇ-ಕಾಮರ್ಸ್ ಕ್ಷೇತ್ರದಲ್ಲಿ ನಿಯಂತ್ರಣ ಮತ್ತು ಹೊಣೆಗಾರಿಕೆಯ ಅಗತ್ಯವನ್ನು ಮತ್ತೊಮ್ಮೆ ನೆನಪಿಸುತ್ತದೆ. ಆನ್‌ಲೈನ್ ವೇದಿಕೆಗಳು ಕೇವಲ ವ್ಯಾಪಾರದ

ಲಾಭವನ್ನೇ ಗಮನಿಸದೆ, ಕಾನೂನು ಪಾಲನೆ ಮತ್ತು ಗ್ರಾಹಕರ ಸುರಕ್ಷತೆಯನ್ನು ಮೊದಲ ಆದ್ಯತೆಯಾಗಿ ಪರಿಗಣಿಸಬೇಕು ಎಂಬ ಸಂದೇಶವನ್ನು ಈ ಕ್ರಮ ನೀಡುತ್ತದೆ.

ವಾಕಿ-ಟಾಕಿ ಸೇರಿದಂತೆ ಸಂವಹನ ಸಾಧನಗಳ ಅಕ್ರಮ ಬಳಕೆ ಸಾರ್ವಜನಿಕ ಸುರಕ್ಷತೆ, ತುರ್ತು ಸೇವೆಗಳು ಮತ್ತು ರಾಷ್ಟ್ರೀಯ ಭದ್ರತೆಗೆ ಧಕ್ಕೆಯಾಗುವ ಸಾಧ್ಯತೆ ಇರುವುದರಿಂದ, ಮುಂದಿನ ದಿನಗಳಲ್ಲಿ ಇಂತಹ ಉತ್ಪನ್ನಗಳ ಮಾರಾಟದ ಮೇಲೆ ಇನ್ನಷ್ಟು ನಿಗಾ ವಹಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಗ್ರಾಹಕರೂ ಕೂಡ ಕಾನೂನುಬದ್ಧತೆ ಪರಿಶೀಲಿಸದೇ ಇಂತಹ ಸಾಧನಗಳನ್ನು ಖರೀದಿಸದಂತೆ ಜಾಗರೂಕರಾಗಬೇಕೆಂದು ಸೂಚಿಸಲಾಗಿದೆ.

ಇದನ್ನು ಓದಿ : https://vijayatimes.com/vacancy-in-indian-army