11 ವರ್ಷದೊಳಗಿನ ಬಾಲಕರ ಫುಟ್ಬಾಲ್(Football) ತಂಡದ ಕೋಚ್(Team Coach), ತಮ್ಮ ತಂಡ ಪಂದ್ಯದಲ್ಲಿ ಸೋತಿದ್ದಕ್ಕೆ ತಂಡದ ಕೆಲ ಸದಸ್ಯರನ್ನು ಅಮಾನುಷವಾಗಿ ಥಳಿಸಿರುವ ಘಟನೆ ಯುಪಿಯಲ್ಲಿ ನಡೆದಿದೆ. ಇನ್ಸ್‌ಪೆಕ್ಟರ್(Inspector) ಶಿವಪುರ, ಎಸ್‌ಆರ್ ಗೌತಮ್ ಅವರು ಆಸ್ಪತ್ರೆಗೆ ತೆರಳಿ ಹುಡುಗರ ಯೋಗಕ್ಷೇಮ ವಿಚಾರಿಸಿಕೊಂಡಿದ್ದಾರೆ. ಈ ಘಟನೆಯ ಬಗ್ಗೆ ತಮ್ಮ ಕುಟುಂಬಗಳಿಗೆ ತಿಳಿಸುವ ಮುನ್ನವೇ, ಕೋಚ್ ಸ್ಥಳದಿಂದ ಪರಾರಿಯಾಗಿದ್ದಾನೆ. ಬಾಲಕರ ದೂರಿನ ಮೆರೆಗೆ, ಕೋಚ್ ಮೊಹಮ್ಮದ್ ಶಾದಾಬ್ ವಿರುದ್ಧ ಐಪಿಸಿ ಸೆಕ್ಷನ್ 342, 504 ಮತ್ತು 506ರ ಅಡಿಯಲ್ಲಿ ಎಫ್‌ಐಆರ್ ದಾಖಲಿಸಲಾಗಿದೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಆರೋಪಿಯಾದ ಕೋಚ್ ಪೊಲೀಸರ ಕೈಗೆ ಸಿಗದೆ ತಲೆಮರೆಸಿಕೊಂಡಿದ್ದಾನೆ. ಶೀಘ್ರದಲ್ಲೇ ಆತನನ್ನು ಬಂಧಿಸಲಾಗುವುದು. ವಿವೇಕ್ ಸಿಂಗ್ ಮಿನಿ ಸ್ಟೇಡಿಯಂನಲ್ಲಿ ಫುಟ್ಬಾಲ್ ಆಡುತ್ತಿದ ನಮ್ಮ ತಂಡ ಸೋತ ಕಾರಣಕ್ಕೆ, ನಮಗೆ ಮನಬಂದಂತೆ ಥಳಿಸಿದರು ಎಂದು ತಂಡದ ಸದಸ್ಯರೊಬ್ಬರು ದೂರಿನಲ್ಲಿ ತಿಳಿಸಿದ್ದಾರೆ. ಶುಕ್ರವಾರ ನಡೆದ ಪಂದ್ಯದಲ್ಲಿ ಅವರ ತಂಡವು ಬನಾರಸ್ ಹಿಂದೂ ವಿಶ್ವವಿದ್ಯಾನಿಲಯ ಕ್ಯಾಂಪಸ್‌ನಲ್ಲಿ ನಡೆಸಲಾದ ಫುಟ್ಬಾಲ್ ಪಂದ್ಯಾವಳಿಯಲ್ಲಿ ಪಂದ್ಯವನ್ನು ಆಡಲು ತೆರಳಿದ್ದರು.
ಆದರೆ, ಅಂತ್ಯದ ವೇಳೆಯಲ್ಲಿ ಸೋತರು. ಪಂದ್ಯ ಸೋತರು ಎಂಬ ಕಾರಣವನ್ನು ಮುಂದಿಟ್ಟುಕೊಂಡ ಕೋಚ್ ಮೊಹಮ್ಮದ್ ಶಾದಾಬ್, ತಂಡದ ಇಬ್ಬರು ಸಹ ಆಟಗಾರರನ್ನು ಕೊಠಡಿಯಲ್ಲಿ ಮುಚ್ಚಿ ದೊಣ್ಣೆ, ಬೆಲ್ಟ್ ಮತ್ತು ಚಪ್ಪಲಿಯಿಂದ ಕ್ರೂರವಾಗಿ ಥಳಿಸಿ, ನಿಂದಿಸಿದ್ದಾರೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.
